༈བརྩེ་དུངས་ཀྱི་སླད་དུ
གཅན་མེ་སྟག

བདེན་ཏེ། བརྩེ་དུངས་ཀྱི་སླད་དུ།

ངས་ཁྱེད་ཀྱི་མདུན་དུ་པུས་མོ་ས་ལ་བཙུགས་མྱོང་།

བླ་མེད་ཀྱི་དངོས་གྲུབ་རེ་བའི་དད་ལྡན་པ་བཞིན།

ཐལ་མོ་སྙིང་ཀར་སྦྱོར་བའི་ཉམ་ཆུང་གི་ཞུ་བ་དངོས་སུ་ཕུལ་མྱོང་།

བདེན་ཏེ། ཁྱེད་ལའང་སེམས་སྨྲེང་བའི་འདས་དོན་ཡོད་ཅིང་།

བརྩེ་དུངས་ཀྱི་སླད་དུ།

མི་ལོ་ཉི་ཤུའི་ལང་ཚོ་དང་ཡིད་སེམས་ཡོད་ཚད་བློས་གཏོང་བའི

མཛད་རྗེས་ཡོད་མྱོང་།

ད་ལྟ་ལེ་བར་སྟོང་ཕྲག་གི་བར་ཐག་གོམ་པས་བསུབས་ནས་འོངས་དུས།

སྐབས་འདིའི་འདུ་འཛོམས་ལ་ཤུགས་རིང་གི་ཡུས་འཇོག་དགོས་དོན་མེད།

གོ་སྐབས་འདི་གཅེས་པར་འཛིན་རོགས།

རླུང་ཆར་གྱིས་གཤོས་པའི་སེམས་ཁོང་གི་གྲོག་རོང་སྙོམ་དཀའ་བས།

ནུས་མེད་ཀྱི་ལག་པ་འདིར་བརྩེ་བྱམས་ཀྱི་དྲོད་འཇམ་ཇི་འདྲའི་མཁོ་ཨང་།

ངས་རེ་སྒུག་གི་མེ་ཏོག་མཐོ་རུ་བཏེགས་ཏེ་བརྩེ་དུངས་ཀྱི་

འོད་སྣང་ལ་རེ་སྐབས།

ཁྱེད་ནི་གློག་ཤུགས་ཐེབས་པ་བཞིན་མྱུར་མྱུར་གྱེས་དོན་ཅི།

ཁྱེད་ཀྱིས་བརྩེ་དུང་གི་འཚོ་དབུགས་མི་སྦྱིན་རུང་།

འཕྱ་ཁྲེལ་གྱི་མཛུབ་མོས་མི་སྡིགས་རོགས།

ཀུན་གྱིས་འདོར་བའི་མེ་ཏོག་ལའང་བླ་མེད་ཀྱི་རང་གཤིས་ཡོད་ཕྱིར།

བརྙས་སྨོད་ཀྱི་སེར་ཞགས་ལ་སྐྱབས་ཞུ་བའི་བསྔགས་བརྗོད་ཐོབ་མི་སྲིད།

 

ཨ། ཡང་ན་དཔྱིད་ཀ་འདི་འོངས་པ་ཧ་ཅང་འཕྱིས་པའི་དབང་གིས།

ཟླ་དྲུག་པའི་ཁ་བས་སྤང་ཐང་ལ་ལྷན་པ་ཡང་བསྐྱར་བརྒྱབ།

ཆར་ཟམ་ཟིམ་ཞིག་ཉི་མའི་ཀློང་ནས་འབབ་དུས།

ངས་ད་གཟོད་མདང་དགོང་གི་རྨི་ལམ་དེ།

མེ་ཏོག་གི་འདབ་མས་ཁེངས་པའི་དཔྱིད་དུས་ཀྱི་རེ་སྨོན་ཞིག་ཡིན་པ་ཚོར།

སྐབས་འདིར་པུས་མོ་ལ་ན་ཟུག་ཅུང་ཙམ་བྱུང་སྟེ།

དྲན་པ་རུའང་།

ཡིན་ནའང་། བརྩེ་དུངས་ཀྱི་སླད་དུ།

ངས་ངོ་མ་ལང་ཚོ་དང་ཡིད་སེམས་ཡོད་ཚད་གཏོང་འདོད། https://t.cn/R2Wx1Aq

༈ པ་སངས་ཧཾ་ཡིག་ཞུ་བའི་དྭང་ཆ་ལས།

།
ཕ་རྒྱུད་སྒྱུ་མའི་སྐུ་ཡི་བེཾ་རིག་བྲལ། །
བཾ་ཡིག་ནང་གི་འཁྲི་ཤིང་བཅོམ་པའི་རྒྱུན། །
མ་རྒྱུད་འོད་གསལ་རྫོགས་པ་གཉིས་མེད་མགོན།

།
གསོལ་བ་འདེབས་སོ་བློ་བཟང་འཕྲིན་ལས་སྐུ། །
བྱིན་གྱིས་རློབས་ཤིག་ལྷུན་གྲུབ་ཆོས་རྒྱན་རྗེ། །
ད་དུང་ཁ་བ་ཅན་གྱི་འགྲོ་བ་རྣམས། །
རེ་ས་ཁྱེད་ལས་མེད་དོ་ངའི་བླ་མ། །
མ་འོང་གྲུབ་པའི་གནས་མཆོག་ཤམྦྷ་ལར།

།
རིགས་ལྡན་གསུང་གི་དཔལ་ལ་སྤྱོད་པར་ཤོག ། https://t.cn/z8AozAv

༈ འཛམ་གླིང་འཕྲོད་བསྟེན་ཉིན་མོ་བསུ།
世界卫生日
ལུས་ནི་དགྲ་ལྟར་མཐོང་མོད་ཀྱི། །
དེ་ལྟ་ན་ཡང་དེ་བསྲུང་བྱ། །
ཁྲིམས་ལྡན་ཡུན་རིང་འཚོ་བ་ནི། །
དེ་ལས་བསོད་ནམས་ཆེན་པོ་འབྱུང་། །
_____སློབ་དཔོན་ཨརྱ་དེ་བས།