【On.cc】分手後報喜！麥美恩冧爆有仔了解中　隨時閃婚

藝人麥美恩早前透露曾發展一段遙距離戀愛，最終分手收場，想不到今日出席活動，她冧爆「報喜」，指朋友介紹下認識了一位可發展異性，目前正在觀察及了解中，但對方未夠「試用期」（3個月），加上麥母目前在港，她表示不想確認關係引來壓力。

問到欣賞對方甚麼，麥美恩笑言：「佢有眼光。（睇中你？）哈哈！（佢做邊行？）圈外人，觀察期咋，唔想見家長住，況且嚟緊我又返加拿大嘞。（帶埋佢去？）好，即刻買機票，你哋（記者）嘅提議我會考慮，睇吓佢有乜反應，到時會請你哋飲嘅，放心。」

問到會否閃婚，她說：「可以嘅，係咪要帶兩個椰子返去？我諗呢次親戚朋友會認真地問，你哋開咗個頭，佢哋就會追問。（咁幾時返加拿大？）希望聖誕前後。（會唔會註埋冊返嚟？）加拿大又冇咁快，要排期。我媽咪一定好多謝你哋，幫佢開口問我。（妳踏入中女界線喎。）35歲踏咗條線，身邊啲朋友個個都結婚生仔。（結婚即生？）可以，我個盆骨咁闊。（好生養？）講到咁遠嗱？」

麥美恩冧爆同異性了解中。

#麦美恩[超话]#

星岛网：独家丨40岁李日朗合资千万搞元宇宙投资 回流签约TVB又考获调香师资格

40岁的李日朗（前名李逸朗，Don）到内地发展12年，身为家中长子的他，因为想孝顺父母而回归香港，继拍摄开电视剧集《黑金风暴》外，原来年初已签约TVB。重投香港电视圈的他，讲明只要有角色名及有发挥已满足，因他已考获调香师资格，更跟朋友合资8位数搞网上投资公司，有其他搵钱大计，难怪对幕前演出冇压力。採访：杜杜 摄影：沉健程

Don在《黑金风暴》饰演乞人憎富二代杀人犯，原来最初有两个角色任佢选择，“一係做警察，但阿峯（林峯）同唯唯（梁竞徽）两个男主角喺度，好难再发挥，另一个係杀人犯，虽然冇警察咁几十集连晒戏，我二话不说拣呢个，因反派可以多啲发挥。”而他最开心跟剧中“爸爸”吴岱融一见如故，“好多前辈有佢哋固定演法、套路，但係岱融哥冇，佢会睇你点演再配合你，佢仲nice到喺社交平台放我哋合照，仲写住‘李日朗是一个很好的演员，希望可以再合作’，呢啲平时係我写㗎嘛！”

为照顾父母返港发展

讲到今年决定返港发展，Don解释因有感父母年纪渐老，想多些陪伴，“我走咗6年几，我係大仔得个妹妹，家妹妹同男朋友二人世界，应该返嚟关心返屋企。”于是他向TVB叩门，跟高层乐易玲见面后即签约，“虽然入行咁多年，但喺度係新鲜，我唔介意做任何角色，但求有个角色名就得。”结果公司安排机会让他跟监制打招呼，“有日全部剧集监制一齐开会，公司安排咗5分钟畀我入去打招呼，哈哈！係正嘅，就喺嗰一日我衝咗入去自我介绍后，好快收到监制电话。”结果他已参与《法言人》、《轻 · 功》、《你好，我的大夫》和《灵气逼人》4套剧演出。

踏入四字头的Don，承认已学懂珍惜机会，“细个根本唔识谂，冇尊重同珍惜过，以前拍《十兄弟》试过自己黐头套，就咁攞胶水黐上去，如果观众有印象，我个头係歪，仲试过自己觉得歪，搵隻手捉住演晒成场戏，咁骑呢都够胆，如果家要人哋包容，首先要过咗自己嗰关。”

问到恨不恨演主角？Don想得好开，“都有导演问过我，‘你係咪谂住返嚟做主角㗎？’哈哈！当然希望做主角，唔通想返嚟做配角咩，但只要角色有戏演，已经当咗係主角，就好似《黑金风暴》咁，只佔一个单元，故事条线写紧我，已经係主角啦！”

挂念嫲嫲学做调香师

Don对于幕前工作睇得好开，只因他有多个瓣数搵钱。“做演艺始终係个等工开嘅行业，我唔锺意咁，想有啲主导权喺自己手。”其中一样是他已于年初取得调香师资格，全因挂念嫲嫲，“佢同我好亲，走咗17年，我谂唔起佢个样，但係佢有阵老人家加埋花露水嘅味，我好珍惜，于是趁得閒去学，冇谂过大量生产香水，谂住做订制，譬如朋友谂住结婚，佢想记住呢件事，我就帮佢做支香水。”不过他暂时未接生意，希望做调配做够九百小时才开始，但暂时只做了二百多小时。

另外，Don还跟几位朋友合资8位数，在尖沙咀开设网上投资公司，最初源于他对这类新闻觉得好奇，于是就跟搞金融和投资的朋友了解，由于大家想法一致，半年前决定合作搞公司。早前已举办了首个座谈会，希望先教识有意投资者了解元宇宙，“我哋请咗专家嚟讲，首先教咗大家乜嘢係元宇宙，点样入场，再根据自己嘅智慧同埋经验一步步投资，佢可以再搵我哋公司研究有冇合作或者投资嘅计划畀佢，我哋唔希望一嚟就赚咗人哋第一次钱，跟住冇第二次，呢个唔係我同拍档嘅原则。”

而现在极流行的NFT，他公司亦有提供平台同技术给一班本地艺术家，“我哋邀请佢哋嚟一齐做个艺术家社群去做NFT，我哋免费提供畀佢哋做NFT嘅技术，即係佢只要畀心机创作，其他嘢我哋会支援，希望将呢啲艺术作品，透过元宇宙或者NFT嘅世界，推广去第二度，等更多人可以认识佢哋。”

最後一晚#黄凯芹[超话]#2021-7-18《聽·黃凱芹2021》第12段@黄凯芹Christopher 說話 Part 2终於可以出嚟啦！感謝某人幫我搜集資料[心][心][心]
承接之前的第12段 Part 1結尾部份……

[打call][打call]觀眾同黃凱芹都尖叫感謝Sam Lam ![打call][打call][打call]
開始Part 2[哈哈][哈哈][哈哈]

黃凱芹：『咦！仲有佢（即係Sam Lam導演）嘅助手，佢嘅助手…叫….喂….呢個名堂係咪有啲怪嘅呢？「制作小總管」哈哈！就係….Jacqueline ！多謝 Jacqueline ! 當然唔少得嘅呢就係每一晚一班好出色嘅樂手！咁呀！右手邊等我哋逐一介紹佢哋！要有多啲掌聲先得㗎！首先右手邊呢個我係第一次同佢合作嘅！我唔知佢….我…任何一隻都老過….佢….我驚….你幾多歲呀？哎….唔好講啦….唔好講啦！總之…我出曬寶麗金嗰喳歌，你都未有耐嚟到地球啦！好！呢個係年青鼓手…..Craig Lau ！多謝！好啦！仲有香港好出色嘅結他手同埋和音…Barry Chung !多謝！又有份彈…（聽唔明Chris講什麼)！Barry…多謝！好啦！另外一位同我合作咗好多年，亦都有曾經幫我編過曲嘅好專業嘅音樂人一位前輩，蘇德華老師，多謝！我哋係咪要唱返一首「豈有此理」呀？哈哈！多謝晒！多謝晒！好榮幸好似每一次都可以請到你嚟合作，使唔使講幾句說話？』

蘇德華老師：「要多謝你！」

黃凱芹：『多謝多謝！怕醜呀！坐低！坐低！好啦！仲有…好有型嘅，嘩！好閃亮嘅今晚喺！我哋嘅Bass手「棋哥」（Lam Chi Wang)多謝晒！Keyboard 同埋Saxophone 係加拿大我已經同佢合作㗎啦！我記得…我第一次揾佢合作嘅啦就係《千風歌》佢幫我編曲，《山伯》又係佢幫我編曲仲有其他嗰啲！我哋俾多啲掌聲有Saxophone 同Keyboard 嘅Greg Lui ！Hoo hoo…多謝晒！唔少得我哋有Programmer Pac Wong !多謝！仲有我嘅男和音 Joseph Hwang 王師傅，多謝！有男嘅梗係有女架啦！慢慢逐一介紹啦！就介紹咗呢位頭先我哋有啲spotlight 話佢，但係成日俾個譜架遮住佢嘅，你可唔可以突出嚟俾大家睇睇你幾咁嬌小美麗嘅！呢個就係我哋嘅小提琴手 亞Dor Dor (Dor Dor Ip)多謝！仲有我哋嘅女和音靚女亞Jay (Jay Kan)多謝！仲有呢….係開場我由嗰度行出嚟時候，我哋真係有12位嘅樂手呀！因為刚才開場嗰度喺嗰面個位嚟㗎！就係Trumpet （小號或者喇叭）嘅係Jimmy (Jimmy Fu),Tenor Saxophone (次中音色士風）係Kenny ( Kenny Lin)，俾多啲嘅掌聲佢哋！多謝！Thank you ！仲有冇人漏？台前幕后所有嘅人仲有….我諗有人漏你都唔提我！一個Band （樂隊）面有樂手梗係有音樂總監㗎啦！呀！就係頭先幫我彈琴嘅第一次合作嘅，呢三場都幫我編左好多新嘅嘢嘅呢！嘩！真係有成4拾幾首歌…唔知邊度可以分到三個Show出嚟嘅！真係！多謝晒！多謝晒！就係我哋嘅Damon Lau !Thank You!』

觀眾在黃凱芹講多謝時係不停有掌聲！

黃凯芹：『係都要我聽呀？我聽唔到佢哋嘅掌聲喎咁呀！好…好啦…好….我戴番個耳機先呀！好啦！當然係要講埋我嘅打扮啦！』

有觀眾大叫「好靚仔呀！」

黃凯芹：『哈哈！呀！我嘅衣服就Decision Tailoring 嘅小敏姐！』

觀眾又拍手掌向Decision Tailoring 致謝！

黃凯芹：『我琴晚都係咁講架啦！唉！有幾何先至咁靚仔呢？我平時都唔係呢個look架！呀！但係..嗰啲…嗰啲反骨嘅Fans就「飯應」…係呀…係呀….你平時唔係呢個look架！』

全場觀眾大笑起來及拍手掌

黃凱芹：『唉！其實…其實係咁嘅！你知道呢….男人到咗某一個歲數！有男人嘅look㗎！所以啦…係要到上台先至裝身嘅！除咗幫我裝身？梗係要幫我裝埋個頭啦！髪型師Paul Chau ，多謝！仲有幫我化妝似番個人呀，係咪先？多謝琪琪，Thank You! 仲有…服裝協力走入去嘅幫我除衫除褲嘅Vivian Chan，多謝！仲有…我哋…提我哋點樣出場呀，點樣做嘢呀，嘅FM阿添，多謝！好啦！跟住呢…就係燈光音響及工程…興明亞洲工程有限公司，特別要多謝…興哥！每一次佢都係…好真係好盡心呀….做到最盡最好俾我吓！雖然今晚啦興哥而家身在紅館呀！但係佢都派左…哈哈！派左乜嘢你知？興哥梗係「拎」住興嫂啦！佢派左興嫂嚟支持我啦！多謝興哥同埋興嫂！呀！』
[鼓掌][鼓掌]接著就係Part 3…

黃凱芹說：『今晚嘅燈光，我就冇機會成日擰轉面睇啦！你又覺得點呀？』

[太開心][太開心][太開心][太開心][太開心][太開心][太開心][太開心]終於…正式完成第二及第三晚有關《聽·黃凱芹2021》在我手上的記錄啦！希望大家好好享受啦！期待下次有機會再聽@黄凯芹Christopher 演唱會時，我又會做啲乜嘢好呢？在我來講，也是正如@黄凯芹Christopher 所說的，我自己也很喜歡音樂的，所以呢[偷笑][偷笑][偷笑]我真係經常幫我嘅朋友做音樂上的大打雜[笑而不語][笑而不語]亦都係音樂帶到我到今時今日….將來嘅我又會係點？我諗上天一定會有佢嘅安排！我就今次送上第一晚用iPhone 手機拍攝《聽·黃凱芹2021》相片跟大家分享[親親][親親][親親]