࿐བདེ་མཆོག་གི་རྒྱུད་ནི།རྩ་རྒྱུད་རྒྱས་པ་ལས་བསྡུས་ནས་སྙིགས་མའི་དུས་ཀྱི་ཚེ་ཐུང་ཞིང་ཉོན་མོངས་ཤས་ཆེ་བ་རྣམས་ཀྱི་དོན་དུ་གསུངས་པ་དང་།
གསུངས་པའི་གནས་ནི། མངོན་བརྗོད་འགྲེལ་བ་ནས་དང་པོར་རི་རབ་གྱི་རྩེར་གསུངས་ནས་ཕྱིས་འབྲས་སྤུངས་སུ་གསུངས་པར་བཤད་དོ།
དུས་ནམ་གྱི་ཚེ་གསུངས་པ་ནི། བོད་ཀྱི་བླ་མ་རྣམས་རྩོད་ལྡན་གྱི་དུས་སུ་གསུངས་པར་བཞེད་དོ།
བཀའ་གདམས་མཁས་པ་རྣམས་ལས་རིམ་བརྒྱུད་པའི།།
ལེགས་པར་བཤད་པའི་རྩ་བཤད་རྒྱུད་རྣམས་ལ།།
མཇལ་བའི་སྐལ་བཟང་ཅུང་ཙམ་རྙེད་གྱུར་བས།།
རྨད་བྱུང་དགའ་བས་རབ་ཏུ་འཛུམ་ལ་སྤྲོ།།

࿐ཤ་ཁྲག་ལ་སོགས་བདུད་རྩི་ལྔ་དང་བཅས།།

འབྲུ་སྣ་ལྔ་དང་སྦྱར་བའི་གཏོར་མ་འདི།།

དཔལ་ལྡན་དམག་ཟོར་རྒྱལ་མོ་ལ་འབུལ་གྱི།།

རྒྱལ་བའི་བསྟན་པ་སྐྱོང་ཕྱིར་བཞེས་སུ་གསོལ། །
#ཆོས་སྲུང་དཔལ་ལྡན་ལྷ་མོར་འཕྲིན་བཅོལ་ཞུ་།།
#殊胜的功德、一年一度的吉祥天母的供品加持以完#扎什伦布寺#

࿐ཀུན་མཁྱེན་མི་ཕམ་རྒྱ་མཚོས།
རང་རྒྱུད་དྲང་ན་ནམ་མཁའི་ལྷ་ཡང་མགུ།
མི་གཞི་བཟང་ན་ཐམས་ཅད་གཉེན་ལྟར་འདུན།།
བསམ་པ་བཟང་ན་རང་གི་ལས་ལམ་དགེ།
ཤེས་པ་ཡོད་ན་རང་ལ་ཕུན་སུམ་ཚོགས།།