藝人高海寧（高Ling）晒腿現身電視城，為《娛樂大家》錄影，講到中秋佳節都要開工，豈不是不能跟男友鄧智偉人月兩團圓？她表示當初接通告都冇留意是中秋節：「最近都好忙，係今朝收到好多訊息先知係中秋節，但今晚可以同一大班人開心玩住過節，係充滿歡笑！」
第二次上節目的高Ling，指拍檔又是楊明，更自爆二人有特別稱號：「我哋叫『遊戲黑洞』，玩遊戲真係麻麻，就連阿姐（汪明荃）一見到我哋都話蠢蠢哋！（第二季啲遊戲好似仲難，你得唔得？）唔緊要！玩得開心、投入就得，冇諗贏唔贏。」續謂新一季加入了「狼人殺」，有特意上網搵玩法做定功課：「台灣有個節目都有玩，相對係難啲，點知今日試玩嗰陣加入多兩個角色，變咗一樣咁複雜，自求多福啦！不過試玩嗰陣我係呃晒大家贏咗！都有啲後悔咁表現真我，應該扮蠢今晚贏佢哋！」

把握時間享天倫！郭富城自爆湊女秘密

影帝郭富城（城城）以開幕嘉賓身份出席「第十三屆鮮浪潮國際短片節」的揭幕禮，正忙於舉行巡演的城城，現時未有電影工作在身，故一空閒便捉緊時間享天倫之樂，陪伴愛妻以及兩名小公主，他微笑自爆秘密：「之前同咗大寶去海洋公園，遲啲會同佢去迪士尼，呢啲都係大人少去，但係小朋友嘅天堂。」話內行間散發慈父氣息，問到同大寶去街時二寶交由邊個湊？城城話：「有家傭同外母，好放心畀佢哋湊，佢哋打點得好好，唔會擔心。」

一向支持新進導演的城城表示近年與超過10位新導演合作：「有香港、內地、台灣嘅，最緊要係自己夾個劇本，新導演畀我嘅感覺係好有創意，喺創作上有新元素、多元化啲，會嘗試啲未拍過嘅嘢，充滿新鮮嘅力量，不得不談《踏血尋梅》我係以想不到會為戲拎獎（第35屆香港電影金像獎「最佳男主角」）。」

講到新進導演開戲往往都是較低製作成本，問到會否主動減片酬演出？城城坦言肯定會：「某程度上都會因應環境去遷就，如果真係要去成就一個新導演嘅時候，自己都要有心理準備，覺得呢樣嘢唔係太大問題，喺電影圈咁多年，盡力去幫有心發展嘅新血，電影業先會蓬勃、先有好嘅電影出現，所以無論係新進導演定編劇都會全力支持。」有試過唔收住片酬，拍完先再計？城城指所有「前期工作」、洽談片酬工作都交由經理人小美負責：「呢啲細節都係交畀佢傾，佢會避重就輕，亦好尊重人才，覺得同新導演合作係緣分。」

導演杜琪峯主持揭幕禮，當主持人問到杜琪峯主辦短片節13、又拍下不少電影，是否進入收成期？他爆笑神回：「係時候收皮。」笑爆全場！繼而感謝身為開幕嘉賓的城城出席支持，並鼓勵新一代導演，不厭其煩表示：「講咗13年，都係要重複講，做導演好需要創意，原創最重要係唔好抄！再講一次唔好抄，抄就唔係創作，希望各位導演堅持原創。」
首年參與短片節的城城，大讚杜琪峯是好導演，因對方多年來致力發掘新導演，又有感電視圈需要新血加入：「希望同業嘅演員繼續支持發掘新人才，自己都同超過10位新導演合作。」更呼籲各位學生、新進導演如有劇本不妨交給他，有機會便可合作：「當仲未有人認識你嘅時候要堅持，充滿熱誠、心血，成功就指日可待。」

#法证先锋4确定重拍# 藝人黃心穎被爆搭上人夫許志安，惹來全城怒罵，形象插水，亦令兩人的工作全面叫停，女方主唱的《愛．回家之開心速遞》主題曲《在心中》即時被抽起，而她早前已拍好的四套新劇，包括《堅離地愛堅離地》、《丫鬟大聯盟》、《牛下女高音》和《法證先鋒IV》亦受牽連，原本接棒《鐵探》播出的《堅》劇已首當其衝被抽起，而據可靠消息指，無綫台慶重頭劇《法證IV》亦已決定重拍，當中包括台灣的七日外景，台前幕後再「埋位」開工，台灣連香港共五十組戲，加上要再次租借電影拍攝器材，損失超過一千萬元！
曾考慮電腦特技「換臉」
至於重拍原因是該劇已跟內地簽合約，將於11月在中、港兩地同步播映，在內地播劇需要取得批文，由於有關方面一直嚴打形象負面藝人，故演員若涉桃色醜聞，獲批機會近乎零，故無綫為免影響播放日期，決定重拍。在劇中飾演網絡記者的心穎屬第三女主角，受影響的部分達三分之一，因補拍需時，劇組已第一時間跟受影響的藝人黃浩然、李施嬅及譚俊彥等聯繫，幸眾人相當理解並即時作出配合，大隊預計下月可以開工，但暫未知由誰取代心穎角色。
《法證IV》監製梅小青接受東網訪問，承認重拍一事：「好多謝公司（TVB）喺金錢、人力、物力嘅支持，一班演員都好好，啱啱出事未決定點樣做嘅時候，佢哋已經WhatsApp同我講，會支持我嘅一切決定，當決定重拍要度期嘅時候，佢哋即刻應承。」她續稱內地方面亦非常支持該劇，曾向她提出多個補救方案，當中包括用電腦特技將黃心穎「換臉」，她說：「聽到呢個方法都有小小詫異，最終都係覺得重拍係最好嘅。」
李施嬅告別變「回巢」作
劇中主角李施嬅，坦言會配合重拍：「一定會做好成件事，套劇拍得好辛苦，之前啲Fans都話，我喺告別無綫之作冇得播唔開心，所以都想播到。（啲期有冇影響？）其實拍攝檔期仲未定，自己喺出面都已經接咗一啲工作，不過會盡量配合。」談到已離開無綫，今次再拍，是否以新酬勞再接？她笑言：「吓！我都冇諗過呢個問題，不過如果6月拍，我諗我係離巢後最快回歸嘅演員囉！」談到受心穎事件拖累，會否不開心？她說：「又唔可以咁講，都係一件咁唔如意嘅事，唔好睇番以前，要向前望，大家點樣會令成件事做得更好。」
至於譚俊彥則表示：「都係啱啱收到通知，重拍一定一個問題疊一個問題，佢哋仲開緊會，暫時未知幾時重拍。對我就冇乜太大影響，因為呢段時間放緊假休息，唯一係7月開嘅音樂會，會少咗練歌嘅時間。」