གངས་ཅན་ལྷ་གཡག་རྟགས་མ་གསར་གཏོད་པ། རྒན་མི་འགྱུར་ལགས་ཧྲང་ཧེ་ནས་བསྡུས་པའི་མཚོ་བོད་མཐོ་སྒང་གི་རང་བྱུང་སྐྱེ་ཁམས་ཀྱི་རིགས་གནས་རིན་ཐང་གླེང་བ་ཞེས་པའི་བགྲོ་གླེང་ཚོགས་འདུ་ཞིག་ལ་ཞུགས་འདུག་པས། ཡིད་ཆེས་རེ་བཞག་དང་བཅས་བགྲོ་གླེང་དེའི་ཐད་གཏོང་གི་མགོ་རྔ་ཆ་ཚང་ལ་གཟབ་ནན་གྱིས་མཉམ་ཞུགས་བྱས་པ་ཡིན། ཁོང་ལ་རེ་བཞག་མཐོ་བ་ནང་བཞིན་དུ་མི་རིགས་རང་གི་རིག་གནས་ཀྱི་རིན་ཐང་མང་བོ་ཞིག་ཆེས་ཡིད་ཆེས་ལྡན་པ་དང་སྤོབས་སེམས་ཆེན་པོའི་ངང་ནས་མི་རིགས་གཞན་རྣམས་ལ་ངོ་སྤྲོད་མཁོ་སོད་པ་ཞིག་བྱས་སོང་བས། ཐད་གཏོང་འགྲམ་གྱི་རང་ཉིད་ལ་ཡང་རང་མི་རིགས་ཀྱིི་སྐྱེ་ཁམས་ཁོར་ཡུག་གི་རིན་ཐང་དང་རིག་གནས་རིན་ཐང་བསམ་ནས་ང་རྒྱལ་སྐྱེས་ཡོང་བ་ཞིག་ཆགས།

བོད་ཀྱི་འབྲོག་པ་ཚོའི་ཕྱུགས་ཟོག་འཚོ་སྐྱོང་གི་བྱེད་ཐབས་འདི་ལས་ལྷག་པའི་ཆེས་མི་གཤིས་རང་བཞིན་ཅན་དང་། སྐྱེ་ཁམས་རང་བཞིན་ཅན། བདེ་ཐང་རང་བཞིན་ལྡན་པའི་འཚོ་སྐྱོང་བྱེད་ཐབས་ཞིག་འཛམ་གླིང་གི་ས་གནས་གཞན་གང་དུ་ཡང་རྙེད་ཐབས་མེད་པའི་གལ་གནད་དེ་ཡང་། གཏིང་ཟབ་པའི་ལམ་ནས་ངོ་སྤྱོད་ཕུན་སུམ་ཚོགས་པ་གནང་བར་མ་ཟད། བོད་དང་རང་བྱུང་གི་དབར་དང་། ཕྱུགས་ཟོག་དབར་ལ་མི་རིགས་གཞན་དང་མི་འདྲ་བའི་ཐུན་མིན་གྱི་འབྲེལ་བ་སྟེ། བོད་པ་ཚོས་ནི། ཆུ་འགོ་རེ་རེའི་ནང་ལ་ཀླུ་རེ་གནས་པས། ཆུ་ལ་སྦགས་གཙོག་བཟོ་མི་རུང་བ་དང་། རི་བོ་རེ་ལ་གཞི་བདག་རེ་གནས་པས། རི་ལ་གཏོར་སྐྱོན་བཟོ་མི་རིགས་པ། ད་དུང་མཚོ་ལ་མཚོ་སྐོར་དང་རི་ལ་གནས་སྐོར་བྱས་ཏེ། རང་བྱུང་གི་རི་ཆུ་གནས་གསུམ་ནི། རིག་གནས་ཀྱི་ལྟ་བའམ་བླ་མ་མེད་པའི་དད་འདུན་ཞིག་དང་འབྲེལ་ཏེ། སྲུང་སྐྱོབ་བྱེད་བཞིན་ཡོད་པ་དང་། སྒོ་ཟོག་དག་ཀྱང་དྭངས་ཤིང་གཙང་བའི་ཆུ་བོ་དང་མེ་ཏོག་སྣ་བརྒྱ་བཞད་པའི་ཡངས་ཤིང་རྒྱ་ཆེ་བའི་རྩྭ་ཐང་ན་རང་དབང་ལྡན་པའི་ངང་ནས་འཚོ་སྐྱོང་བྱེད་ཀྱིན་ཡོད་ཅིང་། མཐར་ཐུག་སྒོ་སོག་དག་བཤས་བཙོང་བྱ་སྐབས་སུ་ཡང་། མ་ཎིའི་དབྱངས་རྟ་དང་འགྲོགས་ཏེ། གསོལ་འདེབས་ཀྱི་ཀློང་ནས་ཉེས་པའི་འདུ་ཤེས་དང་བཅས་བཤས་བཙོང་བྱེད་པ་ལ་སོགས་ཀྱིས་མཚོན་པའི་བོད་རང་གི་ནང་སེམས་ཀྱི་རིན་གནས་ཀྱི་རིན་ཐང་ཁྱད་མཚར་མང་བོ་ཞིག་ཡོད་པ་དེ། དམིགས་བསལ་རྩལ་འདོན་གྱིས་ངོ་སྤྲོད་ཕྲ་ཞིང་ཞིབ་པ་ཞིག་གནང་སོང་། འདི་ལྟར་མི་རིགས་གཞན་གྱི་སྟེགས་བུའི་སྟེང་རང་མི་རིགས་ཀྱི་རིག་གནས་རིན་ཐང་ནི། ཡང་དག་པའི་ཐབས་ལམ་བརྒྱུད་དེ། ཤིན་ཏུ་གཏིང་ཟབ་པའི་སྒོ་ནས་སྒྲོག་སྤེལ་བྱེད་པའི་བྱ་བཞག་འདི་ཉིད་ཀྱི་ངོ་སོ་བསྟོད། འདི་དང་འདི་ལྟ་བུ་ལས་ལྷག་པའི་རང་རིགས་ལ་ཞབས་འདེགས་ཞུ་སྟངས་གཞན་ནི་ཅི་ཞིག་མཆིས། ཕོ་རབ་ཁོང་ལ་སྙིང་ཐག་པ་ནས་དད་གུས་བླ་མེད་སྐྱེའོ།། ཅི་བྱས་ལམ་འགྲོར་ཤོག

སྒོམ་ཆེན་དུ་རློམ་པ་རྣམས་ལ་གདམས་པ།

༡ ཨ་ཏི་ཤས། ཡིད་ལ་ཅི་ཡང་མི་བྱེད་པའི་སྒོམ་འཕྱི་བ་ལ་ཡང་ཡོད་གསུངས། རྒྱ་གར་ལྷོ་ཕྱོགས་མཐར་སྐྱེས་ཀྱི་གྲོང་ན་མུ་སྟེགས་རྒན་པོ་ལོ་བཞི་བརྒྱ་ལྔ་བརྒྱ་ལོན་པ་ནག་ཚོས་མཐོང་ནས་ཇོ་བོ་ལ་ཞུས་པར། ཇོ་བོས་དོན་མེད་རླུང་སེམས་འཛིན་པའི་སྒོམ་ཆེན་འཕྱི་བ་དང་གྲུམ་པར་ཡང་ཡོད། གསུངས།

༢ འབྲོམ་གྱིས། ཐོས་མེད་རྒྱུད་ན་བྱང་ཆུབ་ཀྱི་སེམས་མེད་པ་རྣ་རྩར་རྔ་བོ་ཆེ་བརྡུངས་ཀྱང་མི་ཞིག་པའི་སྒོམ་བྱེད་པ་རྣམས་གཟུགས་མེད་དུ་སྐྱེ་བའི་རྒྱུར་གསུངས།

༣ མཁས་གྲུབ་ཐམས་ཅད་མཁྱེན་པས། ལམ་དང་ལམ་མ་ཡིན་པའི་ཐ་སྙད་ཙམ་ཡང་སྔོན་ཆད་རྣ་བའི་ལམ་དུ་མ་ཞུགས་ན་དོན་ལ་མཁས་པ་ལྟ་ཅི་སྨོས་ཀྱང་ཅི་དགོས་པའི་བླུན་པོ་རིའི་ཕུག་ཏུ་ཚེ་ཡོལ་བར་བྱས་པ་ཙམ་གྱི་ང་རྒྱལ་འབའ་ཞིག་ལ་རང་གི་ཡིད་སྙིང་ནས་རངས་པར་བྱས་པ་འགའ་ཞིག་གིས་ཚིག་འབྲུ་བྱུང་རྒྱལ་དུ་སྨྲས་པ་དག་ལ་བསམ་གཏན་པའི་མན་ངག་ཏུ་མིང་བཏགས་ནས་སྙིང་པོ་ལྟ་བུར་འཛིན་པ་གང་ཡིན་པ་དེ་ནི་དབང་བོ་རྣོན་པོ་ལྟ་སྨྲས་ཀྱང་ཅི་དགོས། དད་པའི་རྗེས་འབྲང་ཙམ་ཡང་མ་ཡིན་ཏེ། དད་པར་བྱ་བའི་གནས་མ་ཡིན་པ་ལ་དད་པ་བྱེད་པའི་ཕྱིར། ཞེས་ཐོས་བ་མི་བྱེད་པར་སྒོམ་ཆེན་དུ་རློམ་པ་ཀུན་ལ་བཀའ་སློབ་ཏུ་བསྩལ།

༤ ས་སྐྱ་པནྜི་ཏས། བླུན་པོ་ཕྱག་རྒྱ་ཆེ་སྒོམ་པ།།ཕལ་ཆེར་དུད་འགྲོའི་རྒྱུ་རུ་གསུངས།།གསུངས།

༥ རྒྱལ་དབང་ལྔ་བ་ཆེན་པོས། བྱིང་བ་མཐའ་དག་ཏིང་ངེ་འཛིན་རྣལ་མར་ངོས་བཟུང་ནས་རི་སུལ་དུ་མི་ཚེ་སྟོང་བར་འཛད་པ་ཆེས་མང་ངོ་། གསུངས།

དབུས་གཙང་ཆོས་ཀྱི་ཞིང་ས། དུས་རབས་ཡོ་འཁྱོམ་གྱི་འཕོ་སྐྱས་དང་རྡེབ་ཤུགས་གང་མང་ཐེབས་ནའང་། ཁོང་ཚོའི་ཞི་དུལ་དང་བག་ཡོད། ཆོག་ཤེས། མངོན་ཆུང་གི་གཤིས་ལུགས་སོགས་ལ་མདོ་སྨད་པ་ཚོས་ཟུར་བལྟས་ཐུགས་བསམ་བཞེས་དགོས་པ་མང་བར་སྣང་། གཟིགས་དང་། མདོ་སྨད་པའི་བསང་གཏོང་གི་འཕྲོ་བརླག་དང་ཚད་འདས། འཚོ་ཚིས་ཀྱི་ཐེག་ཚད་ལས་བརྒལ་བའི་རྒྱན་གོས། ཞེ་མེར་བའི་དྲྭ་ཐོག་གི་ཆགས་བཤད་དང་། འཐེན་འཁྱེར་ཆགས་སྡང་གི་ཧམ་ཤུགས། རང་བསྟོད་གཞན་སྨད་ཀྱི་བསམ་སྦྱོར་ཐམས་ཅད་ནི་ཁྱི་གཞོང་སྟོང་གི་རྩོད་པ་ལས་མ་འདས། ལོ་རྒྱུས་ལ་གཟིགས་ན། སྔོན་བྱོན་མཁས་དབང་རྣམས་དབུས་གཙང་ཆོས་ཞིང་ལ་ཕེབས་ནས་དེད་དཔོན་གྱིས་ནོར་བུ་བླངས་པ་བཞིན་སླར་ཕེབས་ནས་མདོ་སྨད་བཤད་སྒྲུབ་ཀྱི་བསྟན་པ་དར་ཞིང་རྒྱས་པར་གྱུར་པ་མ་ཡིན་ནམ། སྲོལ་ངན་འདི་དག་ང་ཚོས་ཐུགས་བསམ་ལ་ཡུར་མ་ཡུར་ནས་འཕྲལ་ཕུགས་རྒྱང་གསུམ་ལ་ཕན་ཆེད་ཡོ་བཅོས་དང་བཅས་བཅོས་དགོས་བ་ནི་ཁ་ཚ་དགོས་གཏུགས་ལྟ་བུ་གྱུར་ཡོད། https://t.cn/R2WxDzr