མཐའ་བཞི་རྒྱ་རུ་བསྐྱེད་པའི་དཔའ་སྤོབས་དེ། །
ད་ལྟ་འཁུམས་ནས་ཞི་ལའི་སྡེར་མོ་འདྲ། །
སུམ་གཉིས་ས་ཡི་དཀྱིལ་འཁོར་བཟུང་པ་དེ། །
ད་ལ་རང་ཁྱིམ་སྲུང་བའི་གྲོགས་ཀྱང་དཀའ། །
དཔའ་བོའི་མཛད་པ་ཐང་དུ་གཡུགས་བྱས་ཏེ། །
རྟོག་པའི་སྣེ་ལ་རྟོག་པ་བཏགས་བྱས་ཤིང་། །
གེ་སར་དཔའ་བོའི་ཞབས་རྗེས་གོང་དུ་བཏེགས། །
འཆར་ཡན་མི་ལ་འཕྲུལ་བའི་གར་ཞིག་འཁྲབ། །[挤眼]

c ལོའི་ཉམས་འགྱུར་དང་། འཇར་པན་གྱི་ཀུན་སྤྱོད། ཕྱོགས་ཡོངས་ནས་ལྟད་མོ་བ་རྣམས་ཀྱི་སྤྲོ་ཤུགས་ཏེ། ངོ་མཚར་ལྟ་ན་སྡུག་པའི་དཔལ་ཡོན་དུ་འབར་བཞིན་པ་ལགས་ན། ད་དུང་མུ་མཐུད་ནས་ཡིན་ཀོ།

[ok][ok][ok]

• རྒྱལ་ཁམས་པས།

བླ་མའི་དབུ་སྐྲ་དཀར་པོ།

གངས་འདབས་ཀྱི་དབེན་པར་བཞུགས་པའི་ནགས་ཀྱི་དྲང་སྲོང་རྒན་པོ། མེས་པོའི་བླ་དང་རྣམ་ཤེས་འཁོར་སའི་རང་ཡུལ་གྱི་མཚེར་ཤུལ་སྐྱ་མོ་སྲུང་མཁན། ཆུང་བྱིས་པའི་ཀ་ཁའི་ཀློག་འདོན་ནས་གསོལ་འདེབས་ཀྱི་ངག་རྟ་ལ་གོམས་པའི་ཨ་བུ་སྐལ་དགའ། བདག་སེམས་ཀྱི་བཤེས་གཉེན་དམ་པ། ཁྱེད་ཀྱི་བརྩེ་ཆེན་གྱི་ཐུགས་རྗེ་དང་བྱིན་རླབས་ཀྱིས་བསྩལ་བ་བགྲང་ལས་འདས། དེ་རིང་ས་མཐའ་ནས་སྡེ་མཐར་འགྲིམ་པའི་སེམས་ཀྱི་གྲུ་ག་ཞིག་ནས། ནད་ཡམས་དང་ལྕགས་རིས་ཆོད་པའི་ཡུལ་གྱི་བྱང་ཐང་ཞིག་ནས། ཁྱེད་ཀྱི་སྐུ་པར་མཐོང་བ་རང་གྲོལ་དབུ་སྐྲ་དུང་ལྟར་དཀར་པ་ཞིག་དྲ་ལམ་ནས་མཇལ་བྱུང་། མཁས་པའི་མཛད་པ་རྣམ་གསུམ་གྱིས་དབུ་ཡི་སྐྲ་ལོ་ཡང་སེར་ཆོག་པའི་མཆོག་གི་ཆོས་ཉིད་ཀྱི་བསྟན་པ་རེ་རེས། སེམས་སྙི་མོར་ཆགས་པའི་འཁོར་བའི་མགྲོན་པོ་ངེད་ཅག་ལ་བསམ་གཞིག་གི་ལྷག་མ་ཞིག་དང་། ངག་གི་མགྲིན་པ་རྣོང་ཞོར་བླ་མ་བཀའ་དྲིན་ཅན་ཁྱེད་ཉིད་ཡང་ཡང་དྲན་པར་བྱས། ནགས་འདབས་དབེན་པའི་ལྗོངས་སུ་སྨྲ་བ་བསྐྱུངས་ཏེ་བཞུགས་པའི་དམ་པ་ཁྱེད་ཉིད། བསོད་ནམས་ཀྱི་ཞིང་ལ་རྟག་ཏུ་བརྩེ་བ་ཆེན་པོས་བཞུགས་པར་འཚལ། སྐུ་ཚེ་བསྐལ་བ་རྒྱ་མཚོར་བརྟན་པར་ཞུ།

གུས་སློབ་དོན་འགྲུབ་རྡོ་རྗེས། གནའ་མཁར་ཟི་ལིང་གི་གནམ་ཐང་དུ། ༢༠༢༢ ༡༡