࿑ མདའ་བཙན་པོ་ནི་འགྲོག་བདེ་གཤིབ་བདེ་ཡིན་པའི་མི་ཞིག་སྟེ། ཁོང་དང་མཉམ་དུ་ཇ་ཐུན་གཅིག་ལ་བསྡད་ཀྱང་རང་བཞིན་གཤིས་ལས་བྱུང་བའི་ཀུ་རེ་རྩེད་མཚར་གྱི་སྣང་བ་ཞིག་མྱོང་བར་འགྱུར། འོན་ཏེ་ཞི་འཇམ་གྱི་གཤིས་ཀ་དེའི་རྒྱབ་རོལ་ཏུ་གཟབ་ཅིང་བརླིང་ལ་འགྱུར་བ་མེད་པའི་ལྟ་བ་བརྟན་པོ་ཞིག་ཡོད་ཅིང་དེ་ནི་ཁོང་གི་སེམས་ལ་རྡོ་རྗེའི་གོ་ཁྲབ་ལྟར་ཡོད་པའི་འཇིག་རྟེན་དང་མི་ཚེའི་ལྟ་ཚུལ་ཡན་གར་བ་དེ་ཡིན། མདའ་བཙན་པོའི་བརྩམས་ཆོས་ཐམས་ཅད་ཀྱང་ཁོང་གི་མི་གཤིས་དང་འདྲ་བར་རྣམ་པ་ལྷོད་ཅིང་བསྟན་བཤིག་ཚ་བའི་ཉམས་ཀྱིས་ཕྱུག་ནའང་བརྗོད་བྱ་གཟབ་ནན་ཆེ་བ་འབའ་ཞིག་ཡིན་པས་ཁོང་གི་སྒྲུང་རིང་དང་པོ《མཛེས་མ་དང་གཞན་དག》ཅེས་པ་འདིས་ཁྱེད་ལ་དེབ་ཀློག་པའི་སྤྲོ་སྣང་དམིགས་བསལ་བ་ཞིག་སྟེར་ངེས་ཞེས་བདག་གིས་སྨྲ་བར་སྤོབས་སོ།།

—སྐྱབས་ཆེན་བདེ་གྲོལ་གྱིས། https://t.cn/R2WxDGB

࿑འདི་དང་འདི་འདྲ་བའི་དེབ་མཆོག་དག་དང་མཇལ་བའི་སྐལ་བཟང་ནི་དྲིན་ཅན་གྱི་ལོ་ཙཱ་པ་ཁྱེད་རྣམ་པའི་བཀའ་དྲིན་ཡིན་པར་ངོས་ཟིན་ཞིང་། སྐུ་དྲིན་ཡིན་པར་དོན་རྟོགས་ནས། དྲིན་དྲན་གྱི་གུས་ཕྱག་དང་བཅས། ཞོར་དུ་ཞུ་འདོད་པ་ཞིག་ནི་དེང་གི་འུ་ཚང་གི་རྩོམ་པ་པོ་དང་། སྒྲ་སྒྱུར་པ། དཔེ་སྐྲུན་པ་དག་གིས། བརྡ་སྤྲོད་རིག་པའི་བཅས་ཁྲིམས་ཏེ། སྟོང་ལོ་རིང་མོའི་ལོ་རྒྱུས་ལྡན་པའི་རང་མི་རིགས་ཀྱི་སྐད་ཡིག་གི་ཁྲིམས་ཡིག་ཆེན་མོ་སྟེ། སུམ་རྟགས་དག་གསུམ་གཙོས་རིགས་གཞུང་ཚད་ལྡན་དག་གཞིར་མི་འཛིན་པའམ། བཟུང་ཡང་བྱང་ཆ་མེད་པའམ། དོ་སྣང་དང་ཞུ་དག་ཆེར་མ་བྱས་པ་གང་ཞིག་གིས། བདག་སྒྲ་དང་མིང་མཐའི་ཡིག་ནོར་རྒྱུན་འབྱམས་སུ་སོང་བ་བཙོས། ཡིག་ནོར་སྦྲང་ནག་འཕུར་འཕུར་དང་། མདུད་ནག་སྒོང་སྒོང་། སྡོམ་ནག་བཀྲམ་བཀྲམ་མང་བ་འདི་དག་གིས། དེབ་གསར་གང་ཞིག་གི་མགོ་ནས་མར་བལྟས་ཙམ་ཉིད་ནས་ཀློག་པ་པོའི་བཀླག་འདོད་ཀྱི་སྤྲོ་བ་ཉམས་ཤིང་། རྩོམ་པོ། སྒྱུར་པོ། བརྩམས་ཆོས། བསྒྱུར་ཆོས་དག་གི་གོང་ཚད་མར་འབེབས་ཤིང་། དེང་རབས་བོད་ཀྱི་རྩོམ་སྒྱུར་རིག་གནས་ཀྱི་སྤུས་ཚད་དང་ཕྲིན་ལས་ཀྱི་གནས་བབས་ལ་མུ་གེའི་སྟེང་དུ་ཟླ་ལྷག་ཏུ་འདུག་པས། དེང་རབས་ཀྱི་སློབ་གསོ་མྱོང་བའི་ཁྱེད་རྣམ་པས། སྲོལ་རྒྱུན་གུ་དོག་གི་སློབ་གསོའི་ར་བར་འཛུལ་མི་རུང་ན་ཐང་ཡང་། སྲོལ་རྒྱུན་ཞིབ་ཆའི་ལེགས་ཆ་དག་གང་ཐུབ་ཐུབ་ཀྱིས་བསྡུ་ལེན་མཛད་འོས་པ་རེད་འདུག་སྙམ།

࿑ ཤྭ་མོ་སེར་པོ། （mushroom 黄蘑菇）སྤང་རྒོད་སྟེང་གི་སྐྱེ་དངོས་མཆོག་གྱུར། རང་བྱུང་གི་དཀར་ཟས་ཀྱི་རྒྱལ་པོ། མདོག་ལེགས་ཤིང་དྲི་ཞིམ་པ། རོ་ཞིམ་ལ་བཅུད་ལྡན་པའི་ཟས་མཆོག་གཅིག་པུའོ།། [色][胜利] https://t.cn/8sxlEWc