法證先鋒V丨黃宗澤綠幕前演潛水勁辛苦 蔡思貝享受與袁偉豪浪漫咀嘴

無綫55周年台慶劇《法證先鋒V》於下星期一(14日)播出，由黃宗澤、袁偉豪、蔡思貝、洪永城、蔡潔、王敏奕、丁子朗、鄭俊弘等演出，呢日劇集舉行記招。

黃宗澤與王敏奕第二次合作，劇中二人扮演情侶，佢哋默契十足，拍攝過程充滿笑料，王敏奕喺劇中飾演一個橫衝直撞嘅傻大姐，王敏奕回想由《飛虎之潛行極戰》開始，多得黃宗澤帶住佢演出，令佢投入到又冇咁緊張。

黃宗澤最初收到劇本時知道要喺綠幕前拍潛水戲份，忍唔住爆粗，黃宗澤呻拍攝過程相當辛苦：「香港真係冇一個咁大嘅水池整一個綠幕去拍呢場戲，喺全個廠搭咗個綠幕，要吊威也喺條腰，你就要瞓平，同時又要挺直條腰，仲要扮踢腳游水，吊威也盪嚟盪去，好似潛水咁，對體能同條腰嘅要求好大，好在平時都OK，有啲運動。」

蔡思貝同袁偉豪喺劇中飾演戀人，有一幕講二人爬上貨櫃頂睇月亮，情到濃時更冧爆咀嘴，蔡思貝回想當日天氣涼快，整個人感覺好舒服，燈光又浪漫，蔡思貝指現實生活未試過，而袁偉豪笑稱角色上感覺似被蔡思貝調戲。

劇集拍攝期間，洪永城榮升做爸爸，拍檔蔡潔讚洪永城有咗愛女Amber，整個人轉變好大，每次見洪永城覺得佢笑得好開心，蔡潔笑說：「而家真係有個爸爸樣，原來真係會唔同。」洪永城更被王敏奕笑佢唔連戲：「王敏奕話我唔連戲，佢見到我之前，去到小朋友出世之後，佢話『喂，你唔連戲，你唔係唔連衫、唔連頭髮，你係唔連樣，點解你唔同咗』，可能係爸爸慈父樣，做咗爸爸之後，感覺係唔係會唔同啲。」

呢日適逢係鄭俊弘正日生日，鄭俊弘準備同老婆何雁詩過二人世界出去食飯，佢生日願意係家人身體健康。

好耐冇去佐敦嘅馬華食飯.

今日咁啱午餐時間喺附近,而之後趕住要搭地鐵,就揀咗喺呢邊食.

午餐選擇都算ok! 55蚊加一有湯有嘢飲仲有牛扒食,其實都唔算貴.

雖然佢係一間豉油西餐廳,但係重點佢坐得好舒服又唔使同人搭枱,呢樣嘢係好加分嘅！

嘢食部分55蚊嘅牛柳你都唔會諗住有咩好大驚喜,牛柳幾嫩又唔算有好大鬆肉粉味,都算係咁！

薯條都幾好,不過不失! 個黑椒汁都ok.整體就是一個約70分嘅狀態.

如果你唔想用好多錢又想搵一個坐得舒服啲嘅地方, 又咁啱想喺佐敦食午餐嘅話, 呢個係一個幾好嘅選擇!

#美食分享# https://t.cn/z8ArsAP

#TVB[超话]##tvb#
「反骨琪」牛一 /朱千雪湯洛雯合體賀生日　蔣家旻反骨冇朋友 (on.cc東網)
#朱千雪##蒋家旻##汤洛雯#
藝人蔣家旻早前於無綫劇集《美麗戰場》中以「反骨琪」一角彈出，更大有機會奪得今年台慶「最佳女配角」獎項。今日（10日）生日的她，日前獲得好姊妹朱千雪、湯洛雯及岑杏賢為她提早慶生，而生日蛋糕上更寫上「Happy Birthday反骨琪」，相當搞笑，家旻於社交平台分享照片並配文：「有3個人表示不是我的朋友，見到照片中有其他人的話請留言。」家旻自演了這個角色之後，笑言朋友都怕咗佢，她接受東網訪問時謂：「因為我個角色太反骨，所以佢哋話我冇朋友，唔係我嘅朋友，不過佢哋都好Sweet，準備咗花同蛋糕畀我，因為張嘉兒唔喺香港，所以冇得齊人慶祝。」

她又指因為台慶當日要表演，故食多2日就要開始Keep Fit，笑言：「仲有好多生日飯等台慶完咗先食！」問到生日願望是否希望成功奪女配角時，她謂：「生日願望就一定心想事成，包含晒所有嘢。今年好多人祝福想我摘最佳女配角，搞到我要幫所有人許願，希望真係實現到，自己好平常心，但係大家畀咗好多期望同祝福我，好開心。」