བདག་པས་གཞན་གཅེས་སྒོམ་པ་བྱང་ཆུབ་སེམས། །
ཉམས་སུ་བླངས་ཏེ་ལུས་སེམས་དགེ་ལ་སྦྱོར། །
འདོད་ཆུང་ཆོག་ཤེས་ཞི་དུལ་བག་ཡོད་ཀྱིས། །
དམ་ཆོས་སྒྲུབ་འདི་རང་གཞན་བདེ་བའི་རྒྱུ། །
གྲགས་སྙན་མིང་སྐམ་སོགས་ལ་མགོ་འཁོར་ནས། །
ལོག་འཚོ་འབའ་ཞིག་གཉེར་འདི་ཡི་རེ་མུག །
དུས་རྒྱུན་ཀུན་སློང་བཟང་ངན་ལ་བརྟག་སྟེ། །
དམ་ཆོས་རྣལ་མ་སྒྲུབ་ལ་རེམས་ཤིག་ཨང་། །

———སྐུ་འབུམ་རྒྱལ་སྲས་ནས།

ལོ་ཡི་སྟེང་དུ་ལོ་བཞག་སྟེ། ཉམས་ལེན་གྱི་རིམ་པ་གོང་ནས་གོང་དུ་ཁྱད་ཞུགས་པའི་ཚེ་ན། ང་རང་ཚོ་ནི་བདེ་བ་དང་མི་བདེ་བ་ལ་ཇི་སྙམ་པར་འགྱུར་ཞིང་། ངའོ་སྙམ་པའི་ང་རྒྱལ་གྱི་སེམས་དང་རིང་དུ་བྲལ་ཏེ་གཏན་གྱི་ཞི་བའི་བདེ་བ་འཐོབ་ཅིང་། ཕྱི་ཡི་ཆོས་གང་གིས་ཀྱང་སེམས་ཉོན་མོངས་པར་མི་བྱེད་ལ། ང་རང་ཚོའི་སེམས་ནི་རབ་ཏུ་ཁེངས་པ་བསྐྱུང་ཞིང་། རེ་དོགས་ཀྱི་རྒྱ་ལས་རིང་དུ་གྲོལ་ཅིང་། འཇིག་རྟེན་ཆོས་བརྒྱད་དེ། རྙེད་པ་དང་།མ་རྙེད་པ། སྙན་པ་དང་། མི་སྙན་པ། བསྟོད་པ་དང་། སྨད་པ། བདེ་བ་དང་། མི་བདེ་བ་བཅས་ཀྱང་ཇི་མི་སྙམ་པར་གུད་དུ་འཇོག་གོ །

年复一年，当修行越来越进步，我们会对舒适和不舒适感到无所谓，会没有任何傲慢心，永远平静，不被外在事件所烦心，我们的心会非常谦虚，超越期望和疑虑，无视于八种世间烦恼得与失、快乐与痛苦、称赞与指责、有名与平凡。

ཁ་ཏོན་བཟླས་བརྗོད་ལྟ་བུ་ཆེར་མ་ཐུབ་ན་ཡང་། མངོན་ལྐོག་མེད་པར་རྒྱུ་འབྲས་ཀྱི་བདེན་པ་བསྲུང་རྒྱུ་ནི། ཆོས་ཀྱི་ཉམས་ལེན་གཙོ་བོ་ཞིག་ཏུ་རྩི་བཞིན་ཡོད།

མཁས་པ་སྒོ་ཤེས་རབ་རྒྱ་མཚོས།