#圖文不符##迪迪的Diary# 32

我細個屋企住觀塘嘅，我又好鍾意躝街嘅。嗰時最鍾意去尖沙咀，如果阿哥家姐同男女朋友拍拖，又同阿媽阿爸申請搵我過橋，即係帶個細佬出街玩，其實暗簡係去拍拖嗰啲，我一定會提議話去尖沙咀。原因係我好鍾意坐1號A呢架巴士，由觀塘兜兜轉轉睇到好多風景，然後慢慢熬到尖沙咀。

鍾意去尖沙咀嘅原因係嗰度五光十色，有得行街有得睇戲，又有海邊，又冇旺角嗰啲咁複雜；另一個原因係，喺觀塘嗰個1號A巴士站附近，有一檔炸雞翼，超好味，我次次等巴士嘅時候，就要求阿哥家姐，攞返啲油水，梗係啦，我俾你過橋去秘密拍拖喎，仲唔有風洗盡利咩！我會叫佢哋買隻炸雞全翼俾我，然後我就會上車慢慢食！（當年坐巴士係仲可以食嘢嘅）

一隻雞全翼，我可以由觀塘慢慢㗳到尖沙咀碼頭。我嗰時會由雞翼尖嘅第一節開始食，食完雞翼尖就食雞中翼，然後最後食雞鎚，總之留到啖啖肉最後先至食就最滋味。

差唔多成個小學階段都係咁，有街去就去，去親就話去尖沙咀，然後就食雞翼。直至到差唔多六年級，都大個啦，自己都會同啲同學仔躝出街玩。有一次又係咁，攞住隻雞全翼上車，啲同學仔喺度玩，又推推撞撞，架巴士又「櫈」，啱啱食完隻雞翼尖，跟住剩返嗰兩節雞翼，跌落地下，冇得再食！我當時好傷心，狂鬧啲同學仔，望住地下喺啲垃圾塵埃區嘅兩節雞翼，我當時覺得佢對住我喊緊，其實可能係我自己個心喺度淌淚！

自此以後，我明白咗啲嘢，我逢親再食雞全翼嘅時候，我都調返轉嚟食，食咗雞鎚先，然後雞中翼，再食雞翼尖；因為我原來明白咗，細個嘅時候，你會留返啲好嘢，最尾先慢慢嘆；大個咗啲，有啲經歷嘅時候，尤其係世事多變，今日唔知聽日事，有好嘢，係應該嘆咗先！

但係呢個理論，係咪人人都咁諗嘅呢？未必。

成長咗之後，我記得有一次同媽咪去shopping，我買咗好多衫俾佢同自己。第二日我去返工，我着晒全套新衫，阿媽見到就同我講：咁快就著晒啲新嘢啦？我話：梗係啦，唔通等到去飲先着咩，今朝有酒今朝醉，珍惜今天，活在當下吖嘛，我突然間死鬼咗仲邊有得着啊！我阿媽唔理我，笑笑口咁走開咗。

然後佢嗰啲新衫呢，我叫極佢，佢都唔肯著，我仲鬧佢話你係咪想啲衫過晒時你先至拎返出嚟着呢？佢都唔理我。

直到過咗冇耐，有個親戚結婚，佢竟然自動自覺，識得攞嗰日我同佢買嗰啲新衫出嚟著，我心諗：都好，起碼佢肯著！然後佢同我講：今日去飲，拎啲新衫出嚟著，就抵返晒啦，因為多啲人睇到吖嘛！

佢又好似有佢嘅道理喎！非常合乎經濟效益——多啲人睇到，啲新衫更有價值！

咁即係點呢？我有我嘅雞全翼理論，我阿媽有佢嘅經濟效益理論！兩個理論都冇錯㗎，而當我以為呢兩個相反嘅理論，係會隨着年紀同埋人生經歷，會改變嘅時候，我見到我阿媽年長我咁多，人生經驗多我咁多，佢都係會選擇食雞全翼嘅時候，食雞翼尖先，咁即係話，可能當你年紀更大嘅時候，你對你嘅未來，應該更有信心，知道你有朝一日，一定會嘆到嗰舊啖啖肉嘅雞鎚！

冇呀，無端端有感而發咋，總之我依家，活到今天，我仍然係會嘆咗先，食咗舊啖啖肉先，或者過多幾年，我都會變成我阿媽！

你呢？係點食雞全翼㗎 ？

歌曲：#沈殿霞# 《燒雞翼》

今日c位照片全场无瑕！

狠狠感谢关老师篡局！最佳c位也属于关老师！

动物园 park 日料 k歌！谢谢我最爱的朋友们给了我如此丰富的一天！同样的场景在18年也有过 也是五个人 导致在唱歌的时候我差点泪洒ktv（真诚的 不掺任何防腐剂？）巴啦啦小魔仙完美收官22年老友记！！

走散的人能兜兜转转再走回来 我真的珍惜！今天和在心里排练的一万遍一样 该腼腆的腼腆 该聒噪的聒噪！是我真诚又“文静”的朋友们！

变了又好像没变！逐渐长成大人的日子 可以说是太不容易了 但是今天！真的很开心！坐同龄人开车也真的好奇妙（曾经可是一起坐bus赶火车的！）后视镜照到的脸是和我曾经在教室看到的脸诶！奇妙！！

希望大家22年 年底无敌无敌快乐
（该幸福的幸福）[ok]
我会永远记住这一天22.11.17[鲜花]
再次感谢你们可以做我的朋友！！！

#如何度过第二年状态#
不逃避
逃避的问题总有一天还是会兜兜转转回到你身上，让你自己再面对一次的，是真的。正面刚反而是更好的办法。把事情拆分几个步骤，有时候你做着做着，发现好像已经解决了，也没那么难嘛。
踌躇不定和逃避有时候反而放大了我迷茫的情绪。
现在想想，也许人生的每个阶段，面对不同的问题，都会有这么一种对未来憧憬却又忐忑不安的感觉。所以，没什么大不了的。没关系，大家都在努力成为自己想成为的人，必要时让自己学会放松，偶尔看看海发呆喘口气。

祝你一切开心，不止今天。