ཤད་སོགས་ཀྱི་སྦྱོར་ཚུལ་ཅུང་བཤད་པ།
                    རྩོམ་པ་པོ།   བསྟན་འཛིན་ལྷུན་གྲུབ།
ལྷུག་པའི་དོན་མང་མིང་མཚམས་དང་། །དོན་འབྲིང་འབྱེད་དང་དོན་ཉུང་རྫོགས།།
ཚིགས་བཅད་ག་མཐར་ཆིག་ཤད་བྱ། །རྫོགས་ཚིག་མཐའ་ཅན་ལྷུག་པ་དང་། །
ཚིགས་བཅད་རྐང་མཐར་ཉིས་ཤད་འཐོབ། །དོན་ཚན་ཆེན་མོ་རྫོགས་པ་དང་། །
ལེའུའི་མཚམས་སུ་བཞི་ཤད་དགོས། །ང་ཡིག་མ་གཏོགས་ཡིག་ཤད་བར། །
ཚེག་མེད་དེ་སོགས་ཞིབ་ཏུ་འབད། །
ཅེས་བོད་ཀྱི་པར་ཁང་ཆེ་པོ་བཞི་དང་དབྱངས་ཅན་གྲུབ་པའི་རྡོ་རྗེའི་དགོངས་པ་བཞིན་ཤད་སོགས་ཀྱི་སྦྱོར་ཚུལ་ཅུང་བཤད་པར་སྤྲོ།
དེ་ཡང་ཤད་ཀྱི་བྱེད་ལས་ནི་མིང་ཚིག་བརྗོད་པ་གསུམ་གྱི་བར་མཚམས་ཁྱད་པར་འབྱེད་པའི་རྐྱེན་བྱེད་པས་རྐྱེན་གྱི་ཡི་གེ་ཞེས་ཀྱང་བྱ།
ལྗོན་དབང་གི་རྩ་ཚིག་ལྟར་ཚིག་ལྷུག་མའི་སྐབས་དོན་མང་མིང་ཚིག་བར་ལ་ཆིག་ཤད་ཐོབ་པ།   དཔེར་ན།    མིག་དང་།   སྣ་དང་།   ལྕེ་དང་།  རྣ་བ།  ལུས།བཅས་ནི་དབང་པོ་ལྔ།         ལྟ་བུ་དང་།      དོན་འབྲིང་ཙམ་འབྱེད་པ་བརྗོད་པའི་མཚམས་ལའང་ཆིག་ཤད་ཐོབ་པ།   དཔེར་ན།     ལོག་སྨྲ་ཚར་གཅོད་སྒྲ་དང་ཚད་མ། སྐལ་ལྡན་རྗེས་སུ་འཛིན་པའི་ཡན་ལག་བཟོ་དང་གསོ་བ།   
རང་ཉིད་ཆོས་ཀུན་ཤེས་པར་བྱེད་པ་ནང་དོན་རིག་པ།  ལྟ་བུའོ།།
དོན་ཉུང་ངུ་རྫོགས་པའི་སྐབས་ལ་ཡང་ཆིག་ཤད་ཐོབ་པ།  དཔེར་ན།   མཁས་པའི་བྱ་བ་རྣམ་གསུམ་ནི་འཆད་པ། རྩོད་པ།   རྩོམ་པ།     ལྟ་བུའོ།། 
ཚིགས་བཅད་སྐབས་རྐང་པའི་མཐར་ག་ཡིག་ཀ་ཡིག་ཤ་ཡིག་ལྟ་བུ་ཕྱི་རྐང་ཅན་གྱི་ཡི་གེའི་རྐང་པ་དྲང་པོར་བྱུང་བ་དག་ལ་མཐར་ཆིག་ཤད་ཐོབ་པ་དང་ཚིགས་བཅད་རྐང་པའི་མཐར་ཚིག་གཞན་ཡོད་ན་ཉིས་ཤད་ཐོབ་པ།     དཔེར་ན།    
              རྒྱལ་བའི་ཐུགས་རྗེ་རིས་མེད་ཀུན་ལ་སྙོམས།།
              རྒྱ་ཆེ་སེམས་ཅན་ཁམས་ཀྱི་རྗེས་སུ་འཇུག།
              རྒྱ་འམ་འཆིང་བ་ལས་ནི་རྣམ་གྲོལ་བྱེད།།
             རྒྱ་མཚོ་ལས་ལྷག་གཏིང་མཐའ་ཟད་མི་ཤེས།།
 ལྟ་བུ་དང་།   ཡིན་ཡང་ཚིགས་ལྷུག་མའི་སྐབས་སུ་ཀ་ཡིག་ག་ཡིག་ཤ་ཡིག་རྣམས་ཀྱི་རྐང་པའི་ཤད་གོ་མི་ཆོད་ཅིང་ཚིགས་བཅད་སྐབས་ལ་ཡང་ཀ་ཡིག་ག་ཡིག་ཤ་ཡིག་སོགས་ལ་དབྱངས་དང་མགོ་ཅན་འདོགས་ཅན་སོགས་ཡོད་སྐབས་ཤད་ཀྱི་གོ་མི་ཆོད་པ་ཡིན་པར་སྔོན་གྱི་པར་ཁང་ཆེན་པོ་དག་གི་ལུགས་ཡིན།
ཚིག་བཅད་ཚིག་ལྷུག་གང་རུང་ལ་རྫོགས་ཚིག་གི་ཕྲད་བྱུང་སྐབས་ཉིས་ཤད་ཐོབ་ལ་ཤད་གཉིས་བར་བར་སྟོང་ཆུང་ཙམ་དགོས་ལ་ཤད་གཞན་རྣམས་བར་སྟོང་ཆེ་ཙམ་ཡོད།  དཔེར་ན།   སུམ་ཅུ་པ་དང་།   རྟགས་ཀྱི་འཇུག་པ།  དག་ཡིག།   སྙན་ངག།    མངོན་བརྗོད།    སྡེབ་སྦྱོར།   ཟློས་གར་རྣམས་ནི་བོད་ཀྱི་སྒྲ་རིག་པའོ།།   ཀ་ལ་པ་དང་།  ཙནྡྲ་པ།  དབྱངས་ཅན་སྒྲ་མདོ།   པཎི་པ་སོགས་ནི་ལེགས་སྦྱར་གྱི་སྒྲ་རིག་པའོ།།   དོན་ཚན་ཆེན་པོ་རྫོགས་པའི་མཚམས་དང་ལེའུ་ཡི་མཚམས་སུ་བཞི་ཤད་ཐོབ་པ།        དཔེར་ན།        བོད་ཀྱི་བརྡ་སྤྲོད་པའི་རིག་གཞུང་རྫོགས་སོ།།  །།སེམས་བསྐྱེད་པའི་སྐབས་ཏེ་དང་པོའོ།།  །།ལྟ་བུ་དང་།
ང་ཡིག་དང་ཤད་བར་དུ་ངེས་པར་དུ་ཚེག་དགོས་ལ་ཡི་གེ་གཞན་དང་ཤད་བར་ལ་ཚེག་མེད་ཁོ་ནའོ།།     དཔེར་ན།     གྲུབ་མཐའ་བཞི་ནི་དབུ་མ་བ་དང་།  
སེམས་ཙམ་པ་དང་།     མདོ་སྡེ་བ་དང་།     བྱེ་བྲག་སྨྲ་བ་བཞིའོ།།ལྟ་བུ་དང་།  རྔ།  ལྔ།   སྔ་ལྟ་བུར་ཡིག་དང་ཤད་བར་ལ་ཚེག་མི་དགོས་སོ།། 
   དེ་སོགས་ཞིབ་ཏུ་འབད།  ཅེས་པའི་སོགས་སྒྲས་དབུ་འཁྱུད་དང་རིན་ཆེན་སྤུངས་ཤད།     སྦྲུལ་ཤད་རྣམས་ཀྱི་སྦྱོར་ཚུལ་བསྡུས་ཡོད་པས་ཞིབ་ཏུ་འབད་པ་འཚལ་ཞེས་བྱའོ།། 
 དེ་ཡང་དབུ་ཁྱུད་(རྒྱས་༄༅༅།  །  འབྲིང་༄༅། །  བསྡུས࿓། །)ནི་ཡི་གེ་གང་ཞིག་ཤོག་ངོས་སོགས་ཀྱི་ངོས་སུ་འབྲི་སྐབས་མགོ་འཛུགས་སམ་དབུ་འཛིན་ས་སྟོན་པས་དབུ་ཁྱུད་ཡང་ན་ཡིག་མགོ་ཞེས་ཟེར། ཡིག་མགོ་དང་ཤད་འབྲི་སྐབས།    ཤད་དང་པོ་ཡིག་མགོ་ལ་གཅར་བ་དང་གཉིས་པ་དེ་ཡི་གེ་མགོ་མ་ལ་གཅར་བ།
རིན་ཆེན་སྤུངས་ཤད་(༑)ནི་རིན་པོ་ཆེ་སྤུངས་པ་ལྟ་བུས་སྤུངས་དང་རྐང་པ་དྲང་ཞིང་ཤར་མོར་ཡོད་པས་རིན་ཆེན་སྤུངས་ཤད་(རྒྱས ༑   འབྲིང་༐  བསྡུས ༏ )ཅེས་བྱའོ།།      རིན་ཆེན་སྤུངས་ཤད་ནི་ཡིག་འཕྲེང་གོང་མའི་ནང་གི་ཡིག་འབྲུ་གཅིག་ནས་གསུམ་ཡིག་འཕྲེང་གོང་མ་ནང་མ་རྫོགས་པར་ཡིག་འཕྲེང་འོག་མར་ཤོར་སྐབས་ཤད་དགོས་ཚེ་རིན་ཆེན་སྤུངས་ཤད་ཐོབ་པ།    
སྦྲུལ་ཤད་(༈)ནི་དོན་ཚན་གཞན་ཞིག་གི་དབུ་འཛིན་པ་མཚོན་ཏེ་དོན་ཚན་སྔ་མ་རྫོགས་པ་དང་དོན་ཚན་ཕྱི་མ་གཞན་ཞིག་མགོ་འཛིན་ནས་འབྲི་བའི་་སྐབས་ལ་བཞི་ཤད་དང་ཉིས་ཤད་ཀྱི་བར་དུ་སྦྲུལ་ཤད་ཐོབ་པ།     ཞིབ་པར་འོག་བཞིན་ཡིན་ནོ།།
༄༅། །ཡི་གེའི་མདོ་བཞུགས་སོ།  །ཀ་ཁ་ག་ང་། ཅ་ཆ་ཇ་ཉ།  ཏ་ཐ་ད་ན། པ་ཕ་བ་མ།  ཙ་ཚ་ཛ་ཝ། ཞ་ཟ་འ་ཡ། ར་ལ་ཤ་ས། ཧ་ཨ། གསལ་བྱེད་ཀྱི་ལེའུའོ།། ༈ །།ཨི་ཨུ་ཨེ་ཨོ། དབྱངས་ཀྱི་ལེའུའོ།། །།ཡི་གེའི་མདོ་རྫོགས་སོ།། །།

༸འཇམ་མགོན་བླ་མ་ཙོང་ཁ་པའི་ཞལ་ནས།
ཡོན་ཏན་ཀུན་གྱི་གཞིར་གྱུར་དྲིན་ཅན་རྗེ།།
ཚུལ་བཞིན་བསྟེན་པ་ལམ་གྱི་རྩ་བ་རུ།།
ལེགས་པར་མཐོང་ནས་འབད་པ་དུ་མ་ཡིས།།
གུས་པ་ཆེན་པོས་བསྟེན་པར་བྱིན་གྱིས་རློབས།།[强][强][强][爱心][太阳][玫瑰][玫瑰][合十][合十][合十][合十][烟花][烟花][烟花][爆竹][爆竹][礼物][红包]

རྗེ་ཚེ་འཛིན་མ།持寿宗喀巴这个来历是扎贡仁宝切在净相当中见到宗大师，由宗大师亲自传的，作用主要消除寿命短暂横死夭折等魔难，加持增长寿命。
དམིགས་མེད་བརྩེ་བའི་གཏེར་ཆེན་སྦྱན་རས་གཟིགས།།
དྲི་མེད་མཁྱེན་པའི་དབང་བོ་འཇམ་པའི་དབྱངས།།
དུས་མིན་འཆི་བ་འཇོམས་མཛད་ཚེ་དཔག་མེད།།
གངས་ཅན་མཁས་པའི་གཙུག་རྒྱན་ཙོང་ཁ་པ།།
བློ་བཟང་གྲགས་པའི་ཞབས་ལ་གསོལ་བ་འདེབས།།
无缘大悲宝库观世音
无垢大智涌泉妙吉祥
摧毁非时横死无量寿
雪域智者顶严宗喀巴
善慧名称足前呈祈请
[合十][合十][合十]