བཀྲ་ཤིས་བདེ་ལེགས། འོག་གི་འདྲ་པར་དང་པོ་གསུམ་ནི་དུས་རབས་ཉི་ཤུ་བའི་ལོ་རབས་ཉི་ཤུ་བ་དང་ཡང་ན་ལོ་རབས་ལྔ་བཅུ་བའི་སྐབས་སུ་བོད་ཀྱི་རྐང་གྲུག་རུ་དག་གི་འགྲན་བསྡུར་གྱི་རྣམ་པ་དང་གཞན་རུ་ཁག་ག་གེ་མོ་ཞིག་གི་འདྲ་པར་རེད། བོད་ཀྱི་རྐང་གྲུག་སྤོ་ལོ་རུ་ཁག་གི་རུ་མི་དག་ནི་ཕར་ཆེ་བ། དུས་རབས་ཉི་ཤུ་བའི་ལོ་རབས་བཅུ་བའི་སྐབས་སུ་རྒྱལ་མཆོག་བཅུ་གསུམ་པའི་བོད་ལ་སློབ་གྲྭ་གསར་འཛུགས་གནང་བའི་སློབ་གྲྭ་བ་ཚོས་དང་གཞན་མཐོ་རིམ་སྐུ་དྲག་དག་གི་བྱིས་པ་ཡིན། སྐབས་དེའི་རུ་ཁག་དག་ནི་ལྷ་སའི་མཉམ་འབྲེལ་རུ་ཁག་དང་། པོ་ཏ་ལའི་རུ་ཁག བཀྲ་ཤིས་རུ་ཁག ཉེན་རྟོག་རུ་ཁག སྟག་ལྷ་ཕུར་རྒྱལ་རུ་ཁག་སོགས་རེད། བར་སྐབས་དེའི་རྙིང་ཞེན་མཁྲེགས་འཛིན་པ་རྣམས་ཀྱིས་<ལྷ་ས་དག་པའི་ཞིང་ཁམས། མ་དག་དབྱིན་ཇིའི་སློབ་གྲྭ་>ཞེས་སོགས་ངོ་རྒོལ་སྣ་ཚོགས་བྱས་པའི་དབང་གི་རྒྱང་རྩེ་སློབ་གྲྭ་དང་ཏར་ཁང་སློབ་གྲྭ་ཤར་རྩེ་སློབ་གྲྭ་སོགས་སློབ་གྲྭའི་སྒོ་མི་རྒྱག་ཀ་མེད་བྱུང་། ད་དུང་<རྐང་གྲུག་སྤོ་ལོ་ཡིས་སྟོན་པའི་དབུ་མཚོན་ལ། དེར་རྐང་པས་གཞུས་པ་ནི་སྟོན་པའི་དབུ་ལ་རྡོག་ཐོས་གཞུས་པ་དང་མཚུངས་པས་ཆེས་མ་གུས་པ་དང་ཞབས་འདྲེན་ཆེན་པོ་རེད་ཅེས་སྡོམ་ཚིག་བཀོད་>གང་ལྟར་རྒྱལ་ཡོངས་གཞོན་ནུའི་རྐང་གྲུག་ལེགས་འདེམས་འགྲན་བསྡུར་དུ་ཞུགས་མྱང་བའི་བོད་ཀྱི་རྐང་གྲུག་སྤོ་ལོ་རུ་ཁག་ནི་འདས་པའི་ལོ་རྒྱུས་སུ་གྱུར། འོན་ཀྱང་། གཞན་ལ་ཡིད་སྨོན་བྱེད་དགོས་དོན་མེད་རྒྱུ་མཚན། ང་ཚོས་ལ་ཅི་ཞིག་སྒྲུབ་པའི་གོ་སྐབས་མེད་སོང་བ་ཡིན་པ་ལས། ཅི་ཡང་ཡོད་མ་མྱོང་བ་མིན། གཅིག་བཅས་ན་འཛམ་གླིང་དུ་སྐད་གྲགས་ཆེ་བའི་རྐང་རྩེད་སྤོ་ལོ་རྩེ་མཁན་དང་<梅西>གཅིག་པུ་མིན་ལས་ཆེ། ད་དུང་2022ལོའི་འཛམ་གླིང་གསེར་གྱི་བུམ་པའི་རྐང་རྩེད་སྤོ་ལོ་རུ་ཁག་སོ་གཉིས་མ་ཡིན་པར་སོ་གསུམ་ཡིན་ཤེས་ཆེ། གཞན་དུས་རབས་ཉེར་གཅིག་པའི་བོད་པ་ཚོས་ནང་འགལ་ནང་གཏོར་བྱེད་པའི་རྣམ་ཐར་དེའི་རིགས་མི་སྐྱོངས་བར་མཁྱེན། ལྟ་ན་ར་མི་འདོད་ཀི་2149.10.28

དད་མོས་དང་རྨོངས་དད་ཀྱི་ཁྱད་པར།

གསུང་བ་པོ། མཁན་པོ་བསོད་དར་རྒྱས།

དད་མོས་ལ་རིགས་མང་ཡང་ང་རང་ནང་པ་ཞིག་ཡིན་པའི་ཆ་ནས། དེ་རིང་གཙོ་བོ་ཆོས་ལུགས་ཀྱི་དད་མོས་དེ་བཤད་རྒྱུ་ཡིན། དེང་སྐབས་འཛམ་གླིང་འདིར་ཆོས་ལུགས་སྣ་ཚོགས་ཡོད་ཀྱང༌། ཆོས་ལུགས་སོ་སོ་ལ་བསྟན་དོན་ཡང་མི་འདྲ་བ་རེ་ཡོད། ཆོས་ལུགས་གང་ཞིག་ལ་དད་མོས་ཡོད་ན་དེ་ལ་རྗེས་དཔག་གི་ཤེས་རབ་རེ་དགོས་པ་རེད། དེང་སང་མི་རྣམས་ཀྱི་དད་མོས་དེ་རྨོངས་དད་ཀྱི་རྗེས་སུ་སོང་ནས། ཁོ་ཚོ་དགོན་པ་ཞིག་ཏུ་སླེབས་པའམ། བླ་མ་ཞིག་དང་མཇལ་བའམ། ཡང་ན་དགེ་འདུན་པའི་འདུས་སྡེ་ཞིག་དང་འཕྲད་དུས་སེམས་ལ་ལྷིང་འཇགས་དང་དགའ་བདེ་ཐོབ་པ་དེ། རང་གི་དད་མོས་ལ་ངོས་འཛིན་གྱིན་ཡོད། དད་མོས་འདིའི་རིགས་ནི། ཕྱི་རོལ་གྱི་རྒྱུ་རྐྱེན་སྣ་ཚོགས་ཀྱིས་བསྒྱུར་སླ་བས་རྗེས་དཔག་གི་དད་མོས་མིན།

འོ་ན་དད་མོས་གང་དེ་བརྟན་པ་ཡིན་ཞེ་ན། དཔེར་ན་ཁྱོད་ཀྱིས་སངས་རྒྱས་ཆོས་དང་དགེ་འདུན་གསུམ་ལ་ཡིད་ཆེས་ཡོད་པ་དེ་ལ། བློ་གྲོས་ཀྱི་རྩལ་གྱིས་བརྟག་དཔྱད་དང་གཤིབ་བསྡུར་བྱས་ནས། ཁམས་གསུམ་ན་ཆེས་རླབས་ཆེ་བ་ནི། སངས་རྒྱས་དང་དེས་བསྟན་པའི་དམ་ཆོས་ཡིན་པར་རྟོགས་པ་དེ་ཡིན། འདི་ལྟ་བུའི་ཡིད་ཆེས་ནི། ལུས་ཀྱི་རྣམ་འགྱུར་དང་ངག་གིས་བཤད་པ་ཙམ་མ་ཡིན་པར། ནང་སེམས་ཀྱི་གཏིང་རུམ་ན་ཡོད་ཅིང་། དེ་ལ་ཕྱིར་མི་ལྡོག་པའི་དད་མོས་ཟེར། འདིར་བཞུགས་ཀྱི་ཤེས་ཡོན་པ་རྣམ་པས། འདི་ལྟ་བུའི་ཡིད་ཆེས་ལ་རེ་སྙེགས་བྱེད་དགོས་པ་རེད། དེ་ལྟར་མིན་ཚེ་རང་གི་དད་མོས་དེ་བླུན་རྨོངས་ཅན་དང་རྨོངས་དད་དུ་སོང་ནས། ནམ་ཞིག་རང་ཉིད་ཀྱི་བློར་མི་འབབ་པའི་དོན་རྐྱེན་དང་འཕྲད་ཚེ་རང་གི་དད་མོས་རྟེན་ལ་དད་ལོག་སྐྱེ་སྲིད།

དེར་བརྟེན། རང་གི་རིག་པ་དང་། ཡང་དག་པའི་ལྟ་བ་ལས་བྱུང་བའི་དད་མོས་ལ་རང་ཉིད་བརྟེན་འོས་པ་ཞིག་ཡིན། ང་རང་གི་ངོས་ནས་བཤད་ན། ལོ་མང་པོ་ཞིག་ལ་ཡིག་བསྒྱུར་གྱི་ལས་ཀ་གཉེར་བ་དང་མཉམ་དུ། གཞན་ལ་ནང་ཆོས་འཆད་ཁྲིད་བྱས་པ་ཡིན། གོ་རིམ་འདིའི་ཁྲོད་ནས་ཡང་དག་པའི་ལྟ་བ་ནི་ཧ་ཅང་གཙོ་ཆེ་བ་ཤེས་བྱུང༌། དེང་དུས་ཀྱི་སྤྱི་ཚོགས་འདི་ནི་སྙན་གྲགས་དང་རྒྱུ་ནོར་རྐྱང་རྐྱང་ལ་འབད་འབུངས་བྱེད་བཞིན་ཡོད་པ་དང༌། དཔེར་ན་གྲུག་སྐར（球星）དང་གྲགས་སྐར་（明星）དག་ལ་མི་ཁྲི་སྟོང་མང་པོས་ཡིད་སྨོན་དང་འཚོལ་སྙེག་བྱས་པ་ལྟ་བུ་ཡིན། དེ་ལྟར་རེ་སྨོན་དང་འཚོལ་སྙེག་བྱེད་པའི་དམིགས་ཡུལ་ནི། རང་ཉིད་གྲགས་སྐར་དུ་འགྱུར་འདོད་པ་མིན་པར་གྲགས་སྐར་དང་མཉམ་དུ་སྐད་ཆ་རེ་གཉིས་བཤད་པ་དང༌། མཉམ་དུ་པར་རེ་ལེན་རྒྱུ་ཙམ་རེད། འདི་དག་ལ་བསམ་བློ་ཞིབ་ཏུ་བཏང་ན་དོན་སྙིང་ཅི་ཡང་མི་འདུག

ཁོ་ཚོས་ཀྱང་རྒྱུ་མཚན་མ་ཤེས་པར་ཅི་དྲན་འདི་དྲན་མེད་པར་འཚོལ་སྙེག་བྱས་པ་ཡིན་ནའང་ཐང༌། མདོར་ན་སྤྱོད་པ་འདི་རིགས་ནི་ཡང་དག་མ་ཡིན་པའི་དད་མོས་ཡིན། ཁྱོད་ཚོ་ཚང་མས་དུས་ཡུན་རིང་པོའི་ནང་དུ་རིག་ཚན་དང་དངོས་ཚན་སོགས། རིག་གཞུང་མང་པོར་ཞིབ་འཇུག་བྱས་པས་རིག་པ་རྣོ་མྱུར་ཅན་རྐྱང་རྐྱང་ཡིན་རྒྱུ་རེད། འདི་ལྟ་བུའི་ཤེས་རབ་ནི། དང་པོ་འབྲེལ་ཡོད་ཤེས་བྱ་ལ་ཉན་དགོས་པ་དང་དེ་ནས་ཤེས་རྟོགས་དང༌། བསམ་གཞིག ཞིབ་དཔྱོད་བྱས་ཚེ་མཇུག་མཐར་རང་རྒྱུད་ལ་ཤེས་རིག་གི་ཁོར་ཡུག་ལེགས་པོ་ཞིག་ཆགས་འགྲོ་བ་རེད།

དེ་ནི་ནང་བསྟན་གྱི་ཐོས་བསམ་སྒོམ་གསུམ་དང་འདྲ་མཚུངས་ཡིན། ཁྱོད་ཚོར་འདི་འདྲའི་ཤེས་རབ་བཟང་པོ་ཡོད་དུས། རང་ཉིད་ཀྱི་དད་མོས་དེ་ལ་བརྟག་དཔྱད་ལེགས་པར་བྱས་ཏེ་རྨོངས་དད་མིན་པར་ཡང་དག་པའི་ལྟ་བ་བསྐྱེད་ཐུབ་ན། ཁྱོད་རང་ཉིད་དང་སྤྱི་ཚོགས་ཀྱི་ཚོགས་པ་གང་ལ་མཚོན་ནས་བཤད་ནའང་། ཡར་རྒྱས་དང་མདུན་བསྐྱོད་ཀྱི་སྒུལ་ཤུགས་སུ་འགྱུར་ངེས།

འཛམ་གླིང་བུམ་པའི་ཐོག་གི་ལུས་སྟོད་ལས་མེད་པའི་བུ་ཆུང་ཁོང་ནི།
མུའུ་ཧྥུ་ཐའི་ཕ་མས་ཚེ་སྲོག་ཆུང་ཆུང་དེ་མ་འདོར་ཞིང་། མུའུ་ཧྥུ་ཐ་ཉིན་རེ་བཞིན་ཇེ་ཆེ་གྱུར་ནས་ན་སོན་པས། ཀུན་གྱིས་ངོ་མཚར་བའི་གནས་ཚུལ་ཞིག་ཡིན་པར་འདོད། ལུས་སྟོད་མ་གཏོགས་མེད་ནའང་། ཕ་མས་མི་གཞན་པ་ལྟར་བྱ་འགུལ་ལ་ཞུགས་པའི་སྐུལ་སློང་བྱས། ཁོ་རང་རིམ་བཞིན་རང་གི་ལུས་པོའི་གེགས་དང་སྐྱོན་ལས་རྒྱལ་ཏེ། ལག་ཟུང་གིས་རྐང་རྩེད་སྤོ་ལོའི་ལྷམ་གྱོན་ནས། ཁོའི་ལག་ཟུང་ནི་རྐང་པའི་ཚབ་གྱུར་ཅིང་། རྐང་རྩེད་སྤོ་ལོ་རྩེ་ཐུབ་ཀྱི་ཡོད། ད་དུང་ཆུ་རྐྱལ་བ་དང་རི་ལ་འཛེགས་པ་སོགས་ཀྱི་ལུས་རྩལ་རྩེ་རྒྱུར་དགའ། ཁ་ཐར་འཛམ་གླིང་བུམ་པ་མ་འཚོགས་པའི་གོང་ནས་མུའུ་ཧྥུ་ཐ་ནི་དགའ་མཁན་མི་ས་ཡ་གསུམ་ལས་བརྒལ་བའི་མིང་གྲགས་ཅན་ཞིག་ཡིན་ལ། མི་རྣམས་ཁོའི་གཏམ་རྒྱུད་ཀྱིས་ཡིད་དབང་འཕྲོག་ཅིང་སྐུལ་འདེད་གཏོང་བཞིན་ཡོད།མུའུ་ཧྥུ་ཐ་ཡི་མི་ཚེའི་བརྒྱུད་རིམ་གྱིས་སྟོན་ཚོགས་ཆེན་མོ་འདིས་འཛམ་གླིང་ལ་བསྒྲགས་ན་འདོད་པའི་ཁོག་ཡོངས་དང་ཕུགས་འདུན། མཐུན་སྒྲིལ་གྱི་འདུ་ཤེས་མཚོན་པར་བྱས་ཡོད། །