皆转成大觉因

ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང་། 
犹如滴水入大海，
རྒྱ་མཚོ་མ་ཟད་བར་དུ་དེ་མི་འཛད།  
大海未干彼不尽，
དེ་བཞིན་བྱང་ཆུབ་ཡོངས་བསྔོས་དགེ་བ་ཡང་།  
如是回向菩提善，
བྱང་ཆུབ་མ་ཐོབ་བར་དུ་དེ་མི་འཛད།།
未获佛果彼不尽！

࿑ ཐུ་བྷོད་རྐང་གྲུག་རུ་ཁག འཛམ་གླིང་གི་ཡང་རྩེ་རུ་འབོད་པའི་ཨེ་ཤ་ཡའི་གངས་ལྗོངས་ལུང་པའི་ནང་གི་ཐུ་བྷོད་རྐང་གྲུག་རུ་ཁག་གིས་དེང་རབས་རྐང་གྲུག་གི་ཕ་ས་རུ་འབོད་པའི་ཡོབ་གླིང་གི་སྟོབས་ཆེན་རྒྱབ་ཁབ་དབྱིན་ཇི་དང་༡༩༦༦ལོར་འཛམ་གླིང་བུམ་པའི་གསེར་བུམ་འཁྱེར་མྱོང་མཁན་གྱི་དབྱིན་ཀི་ལཱན་རྐང་གྲུག་རུ་ཁག་སོགས་ལ་གདོང་ཐུག་རྒྱག་གིན་པའི་རྣམ་པ། གདོང་ལ་སྨུག་ཤ་དོད་པའི་བོད་ཀྱི་གསར་རུ་འདི་ལྟ་བུ་གང་མང་ཞིག་ཀྱང་འཛམ་གླིང་བུམ་པའི་རླབས་རྒྱུན་དང་འགྲོགས་ཏེ་ནར་སོན་ཡོད་རྒྱུའི་དབང་དུ་བཏང་ན་༢༠༡༨ལོའི་འཛམ་གླིང་བུམ་པའི་ཁ་རོ་ཤེ་ཡ་དང་འདྲ་བར་འཛམ་གླིང་སྟོབས་ལྡན་རྒྱལ་ཁབ་དག་ཀྱང་གཡུག་གིན་གཡུག་གིན་ཡོང་བའི་ངོ་མཚར་བའི་འཛམ་གླིང་ལོ་རྒྱུས་ཀྱི་ཟིན་ཐོ་གསར་བ་ལོས་འབྲི་སྙམ་ཨང་།⚽️

-
དོ་ནུབ་ནས་བཟུང་ཁ་ཐར་འཛམ་གླིང་བུམ་པ་རྟགས་མ་ལ་བལྟ་འཆར་ཡིན། ལོ་བཞི་རེའི་ནང་ཐེངས་གཅིག་སྤེལ་བཞིན་པའི་རྐང་གྲུག་ལུས་རྩལ་འདི་ནི་འཛམ་གླིང་སྟེང་ཤུགས་རྐྱེན་ཆེས་ཆེ་བའི་ལུས་རྩལ་འགྲན་སྡུར་དུ་འབོད་ལ། དེ་འང་ཕལ་ཆེར་མི་མང་པོ་ཞིག་གིས“世界杯收视率太可怕了 ”ཟེར་བའི་རྒྱུ་རྐྱེན་རེད་འདོད། རྐང་གྲུག་ལུས་རྩལ་པ་དང་གྲུག་ཞེན་པ་ཚང་མས་རང་ཆེས་དགའ་སའི་རུ་ཁག་དང་གྲུག་མཁན་དག་གི་ཆེད་དུ་འཚབ་ཚོར་དང་བཅས་རྒྱལ་ཁའི་ང་རོ་སྒྲོགས་བཞིན་ཡོད། ང་ལ་མཚོན་ན་ད་ཐེངས་བུམ་པ་རྟགས་མའི་ཆེས་དགའི་སའི་རུ་ཁག་ནི་ཧོ་ལན་དང་ཉི་ཧོང་། ཨ་གིན་ཐིན་བཅས་རེད། ཧོ་ལན་ལ་མཚོན་ན་1974ལོའི་ནུབ་འཇར་མན་གྱི་འཛམ་གླིང་བུམ་པ་དང་1984ལོའི་ཨ་གིན་ཐིན་འཛམ་གླིང་བུམ་པ། ད་དུང་2010ལོའི་ཨ་ཧྥེ་རི་ཀ་ལྷོ་མའི་འཛམ་གླིང་བུམ་པ་བཅས་ཀྱི་སྟེང་དུ་ཨང་གཉིས་པ་རྐྱང་རྐྱང་བརླང་མྱོང་ཡོད་པ་ལས་ད་ལྟའི་བར་དུ་ཨང་དང་པོ་བརླང་མྱོང་མེད་པས་རེད། ད་ཐེངས་ཀྱི་འཛམ་བུམ་སྟེང་ཁོ་ཚོའི་རུ་མི་བན་ཏེ་མཁར（VIRGIL）དང་བདེ་སྐྱོང་（De jong）གཉིས་ཡང་ཞུགས་ཐུབ་ཡོད་པས། ད་ཐེངས་ལ་མཚོན་ན་ཧོ་ལན་གྱིས་ཁ་ཐར་འཛམ་བུམ་རྟགས་མ་ལེན་ཐུབ་པར་ཡིད་ཆེས་མཐོན་པོ་ཡོད། དེ་མིན་ཉི་ཧོང་ནི་ད་ཐེངས་ཀི་འཛམ་གླིང་བུམ་པ་རྟགས་མའི་སྟེང་དུ་ཚུད་ཡོད་པའི་ཨེ་ཤ་ཡའི་རྒྱལ་ཁབ་དག་གི་ཁྲོད་ནས་རང་ཆེས་དགའི་སའི་རུ་ཁག་དེ་རེད་ལ། དེ་མ་ཚད་ཉི་ཧོང་གིས་ཐེངས་རེ་རེའི་འགྲན་སྡུར་དག་གི་ཁྲོད་དུའང་ཁྱད་མཚར་ལྡན་པའི་འགྲན་སྡུར་རེ་བྱེད་ཐུབ་པའི་རྐྱེན་གྱིས་རེད། དེ་བས་ཉི་ཧོང་གིས་ཨེ་ཤ་ཡ་གླིང་གི་རྐང་གྲུག་གི་ནུས་པ་འཛམ་གླིང་ལ་གཟིགས་འབུལ་བྱེད་ཐུབ་པ་དང་འཛམ་གླིང་གི་མི་མང་ཤས་ལ་ཡ་གླིང་གི་ཁྲོད་དུའང་སྔར་བྱུང་མ་མྱོང་བའི་རྐང་གྲུག་གི་གཏམ་རྒྱུད་ཞིག་ཡོད་པ་ཤེས་སུ་འཇུག་འདོད་པས་ཡིན། 00རྗེས་ཀྱི་གྲུག་ཞེན་པ་དག་ལ་མཚོན་ན། མའེ་ཟེ（Messi）་ནི་དུས་རབས་ཤིག་གི་རྐང་གྲུག་རྒྱལ་བོ་ཡིན་ལ་ཁོའི་བྱམས་སེམས་དང་ལྡོག་རྒོལ་གྱི་མི་ཚེ་དེས་ན་གཞོན་གང་མང་ཞིག་ལ་རེ་བ་དང་སྙིང་སྟོབས་བསྩལ་མྱོང་ཡོད། དེ་མིན་ང་འདྲ་བའི་མའེ་ཟེ་ཡི་གྲུག་ཞེན་པ་ཞིག་ལ་མཚོན་ན་ད་ཐེངས་ཀི་འཛམ་བུམ་རྟགས་མ་འདི་ནི་ངེས་པར་ཏུ་ཨ་གིན་ཐིན་ལ་ཐོབ་དགོས་པརའང་འདོད་ཀྱིན་ཡོད་ལ། རྒྱུ་མཚན་ནི་འདི་ནི་ཁོའི་མི་ཚེ་སྟེང་གི་ཆེས་མཟུག་མཐའི་འཛམ་བུམ་རྟགས་མ་ལེན་པའི་གོ་སྐབས་དེ་ཡིན་པའི་རྐྱེན་གྱིས་རེད།