དྭངས་གཙང་གི་སེམས་པ་ནི་བདེ་སྐྱིད་ཀྱི་གཞི་མ་ཡིན།
ལྷད་མེད་འཛའ་བརྩེ་ནི་མཐུན་སྒྲིལ་གྱི་གསེར་ཟམ་ཡིན།
ཟོལ་མེད་ཀྱི་དད་དམ་ནི་ཐར་པ་ཡི་ལྡེ་མིག་ཡིན།
ངེས་པར་དུ་རྟོགས་དགོས་པ་ཞིག་ལ།
འདི་དག་ནི་འཁྲབ་སྟོན་ཙམ་གྱི་གང་ཡང་མི་ཡོང་ཞེས་པ་དེའོ།།

སྔོན་དུ་འགྲོ་བའི་གཏམ།

དཀར་ཟས་ནི་འགྲོ་བ་མིའི་རིགས་ཀྱི་བཟའ་བཏུང་རིག་གནས་ཁྲོད་དུ་ངོ་མཚར་བའི་དགེ་མཚན་རྨད་དུ་བྱུང་བ་དང་ལྡན་པ་ཞིག་ཏུ་སྣང་སྟེ། ཉམ་ཆུང་གི་སེམས་ཅན་གྲངས་མེད་པ་ཞིག་སྡུག་བསྔལ་གྱི་རྣམ་གྲངས་མཐའ་ཡས་པ་ལས་ཐར་ནས་ཚེ་སྲོག་ལ་རང་དབང་གི་བདེ་བས་ཁྱབ་པར་བྱེད་པ་དང་། འཚེ་མེད་ཞི་བའི་ལམ་ལ་ཡོངས་སུ་བསྐྱོད་པའི་འཛམ་གླིང་གི་གང་ཟག་དུང་ཕྱུར་དུ་མ་དང་། ཁྱད་པར་དུ་དེང་རབས་ཀྱི་ན་གཞོན་ཐེར་འབུམ་མང་པོས་དགའ་བའི་ཡིད་ཀྱིས་བསྟེན་པར་བྱ་བ། སུ་དང་གང་གིས་བསྟེན་པ་དེའི་ལུས་དང་སེམས་ལ་ནད་མེད་ཅིང་བདེ་སྐྱིད་ཀྱི་ཚོར་བ་སྐྲུན་པ། གནམ་ས་རྒྱ་མཚོ་དང་བཅས་པའི་ཁོར་ཡུག་ལ་དྭངས་གཙང་གི་བདུད་རྩི་སྟེར་བར་བྱེད་པ་ཞིག་སྟེ། དེའི་ཕྱིར་སྐྱེ་བོ་ཡོངས་ཀྱི་ཁྱུ་མཆོག་སྟོན་པ་སངས་རྒྱས་ཤཱཀྱ་ཐུབ་པ་དང་། འཛམ་གླིང་ཤར་ནུབ་གཉིས་ཀའི་གནའ་དེང་གི་དམ་པའི་སྐྱེས་བུ་མང་པོས་བསྔགས་བརྗོད་ཀྱི་མེ་ཏོག་ཡང་ཡང་འཐོར་བར་མཛད་དོ། །

རང་རེ་བོད་གངས་ཅན་གྱི་ཡུལ་དུ་སྔོན་གྱི་དུས་སུ་དཀར་ཟས་རིང་ལུགས་པའི་སྐྱེས་བུ་དམ་པ་དང་། དཀར་ཟས་རིང་ལུགས་པའི་དགོན་པ་སོགས་མང་པོ་ཞིག་བྱུང་མོད། འོན་ཀྱང་དེས་སྐྱ་སེར་གཉིས་ཀའི་གྲངས་ཀ་ལས་ཉུང་ཙམ་མ་གཏོགས་ཟིན་ཐུབ་མེད། དེའི་རྒྱུ་རྐྱེན་གྱི་གཙོ་བོ་ནི། བོད་ཀྱི་ས་ཁུལ་མང་པོ་ཞིག་ན་སྔོ་ཚལ་དང་ཤིང་ཐོག་སོགས་འབོལ་པོ་མེད་པའི་ཁོར་ཡུག་གི་ཆ་རྐྱེན་གྱི་དབང་གིས་ཡིན་པར་འདུག །འོན་ཀྱང་ད་ལྟ་ཁོར་ཡུག་གི་ཆ་རྐྱེན་ལ་འགྱུར་བ་བྱུང་བའི་དབང་གིས་དཀར་ཟས་པའང་ཇེ་བས་ཇེ་མང་དུ་འགྲོ་བཞིན་ཡོད་དོ། །

དེ་ལ་བདེ་ཐང་དང་ལྡན་པའི་དཀར་ཟས་ཤིག་བསྟེན་དགོས་ན། དེའི་བསྟེན་ཚུལ་ལེགས་པོ་ཤེས་པ་གལ་ཆེ་བས། ད་ལམ་འདིར་ང་ཚོ་ཀུན་ཕན་སྒྲ་སྒྱུར་གླིང་གི་ལོ་ཙཱ་བས་དཀར་ཟས་བསྟེན་ཚུལ་གྱི་གཞུང་འདི་བོད་ཡིག་ཏུ་བསྒྱུར་ནས་ཀུན་གྱི་སྤྱན་ལམ་དུ་ཕུལ་བ་ཡིན་པས་དོ་སྣང་ཡོད་པར་ཞུའོ། །

དཀར་ཟས་རིང་ལུགས་པ་ཚུལ་ཁྲིམས་བློ་གྲོས་ཀྱིས་རབ་གནས་ཆུ་སྟག་ལོའི་བོད་ཟླ་༥པའི་ཚེས་༡༦ལའོ། ། https://t.cn/R2Wx1UH

唤醒痴眠
ཀྱེ་མ་ཀྱི་ཧུད་སྐལ་ལྡན་རིགས་ཀྱི་བུ། །
མ་རིག་གཏི་མུག་དབང་གིས་མ་ནོན་པར།།
悲哉具缘之善者 莫为无明痴制缚
བརྩོན་འགྲུས་ངར་བསྐྱེད་ད་ལྟ་ཡར་ལོངས་དང་། །
ཐོག་མེད་དུས་ནས་ད་ལ་ཐུག་གི་བར།།
发大精进即刻起 从无始来至今日
མ་རིག་དབང་གིས་ཉལ་ཡུན་དེས་ཆོག་གི །
ད་ནི་མ་ཉལ་སྒོ་གསུམ་དགེ་ལ་འབོད།།
因无明故睡足矣 现莫再眠励行善
སྐྱེ་རྒ་ན་འཆིའི་སྡུག་བསྔལ་མི་ཤེས་སམ། །
དེ་རིང་ཙམ་ཡང་རྟག་པའི་གོ་སྐབས་མེད།།
生老病死岂不知 今日亦无恒常机
བསྒྲུབ་ལ་བརྩོན་འགྲུས་བསྐྱེད་པའི་དུས་ལ་བབས། །
ད་རེས་གཅིག་པུ་གཏན་བདེ་སྒྲུབ་དུས་འདིར།།
精进修持时已临 获得永乐仅一回
སྙོམས་ལས་ངང་ལ་སྡོད་པའི་དུས་མ་ཡིན། །
འཆི་བ་སོམས་ལ་སྒྲུབ་པ་མཐའ་རུ་སྐྱོལ།།
非住懈怠之时刻 念死修持臻究竟
ཚེ་ལ་ལོང་མེད་འཆི་རྐྱེན་བསམ་མི་ཁྱབ། །
དེ་ཚེ་མི་འཚེར་གདེང་ཞིག་མ་ཐོབ་ན།།
死缘难思寿无常 无惧把握若未获
སྐྱེས་བུ་ཁྱོད་ཉིད་གསོན་པས་ཅི་ཞིག་རུང་། །
ཆོས་རྣམས་བདག་མེད་སྟོང་ཞིང་སྤྲོས་དང་བྲལ།།
士夫汝活有何用 诸法无我空离戏
སྒྱུ་མ་སྨིག་རྒྱུ་རྨི་ལམ་གཟུགས་བརྙན་དང་། །
དྲི་ཟའི་གྲོང་ཁྱེར་བྲག་ཆ་ལྟ་བུར་སྤྱོད།།
幻化阳焰梦影像 乾达婆城回音响
ཆུ་ཟླ་ཆུ་བུར་མིག་ཡོར་སྤྲུལ་པ་སོགས། །
ཤེས་བྱ་སྒྱུ་མའི་དཔེ་བཅུ་དེ་བཞིན་དུ།།
水月光影沤化等 所知十种幻喻般
འཁོར་འདས་ཆོས་རྣམས་ཁྱོད་ཀྱིས་ཤེས་པར་གྱིས། །
ཆོས་རྣམས་རང་བཞིན་སྐྱེ་བ་མེད་པ་སྟེ།།
轮涅诸法汝应知 万法自性乃无生
གནས་མེད་འགག་མེད་འགྲོ་འོང་མེད་པའོ། །
དམིགས་མེད་མཚན་མ་མེད་ཅིང་བསམ་བརྗོད་བྲལ།།
无住无灭无来去 无缘无相离言思
དོན་དེ་རྟོགས་པར་བྱ་བའི་དུས་ལ་བབས།
此义当晓时已至
ན་མོ་གུ་རུ་བྷྱཿ ན་མོ་དྷེ་ཝ་བྷྱཿ ན་མོ་ཌཱཀྐི་བྷྱཿ
那摩格热呗！那摩嘚瓦呗！那摩扎格呢呗！
出自噶玛林巴伏藏法《静猛百尊前行法》