࿐འདན་མ་བྱང་ཁྲ།

གྲུབ་བརྒྱའི་གཙུག་རྒྱན་མདའ་སྣུན་ཞབས།།
མི་འགྱེད་དྭངས་གསལ་རྫིང་བུའི་ངོག །
ཐུགས་རྗེའི་འོད་དཀར་གཟུགས་བརྙན་གང་།།
འདན་མ་ཁྲི་སྐྱེས་བསམ་འགྲུབ་གྲགས།།

དཔའ་འཛང་བློ་གྲོས་ཉི་ཟླའི་འོད།།
འཛམ་གླིང་པདྨའི་ཚལ་དུ་ཕྲོས།།
སྙན་གྲགས་དབྱར་སྐྱེས་དབང་པོའི་སྒྲ།།
དུས་ཀྱི་མཐའ་ཡང་ཆེས་ཆེར་སྒྲོག།

ངོ་མཚར་འཕྲུལ་གྱི་མདའ་མོ་ཡིས།།
ངམ་ནག་སྒྲ་ཡི་སྲོག་དབུགས་འཕྲོག །
དྲུག་གསུམ་རྫོང་གི་དཔའ་བོའི་དཔུང་།
ཀུན་གྱི་གཙུག་ན་འདོད་དགུར་བརྒྱུ།།

ལྷག་གསམ་ཀེ་ལ་ཤ་ཡི་འདངས་།།
བུམ་པའི་ས་འཛིན་གཏོག་དུ་འགྱིང་།།
སྤྱང་གྲུང་གློག་གི་ཕྲེང་བ་ཡིས།།
མཛད་རྗེས་རྡོ་རྗེའི་རི་མོ་ཕབ།།

རླུང་ཤུག་ལྡན་པའི་རྟ་མཆོག་གི །
རྨིག་རྗེས་ནོར་འཛིན་ཁྱོན་ཀུན་བཞག །
དྲུག་འགྱུར་ངག་གི་དབྱང་རྟ་ཡིས།།
གངས་རིས་ལྗོང་འདིར་ལེན་བརྒྱར་སྒུལ།།

ཐབས་ཤེས་འཕྲུལ་གྱི་ཐོག་མདའ་ཡིས།།
བདུད་བཞིའི་དགྲ་སྡེ་རྡུལ་དུ་བླག།
འཆི་མེད་གྲུབ་པའི་སར་བཤེགས་པའི།།
གཡུ་རྒྱལ་ཐོག་རྒོད་གང་དེར་གུས།།

༢༠༢༢:༡༠:༢༦

ཞེས་པའི་སྙན་དེབ་འདི་རང་ཉིད་བློ་ཡི་མྱོང་རོལ་འོག་ཀློག་ཟིན་སོང།

མི་སྣ་གཙོ་བོ་ཆོས་མཛད་བསྟན་པའི་མི་ཚེའི་རྒྱུད་རིམ་ལས་རྟོག་པའི་གནས་ལུག་ནི་མི་ཡི་མི་ཚེ་སྐྱིད་གསུམ་སྡུག་གསུམ་ཡིན་ལ་མི་ཚེ་ནང་བར་ཆད་སྣ་མིན་སྣ་ཚོགས་འཕྲད་སྲིད་པས་ཁྱེད་ཀྱི་མདོང་ཐུགས་བྱེད་ཐུབ་པའི་སྙིང་སྟོབས་ནི་ཁྱེད་ཀྱི་རྒྱུ་འབྲས་བླུ་བ་མེད་པའི་དད་པ་དང་དོར་མ་འདོད་པའི་མི་གཤིས་ཀྱི་དམ་ཆ་བརྟན་པོ་རྒྱུན་འཁྱོངས་བྱེད་པ་འདི་ཡིན།

སྣང་བྱེད་ཉི་ཟླ་པང་ལ་བླངས་ནས།།
འོད་རིས་བརྩེགས་ཀྱང་འགྲན་ནུས་མིན་པའི།།
ན་གཞོན་བློ་ལྡན་རིག་པ་ཅན་དེ།།
འཛམ་གླིང་རིག་པའི་སྡིངས་ཆར་བུད་ཤོག།

གསེར་གྱི་ཕ་བོང་སྲང་ལ་འཇལ་ནས།།
ཉོ་བར་བརྩམས་ཀྱང་ཁུག་ཐབས་མེད་པའི།།
ན་གཞོན་བློ་ལྡན་རྣམ་དཔྱོད་ཅན་དེ།།
འཛམ་གླིང་ཤེས་བྱའི་མཚོ་རུ་ཞུགས་ཤོག།

དགོས་འདོད་ཀུན་འབྱུང་ནོར་བུ་དེ་ཡིས།།
རིན་གོང་བཅལ་ཀྱང་ཉོ་ཐབས་མེད་པའི།།
ན་གཞོན་བློ་ལྡན་དོན་གཉེར་ཅན་དེ།།
འཛམ་གླིང་ཐོས་ལྡན་གྲལ་ཏུ་ཕེབས་ཤོག། #微博[超话]#