࿑ བརྩེ་དུང་ནི་སྐད་ཆས་བརྗོད་ཐུབ་པ་ཞིག་མ་ཡིན་པས།
བྱ་སྤྱོད་ནི་ད་གཟོད་ཆེས་བློ་དཀར་བའི་གསལ་བཤད་དེ་ཡིན།

@
དྲན་གསོའི་ཉིན་མོ་བདེ་ལེགས།
མི་ལོ་བཅུ་བཞིའི་བརྩེ་བར་ལྷད་མེད།
མུ་མཐུད་བདེ་ཐང་དང་བདེ་སྐྱིད་ཡིན་ནོ།

࿑ གོམས་པ་དང་སྒོམ་པ།

འཇམ་དཔལ་སྒྱུ་འཕྲུལ་ཚངས་པ་ལྷའི་མེ་ཏོག །
སྙིགས་འགྲོའི་དཔལ་དུ་བཤེས་གཉེན་ཚུལ་འཆང་བ། །
བཀའ་བབས་བདུན་ལྡན་མདོ་སྔགས་གླིང་པ་རྗེའི། །
རྣམ་རོལ་མཁྱེན་བརྩེ་ཆོས་ཀྱི་རྒྱ་མཚོའི་ཞབས། །

གང་ཡང་ཉོན་མོངས་གཉེན་པོར་བསྒྱུར་ཤེས་སྒོམ། །
ཅིར་ཡང་ཚེ་འདིར་ཞེན་པ་སྤངས་པ་སྒོམ། །
དེ་ཡང་དལ་འབྱོར་རྙེད་དཀའ་ཤེས་པ་སྒོམ། །
ཡང་ཡང་ནམ་འཆི་ཆ་མེད་སེམས་པ་སྒོམ། །

གང་དུ་དམ་ཆོས་དྲན་ན་དེ་རུ་སྒོམ། །
དུས་ཐུང་གྲངས་མང་ཉམས་ལེན་གོམས་པ་སྒོམ། །
ཅིར་སྣང་ཆོས་ཀྱི་སྣང་བར་རྟོགས་པ་སྒོམ། །
བློ་སྣ་བསྟུང་ལ་འདི་སྣང་བསྐྱུར་པ་སྒོམ། །

ཐོས་པ་ཅན་ལ་སྒོམ་པ་མེད་སྙམ་འཁྲུལ། །
སྒོམ་པ་ཅན་ལ་ཐོས་པ་ཆུང་སྙམ་འཁྲུལ། །
སྨྲ་ཤེས་དོན་གོ་དལ་བརྒྱད་འབྱོར་བཅུའི་རྟེན། །
ཡང་ཡང་རྙེད་དཀའ་སྙིང་པོ་ལེན་ལ་རེམ། །

སྒོམ་ཆེན་ང་ཡིན་མཁས་པ་ང་ཡིན་དང་། །
གྲུབ་པ་ང་ཡིན་བྱ་བཏང་ང་ཡིན་སོགས། །
ང་འོ་སྙམ་པའི་ང་རྒྱལ་བསྐྱུང་ཤེས་སྒོམ། །
རང་ཉིད་ཀུན་ཀྱི་ཐ་མར་འཇོག་ཤེས་སྒོམ། །

རྒྱ་ཆེ་རྒྱུན་རིང་ཆོས་ཚུལ་བྱེད་བློ་ཡིས། །
སང་བྱ་གནངས་བྱས་མི་ཚེ་རྫོགས་ཤེས་སྒོམ། །
སྤྲོས་ཆུང་དུས་ཐུང་སྦས་པའི་ཉམས་ལེན་ལ། །
སྣང་མེད་བརྙས་པས་འདི་སྣང་ཚར་ཤེས་སྒོམ། །

འདི་བསྒྲུབ་གན་བསྒྲུབ་འདུན་པས་དུས་ཚོད་ཤོར། །
ངས་བྱེད་ངས་བསྒྲུབ་དམ་བཅས་ལུས་སེམས་མནར། །
རང་ཆེ་རང་མཐོང་རང་འདོད་ལས་ཀྱིས་བྲེལ། །
འདི་མེད་ཕྱི་མེད་བྱེད་འདུག་ཚོར་བ་སྒོམ། །

སྲོག་འཕྲོག་ནད་ཀྱིས་འཇིགས་ཤིང་དངངས་པའི་བུར། །
བརྩེ་བའི་འཛུམ་བཅས་ཚེ་སྲོག་སྟེར་མཁས་མས། །
སེམས་སྐྱེད་དམིགས་མེད་བསྔོ་བའི་སྒོམ་དང་བཅས། །
གསོ་དཔྱད་ལག་ཏུ་ལེན་ཤེས་འཕྲལ་ཕུགས་དགེ །

འདི་ཡང་དམ་པའི་གསུང་གི་རྗེས་འབྲང་སྟེ། །
རང་གིས་རང་ལ་དྲན་སྐུལ་གསལ་འདེབས་ལས། །
རང་མགོ་མི་ཐོན་རོ་མགོར་ལུང་བསྟན་པའི། །
གཟུགས་བརྙན་དེ་འདྲ་མིན་ནོ་སྒོམ་ཆེན་དག །
ཅེས་རྫོང་སར་མཁྱེན་བརྩེ་རིན་པོ་ཆེའི་ཞལ་གདམས་ཚན་པ་ཞིག་ཐོས་པའི་རྐྱེན་བྱས་ཏེ་ཀུན་ཀྱིས་བཏགས་མིང་ལ་བསྟན་རྒྱམ་དུ་འབོད་པ་དེས་དེ་དོན་ཡིད་ལ་བརྣག་བཞིན་འཕྲལ་མར་རང་ལ་སྨྲས་པའོ། །

࿑ ང་ཤི་བའི་རྗེས་ང་དང་མ་འཕྲད་སྙམ་པའི་ཡིད་གདུང་བ་རྣམས་ཀྱིས། ངས་བརྩམས་པའི་མདོ་སྔགས་ཀྱི་ལམ་རིམ་གཉིས་ལ་ལྟོས་དང་། ང་འཕྲད་པ་དང་ཁྱད་པར་སྤུ་ཙམ་མེད། ཆོས་ཕུང་བརྒྱད་ཁྲི་བཞི་སྟོང་གི་བཅུད་བསྡུས་ནས་གཅིག་ཏུ་དྲིལ་ནས་བཤད་པ་ཡིན། ང་དང་འཕྲད་ཀྱང་དེ་ལས་ལྷག་པ་བཤད་རྒྱུ་མི་འོང་།

______ [ རྗེ་བདག་ཉིད་ཆེན་པོས། ][蜡烛][蜡烛][蜡烛][鲜花][鲜花][鲜花][鲜花][鲜花][鲜花] https://t.cn/R2WxD52