ང་ནི་དེ་རིང་འབྲོག་གི་ཡུལ་ལ་ཡོད།།
འབྲོག་པའི་རི་ལུང་ཐང་གསུམ་ཉུལ་བཞིན་ཡོད།།
གསེར་གྱི་ཕྱེ་མས་རི་བོ་གཡོག་ནས་འདུག།
དངུལ་གྱི་ན་བཟས་ཆུ་བོ་བཀླུབས་ནས་འདུག།

ང་ནི་དེ་རིང་ཕ་ཡུལ་ཕྱོགས་ལ་ཡོད།།
ཕ་ཡུལ་རི་གྲོང་མང་པོར་ཕྱིན་ནས་ཡོད།།
འཚོ་བའི་མདངས་ལ་གཡང་ཞག་ཆགས་ནས་འདུག།
གཡང་གི་མུ་ཏིག་འོད་ཟེར་ཕྲོམ་མེར་འདུག།

ང་ནི་དེ་རིང་རང་ཡུལ་ཕྱོགས་ལ་ཡོད།།
རང་ཡུལ་ཕྱི་ནང་བར་གསུམ་མཐོང་ནས་ཡོད།།
ཕྱོགས་ཞེན་ཚེར་མའི་རྣོ་ཁ་དབལ་ནས་འདུག།
ཤེས་རིག་ནོར་གྱི་རྒྱན་ཆས་དབེན་ནས་འདུག།

ང་ནི་དེ་རིང་འུ་ཚོའི་གཞིས་ལ་ཡོད།།
འུ་ཚོའི་བཤད་སྟངས་མང་པོར་ཉོན་ནས་ཡོད།།
རྒྱལ་བསྟན་རང་ངོ་ཟོག་པོས་བསྒྲིབས་ནས་འདུག།
དད་པའི་ཁ་དོག་ནོར་གྱིས་ཚོས་ནས་འདུག།

太阳和月亮的光芒，即刻就照射在清澈澄净的水面。同样的，诸佛的加持总是加被在有强烈信心的人身上。阳光照射一切处，却只有放大镜聚焦之处才能引火燃草。当诸佛的慈悲通过你信心和恭敬心的放大镜时，加持的火焰就在你心中燃起。—顶果钦哲

ཉི་མ་དང་ཟླ་བའི་སྣང་བ་ནི་སྐད་ཅིག་མ་གཅིག་ལ་དྭངས་པའི་མཚོ་ངོས་སུ་ཤར་བ་ཇི་བཞིན། སངས་རྒྱས་ཐམས་ཅད་ཀྱི་བྱིན་རླབས་ནི་དད་པ་ཤུགས་དྲག་པོ་དང་ལྡན་པའི་སེམས་ཅན་རྣམས་ལ་དུས་ལས་ཡོལ་བ་མེད་པར་ཅིག་ཅར་དུ་འཇུག་ངེས་ཡིན། ཉི་མའི་སྣང་བ་ནི་ཕྱོགས་རྣམ་ཐམས་ཅད་དུ་ཁྱབ་ཀྱང་། མེ་ཤེལ་གྱི་འོད་ལས་རྩྭ་རྣམས་མེ་རུ་འབར་བ་ཇི་བཞིན། སངས་རྒྱས་ཐམས་ཅད་ཀྱི་བརྩེ་བ་ནི་སོ་སོའི་དད་ཅིང་གུས་པའི་མེ་ཤེལ་ལས་བྱིན་རླབས་ཀྱི་མེ་ལྕེ་ནི་ང་རང་ཚོའི་སེམས་སུ་ཀུན་ནས་འབར་བར་བྱེད་དོ། །

མི་ཡུལ་གྱི་དག་ཞིང་།

གནས་གངས་ལྗོང་ཟེར་བའི་ཆོས་ལྡན་ུཡུལ།།
གངས་དཀར་པོ་མཛལ་གླིང་མཛེས་པའི་རྒྱན།།
རྗེ་གཉའ་ཁྲི་བཙན་པོའི་བཀའ་དྲིན་ཡིས།།
ཡུལ་འདི་ལ་རིག་པའི་བང་མཛོད་འཁྱིལ།།

སེམས་དཀར་པོའི་གདོང་དམར་མི་རིགས་འདི།།
གསེར་སེར་པོ་ལས་ཀྱང་ལྷག་ཏུ་མཛེས།།
མགོན་མཆོག་གསུམ་རྒྱལ་བའི་བྱིན་རླབས་ཡོད།།
སེམས་དད་པའི་མེ་ཏོག་འགྱུར་དུ་མེད།།

སྟོད་དབུས་གཙང་ལྷ་ཡི་ཞིང་ཁམས་རེད།།
སྨད་ཨ་མདོ་ཕུ་ནུའི་སྤུན་ཟླ་རེད།།
བར་ཁམས་པ་གདོང་དམར་མི་རིགས་རེད།།
ཕྱོགས་ཀུན་ནས་མེ་ཏོག་འདབ་མ་རེད།

འདས་སོང་པའི་ལོ་རྒྱུས་རྡོ་རིང་བརྗིད།།
དུས་ད་ལྟ་རིག་པའི་གནས་ལ་མཁས།།
མ་འོངས་པའི་གངས་ལྗོང་རྒྱུད་འཛིན་མཆོག
ཁྱེད་ངེད་གཉིས་ལས་དབང་གཅིག་པ་རེད།།

ལས་འདི་ལ་ཁ་དར་དཀར་པོ་ཟེར།།
དར་འདི་ལ་རྟག་བརྒྱད་རི་མོ་བཞུགས།།
ནང་ཕུ་ནུའི་རྟེན་འབྲེལ་སྨོན་ལམ་ཡོད།།
ཅི་བསམ་པའི་དོན་རྣམ་ལྷུན་གྲུབ་ཤོག

2022.11.18