藝人阮民安（Tommy）尋晚喺社交網發文，話有位「天王巨星」約佢位網紅太太張倚雯（Eva）上酒店開房：「如果你發現有一個紅遍全亞洲，形象極好嘅天王巨星嚟咗香港，想約你老婆上佢酒店房，您會點做？What？？？仲要係9月？（Eva梗係好有禮貌咁reject咗啦）？DXXM唔X係啩？咁紅嘅對手，未遇過，畀我冷靜處理吓先！」除咗發文，佢仲上載咗Eva同疑似紅遍亞洲天王巨星嘅三張對話截圖，內容係「巨星」嚟咗香港會過一晚夜，話會留喺酒店就約Eva上酒店房，而Eva就話太夜不如下次先。
呢個咁爆炸嘅發文出咗一陣，已經引嚟勁多民留言，佢哋都喺度估究竟呢位「紅遍亞洲天王巨星」係邊個，佢哋仲叫Tommy唔好玩「唧牙膏」講啲唔講啲，齊齊叫佢快啲開名，不過Tommy就話：「開咗，呢個page就畀人炸死！」
就此事向Tommy查詢，他回覆：「呢個真係家事，我哋就會私底下處理番，（點解9月依家先講？）其實係今日先睇到嗰啲訊息，anyway我哋都會自己處理番佢。

藝人#張文慈#（Pinky）近日接受東網節目《娛場》訪問，入行20多年的她，去年憑無綫劇《#跳躍生命線#》「麥愛花」一角，演技備受讚賞。2010年她離開亞視，同年受洗成為基督徒，她感謝信仰拯救全家：「信仰唔止救咗我，仲救咗我屋企。以前屋企人好日唔見我，一見就反枱收場，依家我哋會關心彼此，細個時冇嘅家庭溫暖，依家畀番我。」提到近年她願意提及年輕時不開心的經歷，她直言：「我絕對唔係想用舊事嚟做宣傳，你估好馨香咩？有邊個想講自己唔好嘅過去？但當你願意面對自己嘅傷口時，都係一種治愈，第一次講出嚟可能好痛，但再講嘅時候，已經唔再痛。」Pinky事業有起色，但感情生活依然空白，她曾一度懷疑自己沒有賢良淑德的形象，故遲遲未遇到真愛：「人哋唔覺得我係好老婆，所以搵好老婆嘅都唔搵我囉！曾經遇過一個，以為可以發展落去，但最後都係覺得唔係好啱，所以冇再繼續。我想嫁嘅話隨時都得，但我唔想為結婚而結婚，我唔急，我相信我會有幸福。」

【香港娱乐新闻】
蔡一智搭夜机遇航班延误　口罩成焦点再被网民抽水

早前草蜢在澳门开演唱会时，因「安心事件」成为网民「出气袋」的蔡一智亦幽自己一默说：「唔好再问我嗰啲嘢，我唔会再回应。」

而蔡一智今日较早时在IG上载一张戴着口罩在飞机上的自拍，并留言表示自己搭夜机急赶回家，但无奈遇上航班延误。

不过一众网民却把「焦点」放在蔡一智的口罩上，皆因黄心颖曾经亦使用过相似的口罩。网民又怎会放过这个大好的「抽水机会」呢？有人抵死留言：「熟悉的口罩」、「一颖bb 你去边呀？」、「颖颖又想咀边个」、「系咪特登㗎」，看来大家都未肯那么快「放过」蔡一智。