ཞིང་ལ་མེ་ཏོག་མཐའ་ཡས་ཀྱང་། །
ཨུ་ཏུམ་ཝ་ར་འགྲན་པ་དཀོན། །
ས་ལ་མཁས་པ་བགྲང་མང་ཡང་། །
ཡོན་ཏན་མཚན་ཅན་རབ་ཏུ་འཕགས། །

རྒྱུ་སྐར་དབུས་ན་ཟླ་བ་མཛེས། །
སྤྲིན་དཀར་འདབས་ཀྱི་འཇའ་ཚོན་མཛེས། །
རྒྱ་མཚོའི་ཀླུང་གི་རིན་ཆེན་མཛེས། །
མི་ཡི་ནང་ན་ཙོང་ཁ་མཛེས། །
[玫瑰][合十]

ཁ་ཁུ་སིམ་པོའི་དུས་སུ། གྲིབ་མ་ལས་ཀྱང་ཉེ་བའི་འཆི་བ་ལ་འདང་བརྒྱབ་ན། གདོང་ཐོག་ཏུ་གཟར་བའི་མིག་ཤེལ་ནི་འདོམ་པ་ལྔ་བརྒྱའི་ཕན་ཆོད་ཅིག་ཏུ་ཡོད་སྣང་ཤར། ནམ་ཞར་ཙི་གུའི་རྒྱུག་ལམ་འདྲ་བའི་སེམས་པ་གུ་དོག་པོ་འདི་ཡང་ལྷོད་དེ་བ་ཞིག མཉེད་ཚེགས་མེད་པ་ཞིག་འོང་། ཇ་ཡུན་ཙམ་རིང་ཤེས་ཅན་གྱི་སྤུ་མདོག་མངོན་ཙམ་བྱས་ནས་ཡལ་འགྲོ།

མྱི། སྨྲ་ཤེས་དོན་གོ་བས་མཚན་ཉིད་དེ་དག་ལས་མང་དག་ཞིག་རྟོགས་སྲིད། དཔེར་ན། འཚོ་བའི་ཁྲོད་ཀྱི་དགའ་སྐྱོ་ཆགས་སྡང་ཡོད་ཚད་མཉམ་དུ་གནས་ཡོད་པ་ཤེས་ལ། མྱི་ཁ་ཤས་འཕྲད་པ་ནི་ཚེ་སྲོག་ཁྲོད་དུ་ད་གཟོད་སེམས་འགུལ་མང་པོ་ཐེབས་བཞིན་འདུག་ལ་ཕྱིར་དྲན་ཡོད་དེ་བས་གསོན་ཤུགས་ཀྱི་རེ་བ་ཡང་མང་པོ་ཡོད་སྙམ། གང་ལྟར་མི་སེམས་བཟང་ཅན་དེ་དག་ནམ་ཡང་གུས་ལ་དུང།།

​