࿐སྟབས་བདེ་ནས་རྙོག་འཛིང་དུ་བཟོས་བ་ནི་འདས་སོང་གི་ལོ་ཟླའི་སྡོམ་ཚིག་ཡིན་ལ། རྙོག་འཛིང་ནས་སྟབས་བདེ་རུ་བཟོ་བ་ནི་མ་འོངས་པའི་སྒོམ་སྒྲུབ་ཡིན། https://t.cn/R08xaRT

࿐བོད་ཟླ་བདུན་པ།

ཞིང་འབྲོག་དམངས་སྲོལ་ལུགས་སུ་འབྲུག་ཟླ་ཟེར།

ཟླ་བ་འདིར་ཚེས་༩ཆད།

ལྷག་མེད།

འབྱུང་རྩིས་པའི་སྟོན་ར་བ་ས་ཕོ་སྤྲེལ་གྱི་ཟླ་བ་ཆུང་བ།

ཡས་ལམ་བྱང་ཤར།

བུམ་སྟོང་ཤར།

ཉ་སྐར་གྲོ་བཞིན།

བོད་ཟླ་བདུན་པའི་ཚེས༡༥ཉིན་ཀརྨ་པ་རོལ་པའི་རྡོ་རྗེ།

ཚེས༢༣ཉིན་ཞྭ་དམར་དཀོན་མཆོག་ཡན་ལག།

ཚེས༢༩ཉིན་ཞྭ་དམར་མཁའ་སྤྱོད་དབང་པོ་བཅས་ཀྱི་དུས་མཆོད་ཡིན།།

࿐སྐྱེས་མཆོག་སྒྲ་སྒྱུར་གྱི་རྒྱལ་པོ་མར་སྟོན་རྡོ་རྗེ་འཆང་གི་ཆེ་བ་བརྒྱད།

མཛད་པ་པོ།

ཀུན་མཁྱེན་བསྟན་པ་རབ་རྒྱས།

བཀའ་བརྒྱུད་ཀྱི་བསྟན་པའི་ཤིང་རྟའི་སྲོལ་འབྱེད་ནི་གངས་ཅན་ན་ཆེ་བའི་༧མར་སྟོན་རྡོ་རྗེ་འཆང་ཆོས་ཀྱི་བློ་གྲོས་ཡིན་ཞིང་། ཁོང་ནི་ཆེ་བ་བརྒྱད་ལྡན་ཡིན་པས།

༡༽ དང་པོ་ཡོངས་གྲགས་ཆེ་བའི་ཕུལ་བྱུང་གི་རྒྱ་གར་གྱི་པཎ་ཆེན་ལ་དངོས་སུ་གཏུགས་པའི་ཆེ་བ།
༢༽ གཉིས་པ་རྩོད་མེད་ཀྱི་རྒྱུད་སྡེ་རྒྱ་མཚོ་ལྟ་བུར་བརྟེན་ནས་ཐོས་སྒོམ་ཟུང་འབྲེལ་གྱི་སྒོ་ནས་ཐོས་སྒོམ་མཐར་ཕྱིན་པའི་ཆེ་བ།
༣༽ གསུམ་པ་སྐུ་ཚེ་དེ་ལ་དག་པའི་སྒྱུ་ལུས་གྲུབ་ནས་སངས་རྒྱས་པའི་ཆེ་བ།
༤༽ བཞི་པ་བཤད་སྒྲུབ་ཀྱི་ཕྱོགས་སོ་སོར་བཀའ་བབ་པའི་མཁས་ཤིང་གྲུབ་པ་བརྙེས་པའི་སློབ་མ་ངོ་མཚར་ཅན་མང་དུ་འཕེལ་བའི་ཆེ་བ།
༥༽ ལྔ་པ་རྒྱུད་སྡེའི་བཅུད་ཀྱི་མན་ངག་ངོ་མཚར་བ་རྣམས་ཟུར་དུ་ཕྱུང་སྟེ་སྐལ་ལྡན་གྱི་སློབ་མར་སྐྱེས་སུ་བཞག་པའི་ཆེ་བ།
༦༽ དྲུག་པ་གངས་ཅན་གྱི་གསང་སྔགས་གསར་མའི་རྒྱུད་སྡེའི་ཁུངས་ཚད་ལྡན་ཕལ་ཆེར་ཁོང་རང་ཉིད་ལ་ཐུག་པའི་ཆེ་བ།
༧༽ བདུན་པ་ཁོང་རང་ཉིད་ཀྱི་མན་ངག་ཟབ་མོ་དག་ཁུངས་མེད་རྡོལ་ཆོས་ཀྱིས་མ་བསླད་པའི་ཆེ་བ།
༨༽ བརྒྱད་པ་བརྒྱུད་པ་གཞན་འཛིན་པ་ཕལ་ཆེ་བ་དག་གིས་དབང་བཞི་གདན་ཐོག་གཅིག་ཏུ་བསྐུར་བ་ལས་ཁོང་ཉིད་ཀྱི་ནང་མཆོད་ཀྱི་བདུད་རྩིའི་རོ་མྱོང་བ་བྱིན་རླབས་ཆེ་བའི་ཆེ་བའོ། །

དེ་ལྟ་བུའི་བཀའ་བརྒྱུད་པའི་ཤིང་རྟའི་སྲོལ་འབྱེད་ཆེན་པོ་དེ་ལ་དེའི་བརྒྱུད་འཛིན་ཏུ་རློམ་པའི་དེང་དུས་ཀྱི་བཀའ་བརྒྱུད་པའི་མིང་ཅན་མང་པོ་ཞིག་གིས་བཀུར་བསྟི་འོས་འཚམས་ཤིག་ཤེས་ཀྱི་མེད་དོ།།