我釣魚的路（71）東沙群島2
俾人放飛機真係一D都吾好受，出發釣魚天堂夢碎！都吾知仲有冇機會一嘗心願，唯有收拾心情去塔門釣紅班，赤立發泄！當時啱啱過咗新曆年塔門仲係魚季，殺！殺！殺！有日出塔門撞到班釣友又吹下水，傾下傾下講到我去東沙被飛事件，佢地即刻問我去吾去？我梗係死都去啦！原來佢地都有出東沙射魚嘅，出发時間都係清明咁上下時候，不過每人使費就貴D，1500！唉！都好啦！殺！
好快就到出发日，我連同自己兩個釣友一早就到碼頭集合，大家到齊船都到咗，我地隻戰船係一隻大型姑仔艇（頭低尾高），大約有60呎吧，船上裝有4隻有船尾機嘅大肚艇仔俾我地各自搵食，每一隻艇嘅成員有自己一個生倉一個房間，安排上算吾錯！我地三人馬上去放好行李架生就到船嘅上層吹水，尼船人就我地係從未去過嘅新手，咁當然又搵D同船嘅師兄取經啦！不過D師兄都俾吾到幾多料，好啦！今日都好晴風，睇嚟都會車得幾舒服下，隨住各人安頓好晒東沙戰船就向目標地出發！沿途風平浪靜，萬里無雲，仲見好多飛魚系水面一群一群咁飛，越車出去水越藍，好靚！心情就好似鄉下仔出省城咁興奮，東沙！我嚟啦！

Ps:上兩星期出塔門回程經繩網陣水警查船，問我地幾個人釣魚，我釣友就話三個，水警哥哥望下船倉正在食緊面包嘅我，倚！水警哥哥就問我係咪鵬 sir，我話係！跟住走出船倉問佢識吾識羅X（羅x就係今水出東沙嘅搞手），佢話羅X退咗休仲成日返繩網陣釣魚，得知老釣友仲係健健康康非常開心！羅X，得閒搵下我吹水呀！

[明報]【小儀與13型男】小儀抗拒「陳柏宇型」男友 唔想有爸爸管
2021-02-11

阮小儀主持的節目《小儀與13型男》最新一集邀請了「好爸爸型」陳柏宇（Jason）擔任約會對象，席上二人大玩「親子活動」踩水上單車，又餵小羊駝，期間談及與太太符曉薇及女兒陳羿辰的生活點滴時，Jason即表現得甜絲絲，盡顯好老公及慈父一面。
Jason不時提及與太太好恩愛、又表示自己有一個好可愛的女兒，小儀更大爆Jason在拍攝期間與太太欲結束通話時，會大聲說「I love you」，絕對是羨煞旁人！她對 Jason大讚：「呢類男仔都幾正，對另一半嚟講幾有安全感。」不過問到小儀會否選擇「好爸爸型」男士作為男友呢？她搞笑表示：「冇幻想過同好爸爸型男士拍拖會係點喎！屋企已經有個老竇管我，如果拍拖仲有一個『老竇』管我。大佬呀，唔好啦！」
問到Jason覺得自己是否好爸爸？他毫不猶疑表示：「覺得自己會係一個好爸爸，由細到大都好鍾意小朋友，覺得做好爸爸要有耐性、好奇心。」自覺是100分好爸爸的Jason，工作以外的時間，都主要陪伴太太及女兒，究竟做一個好爸爸可以去得幾盡？Jason表示：「大人係小朋友嘅模仿對象？係，所以食多咗菜同生果，以前嘅我係完全唔食、『零』蔬菜生果，而家就要做呢啲行為畀佢睇；動機上覺得自己係100分好爸爸，但實際行為上可能係70、80分，點解扣咗分？有時我好唔想畀糖同朱古力個女食，明知對佢唔好，但我會忍唔住手，用佢最鍾意嘅朱古力同糖作獎勵。」
小儀問到Jason自與太太誕下女兒、由二人世界成為三人家庭後，他與太太關係可有不同？Jason說：「我同老婆關係唔會有太大轉變，話題上跟以前係有分別，而家話題會圍繞個女，例如傾吓個女會唔會返加拿大讀書。我覺得做一個好爸爸，先要做一個好老公，但做一個好老公，唔一定係一個好爸爸。」

#劉心悠#入行至今演過不少富挑戰性的角色，包括女拳手、愛情狂及粵劇花旦等，付出很多心血落力演出，惟始終沒得到獎項認同，入行15年，電影方面只提名過一次金像獎「最佳新演員」，演藝事業總是「差一點點」才能攀上更高位置。不少觀眾都替她不值，認為其外形與條件，發展應不只於此，心悠表示：「Maybe我肯除衫、肯性感啲，可能會有更多好嘅機會，可以有多啲大片、攞獎片可以拍，但我比較自私，只係想拍自己鍾意嘅戲。同埋其實我係一隻龜，呢幾年先開始接受到着短裙同露背裝，可以性感少少。」看似性格溫婉，她卻有出人意表的想法，正當大家滿以為她拍戲如此落力，會視演藝事業為終身職業，她卻坦言最近萌生退出娛樂圈的念頭：「都有問自己呢個問題，有諗過退出o架，或者突然間有朝起身覺得夠喇，咪唔做囉，開間餐廳收銀都唔錯，只係暫時拍戲都仲未覺得攰啫！」回想當初演藝夢，心悠直言抱着「唔忿氣」的心態參加電影角色面試，一躍成為女主角步入五光十色的世界，更為了拍戲而中途輟學，放棄修讀最愛的設計課程。驀然回首，心悠笑說：「當初完全冇諗法，去面試只係因為朋友話『娛樂圈好危險，你唔得嘅！』我咪拗頸試囉，覺得自己係短期打工仔，諗住同經理人公司完約就走人，只係呢份『散工』最終打得長咗啲。」當初放棄學業，學士學位仍未到手，她卻絲毫不覺得可惜：「書幾時都可以讀，嗰時有啲同學係嫲嫲級，佢哋話後生忙住湊仔、湊孫，依家先做自己喜歡做嘅嘢，最緊要唔好將興趣當工具，例如我鍾意畫畫先去學，要享受人生。」入行多年鮮有傳出緋聞，這股「清泉」似乎很難追求，心悠卻打趣說：「係我一有（緋聞）就斬斷啫！如果緣分到，我根本企喺度唔使追。（有乜擇偶條件？）外貌真係其次，可能好醜樣o架，最緊要成熟穩重。可能因為我成長背景嘅關係（父母離異），對婚姻真係隨緣，不過唔排除日後會做媽媽，亦諗定第時會教自己嘅小朋友唔使孝順我，但要愛身邊嘅人。」相信「大愛」的她更揚言好大機會收養小朋友，視如己出。心悠4月1日踏入39歲，女神竟然不怕老，更認為隨着年齡增長，人生會愈來愈好：「即係等於升級一樣，完全冇擔心出年『轉字頭』，擔心健康報告多啲。其實我鍾意依家嘅自己多啲，只要老得有型就OK啦！」這段日子受疫情影響，工作近乎全面停頓，她卻不讓自己停下來，跑步、學打鼓，甚至挑戰爵士舞，活力拍得住二十出頭的青春少艾，受訪當日更穿上運動Bra Top一展舞技！