སངས་རྒྱས་ཀྱི་རྣམ་ཐར་ལ་ཞིབ་ཀྱིས་མཇལ་ན། ཁོང་སྐུ་འཚོ་ཞིང་བཞུགས་སྐབས་སུ་རྒྱ་གར་སྤྱི་ཚོགས་ནི་བྲམ་ཟེའི་ཆོས་ལུགས་ཀྱིས་འདུ་ཤེས་ཡོངས་སུ་བསྒྱུར་ཏེ། ཐམས་ཅད་ཀྱི་བདེ་སྡུག་ཡོད་ཚད་འཇིག་རྟེན་བྱེད་པོའམ་དཀོན་ཅོག་གི་ཕྱག་ཏུ་ཡོད་ཅིང་། དཀོན་ཅོག་ལ་གློ་སྙིང་བྲང་གསུམ་བཏད་དེ་གསོལ་འདེབས་དང་སྦྱིན་སྲེག་ཕུལ་ན། གེགས་དང་བར་ཆད་སེལ་བ་ལས། རང་གི་ལས་དབང་རང་ཉིད་ཀྱིས་བསྒྱུར་དུ་མེད་པར་སྨྲ་བའི་ཆོས་ལུགས་ཀྱི་འཛིན་སྟངས་ཨ་འཐས་ཤིག་ཀུན་ཀྱི་ཤ་གསེང་རུས་གསེང་དུ་ཟུག་ཡོད་ཀྱང་། རྒྱལ་བུ་དོན་གྲུབ་ནི་དེ་འདྲའི་སྲོལ་རྒྱུན་གྱི་དད་མོས་ལ་ཡིད་ཆེས་རྒྱུ་ལྟ་ཅི། ཐ་ན། ལོ་ངོ་བརྒྱ་སྟོང་གི་རིང་གཙུག་ཏུ་བཀུར་བའི་བྲམ་ཟེའི་ཆོས་དཔོན་དག་ལའང་། "དཀོན་ཅོག་གིས་ང་ཚོ་སྐྱོབ་པར་བྱེད་ན། འོ་ན་དེ་ལ་རྟག་ཏུ་མཆོད་བསྟོད་བཀུར་གསུམ་བྱེད་མཁན་གྱི་བྲམ་ཟེ་ཁྱོད་ཚོར་ཡང་ནད་དང་ཆག་སྒོ་ཅིའི་ཕྱིར་ཡོང་"སོགས་ཀྱི་དོགས་འདྲི་དང་སུན་འབྱིན་གནང་སྟེ། སྤྱིར་སྐབས་དེའི་ཆོས་ལུགས་ཀྱི་དད་མོས། ལྷག་ཏུ་རྒྱུ་འབྲས་གནས་ལུགས་དང་མི་མཐུན་པའི་ཡུལ་ལུང་དེའི་ལམ་དང་ལུགས་སྲོལ་རྙིང་པ་ཀུན་ལ་དགག་རྒྱག་དང་གྱེན་ལོག་བྱས་ཏེ། མཐར་སུ་ཞིག་གིས་ལྟར་སྣང་གི་རྒྱུ་མཚན་དང་། འདོད་ཡོན་གྱི་འཆིང་ཐག །ཞི་དྲག་གི་བཀག་རྒྱ་དྲངས་པ་དང་བཞག་པ་ཡོད་ཚད་ལས་ཤོར་ཏེ། རང་གི་ཕུགས་འདུན་གྱི་ཕྱིར་དུ་ནོར་དང་ལོངས་སྤྱོད་བུ་དང་ཆུང་མ་ཡོད་ཚད་བསྐྱུར་ཏེ། ནགས་ཁྲོད་དུ་གཤེགས་སོང་ཚུལ་འདི་གཅིག་པུ་ལ་བསམས་ནའང་། ཡིད་ཀྱི་བརྟན་པ་དབང་མེད་དུ་མི་འཕྲོག་པའི་རང་དབང་ཞིག་མི་འདུག་སྟེ། སྔོན་གྱི་དུས་སུ་འཇིག་རྟེན་འདིའི་སྐྱེ་བོ་བརྒྱ་ཆ་བརྒྱའི་ཁྲོད་དུ་སྔར་སྲོལ་གྱི་འཆིང་ཐག་གཅོད་ཕོད་མཁན་དང་། སྔར་ཡོད་ཀྱི་དད་མོས་ལ་རྒོལ་ཕོད་མཁན་ནི་སྲིད་མཐའ་ཙམ་ཡིན་ཞིང་། ལྷག་ཏུ་རང་གི་ཕུགས་འདུན་གྱི་ཕྱིར་དུ་དེ་ལྟ་བུའི་བློས་གཏོང་བྱེད་ནུས་མཁན་ནི་ད་ལྟའི་དུས་སུའང་གཞི་མ་གྲུབ་པས། འཇིགས་ཞུམ་བྲལ་བའི་སྙིང་སྟོབས་དེ་འདྲ་སུ་ཞིག་གིས་སྦྱིན་པ་ཡིན་ནམ། ཞེས་ཀྱང་སྨྲ་བར་ཐལ།

༢༠༢༢.༡༡.༢༣ གསོན་མིག་གིས།

མཐོང་ན་སྡུག་བསྔལ་སེལ་བའི་བླ་མའི་སྐུ །། 
遇見上師尊容消除煩惱
ཐོས་ན་རྨོངས་པ་བསལ་བའི་བླ་མའི་གསུང་།།
聆聽上師教言瓦解無明
དྲན་ན་ཐར་ལམ་འདྲེན་པའི་བླ་མའི་ཐུགས །།
上師意傳指引解脫正道
བླ་མའི་སྐུ་གསུང་ཐུགས་ལ་གསོལ་བ་འདེབས །།
虔誠心祈禱上師身語意

༼༡༽སྤྱིར་སྒྱུ་རྩལ་ཞེས་པ་ནི་རིག་འཕྲུལ་ལམ་དེ་ལས་བྱུང་བའི་བཟོད་བཀོད་ཕུལ་དུ་བྱུང་སོགས་ཀྱི་དོན་ལ་གནའ་དེང་གི་མཁས་པ་ཆེའི་ཕུལ་དུ་བྱུང་བ་ཚོས་སྨྲ་བཞིན་འདུག

བྱེ་བྲག་ཏུ་ངག་གི་བཟོད་བཀོད་ཆེའི་ཕུལ་དུ་བྱུང་བ་ལ་རྩོམ་རིག་སྒྱུ་རྩལ་དང་།

ཚོན་གྱིས་བྲིས་པའི་བཟོ་བཀོད་ཆེའི་ཕུལ་དུ་བྱུང་བ་ལ་རི་མོའི་སྒྱུ་རྩལ་དུ་ཤེས་པར་བྱ་དགོས་པ་ལྟ་བུ་ཡིན།

༼༢༽དེ་ལ་དབྱེ་བ་རིགས་བསྡུས་ན་རྩོམ་རིག་སྒྱུ་རྩལ་དང་། དབྱངས་ཀྱི་སྒྱུ་རྩལ། རིས་བྲིས་ཀྱི་རྒྱུ་རྩལ།

བཟོས་དབྱིངས་ཀྱི་སྒྱུ་རྩལ་སོགས་གྲངས་མང་ལ། དེ་དག་ཡོངས་སྣ་མང་འདུས་པ་འདྲིས་མའི་སྒྱུ་རྩལ་གློག་བརྙན་སྒྱུ་རྩལ་དང་འཁྲབ་སྟོན་སྒྱུ་རྩལ་ལྟ་བུ་ཡིན་པར་སྨྲ་བཞིན་འདུག དེ་དག་རེ་རེའི་དབྱེ་བ་ནི་སོ་སོས་གོ་བར་བྱ་དགོས།

༼༣༽ རྩོམ་རིག་སྒྱུ་རྩལ་དང་རི་མོའི་སྒྱུ་རྩལ་དབྱངས་ཀྱི་སྒྱུ་རྩལ་འདྲིས་མའི་སྒྱུ་རྩལ་གློག་བརྙན་ལྟ་བུ་བཞི་ནི་མི་རྣམས་ཡིད་དབང་འཕྲོག་པའི་སྒྱུ་རྩལ་ཆེའི་ཡག་ཤོས་བཞི་པོ་དེ་ཡིན་པར་འདུག་གལ་ཏེ་ཁོམ་པ་ཡོད་དུས་དང་སྐབས་སུ་བབ་དུས་དེ་དག་མ་བསླབས་ནས་རང་འགར་ནམ་ཚ་བཏང་ན་རྗེས་སུ་འགྱོད་པ་སྐྱེ་རྒྱུ་རེད།

༼༤༽རིག་ཚན་གང་ལ་ཡང་ཧྲིལ་གྱིས་ལེན་པ་དང་ཧྲིལ་གྱིས་འདོར་བ་མཐའ་དག་སྤང་ནས་ཉམས་ཞིབ་བྱས་ན་འཇིག་རྟེན་ཐོག་གི་བྱ་དངོས་ཚང་མ་ལ་མཛེས་སྡུག་རེ་རེ་ཡོད་པར་ངེས།

དེ་དག་ལས་རང་ཉིད་ལ་ཉམས་མྱོང་ཕུན་སུམ་ཚོགས་པ་དང་མི་ཚེའི་ཁྲོད་གཏམ་རྒྱུད་མང་པོ་ཞིག་གི་གཞི་འཛུག་ཆོག

དེང་གི་སྐྱེ་བོ་མང་པོ་ཞིག་ནི་གཞན་ལ་ཡིད་སྨོན་དང་ལྟེད་མོ་ལྟ་ནས་ཉི་མ་ཕུད་པ་ལས་རང་ཉིད་ཀྱིས་ཇི་ལྟར་བྱེད་དགོས་པ་དང་མི་ཚེའི་འཆར་གཞི་དང་སྙིང་སྟོབས་ཡོད་པ་དཀོན་པོ་རེད།

ང་ཚོ་འཇིག་རྟེན་དུ་སྐྱེས་པ་ནི་གཞན་ལ་ཡིད་སྨོན་ཙམ་བྱེད་ནས་འདུག་མཁན་ཞིག་ཏུ་ལར་ནས་མ་སྐྱེས།

སྐྱེས་མ་ཐག་ནས་འཇིག་རྟེན་འདིའི་སྒྱུ་རྩལ་གྱི་ལས་རིགས་ཡོད་དོ་ཅོག་གི་མངའ་བདག་ཏུ་ཁྱོད་ཉིད་གྱུར་རུང་གི་ངོ་བོར་སྐྱེས་ཡོད།

[送花花][羞嗒嗒][蜡烛][鲜花]