࿇ མདོ་ལས།
འགྲོ་འདི་ཐམས་ཅད་ལས་ལས་བྱུང་།། ལས་རྣམས་ཀུན་ལ་མཐུ་ཡོད་པས།།
ལུས་ཅན་ཀུན་གྱི་སྐྱིད་སྡུག་འདི།། ལས་རྣམས་ཡིན་པར་ཤེས་པར་བྱ།།
༶ 佛经：
众生依业生，诸业具威力，
众生诸苦乐，当知皆由业

གཟི་བརྗིད་འོད་སྟོང་འབར་བའི་ཕོ་བྲང་།

རྡུལ་བརྩེགས་ཁ་བའི་འདབ་མ་རེ་རེས་ནོར་འཛིན་ཁ་འདོག་བསྒྱུར་དང་ལྷན། །དྭངས་གཙང་སྣོད་བཅུད་བདེ་དགེའི་དཔལ་གྱིས་ཡངས་བའི་འཇིག་རྟེན་བསྐྲུན་ནམ་ཅི། །འཛིན་མའི་ཏོག་ན་མངོན་པར་མཐོ་བ་རྣམ་པར་རྒྱལ་བའི་ཁང་བཟང་གིས། །འགྲན་དུ་མི་བཟོད་གླིང་ལྔའི་དབུས་ན་རི་བོ་གངས་ཀྱི་གཟི་བརྗིད་མངོན།

སྟོབས་འབྱོར་ཉིན་རེ་ཉིན་རེར་རྒྱས་ཚེ་ཡང་།
མི་ཚེ་ཉིན་རེ་ཉིན་རེར་ཟད་ནས་འགྲོ།
མི་ཚེ་ཟད་ནས་འཆི་བའི་དུས་ཀྱི་ཚེ།
སྟོབས་འབྱོར་བ་སྤུ་ཙམ་ཡང་ཁུར་དུ་མེད།
མི་ཚེ་ཉིན་རེ་ཉིན་རེར་ཟད་པའི་ཚེ།
དགེ་བ་ཉིན་རེ་ཉིན་རེར་སོགས་པ་དགོས།
དགེ་བ་ཉིན་རེ་ཉིན་རེར་སོགས་པའི་ཚེ།
འཆི་དུས་ཁྱོད་ཀྱིས་འཇིགས་པ་དགོས་དོན་མེད།
བླ་མ་གསེར་མདོག་སྤྲུལ་སྐུ་ནས་གདམས་སོ།