༄༅།། རྣམ་ཐར་བསྡུས་པ།
དཔལ་ཡུལ་དར་ཐང་དགོན་གྱི་གདན་རབས་བདུན་པ་མཆོག་སྤྲུལ་འཇམ་དཔལ་དགྱེས་པའི་རྡོ་རྗེ་ནི་ཡུལ་རྒྱལ་རོང་རྒྱལ་ཁ་བྷོ་ཏོར་ཡབ་ལོ་ཡེ་ཐེན་ཤིའུ་དང་། ཡུམ་སྨན་ཐར་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ཤིང་ཕོ་རྟ་༡༨༩༤་བཞི་ལོར་སྐུ་འཁྲུངས། མགར་ཀློང་གཏེར་ཆེན་དང་། ཀོང་སྤྲུལ་བློ་གྲོས་མཐའ་ཡས། ལྷ་སྤྲུལ་རིན་པོ་ཆེ་རྣམས་ཀྱིས་གཟི་སྤྲུལ་འཇམ་དབྱངས་ཤེས་རབ་ཆོས་ཀྱི་སྣང་བའི་ཡང་སྤྲུལ་དུ་ངོས་འཛིན་གནང་། ཡོངས་འཛིན་བཀྲ་ཤིས་ཕུན་ཚོགས་དང་། ལྷ་སྤྲུལ། རྡོ་གྲུབ་འཇིགས་མེད་བསྟན་པའི་ཉི་མ། རྒྱ་ར་འཇིགས་མེད་བློ་གྲོས་སོགས་ལས་སུམ་རྟགས་སྙན་ངག རྩིས་དཀར་ནག གཞུང་ཆེན་པོད་ལྔ་དང་། སྔགས་རྫོགས་སྐོར། དུས་འཁོར། བཀའ་བརྒྱུད་ཆོས་དྲུག་སོགས་གསར་རྙིང་རིས་མེད་ཀྱི་གཞུང་ལུགས་མཐའ་ཡས་པར་གསན་བསམ་ཉམས་བཞེས་དང་། འཇམ་དབྱངས་དཀར་པོས་ཞལ་གཟིགས་པས་མཁྱེན་པའི་རྩལ་འབར་ཏེ་མཁས་པའི་ཁྱུ་མཆོག་ཏུ་གྱུར། དགུང་གྲངས་ཉེར་གཉིས་པར་ཀཿཐོག་སི་ཏུ་ཆོས་ཀྱི་རྒྱ་མཚོ་ལས་བསྙེན་པར་རྫོགས་ནས་འདུལ་འཛིན་ཉེ་བ་འཁོར་གཉིས་པར་གྲགས། གྲུབ་དབང་དཔལ་ཆེན་འདུས་པ་ལས་རྫོགས་ཆེན་སྙན་བརྒྱུད་དང་། གཏེར་མཛོད་སོགས་བཀའ་གཏེར་མཐའ་ཡས་པར་གསན་བསམ་བསྙེན་སྒྲུབ་མཛད་པས་ཡི་དམ་ལྷ་སོ་སོའི་ཞལ་གཟིགས་ལུང་བསྟན་ཐོབ། དར་ཐང་གི་བསྟན་པའི་ཁུར་བཞེས་ནས་དབྱར་ཚུལ་ཆེན་མོ་དང་། ཐོས་བསམ་གླིང་གསར་འཛུགས་མཛད། རང་དགོན་དང་མ་དགོན་གཉིས་གཙོས་པའི་གོ་འཇོ་དང་། རྡོ་སྙི་གསེར་གསུམ། ལི་གཙང་ཧོར་ཁོག། རྔ་བ། རྒྱལ་རོང་སོགས་ཀྱི་སྡེ་དགོན་ཐམས་ཅད་ལ་དབང་ལུང་ཁྲིད་གསུམ་དང་། རབ་བྱུང་བསྙེན་རྫོགས་བསྒྲུབས་པ། དགེ་སྒྲུབ་སྡིག་སྤངས་སོགས་ཀྱི་ཆོས་ཆར་བསྩལ། ཕྱོགས་ཀྱི་དགོན་སྡེ་སོ་སོས་ཀྱང་གྲྭ་གྲངས་བརྒྱད་སྟོང་ལྷག་གི་གྲྭ་འབུལ་དང་། དགོན་མགོ་ཕུལ། པཎ་ཆེན་སྐུ་ཕྲེང་དགུ་པར་མཇལ་སྟེ་སྔོན་རྒྱ་ནག་ཏུ་བཞུགས་སྐབས་ཞུ་ཡིག་བསྐུར་ཚུལ་སོགས་ཞུས་པར་བཀུར་བཟོ་ཚད་མེད་ཀྱིས་མེར་གན་མཁན་པོའི་གོ་མིང་དང་། གསེར་ཡིག། གསེར་ཐམ། སོག་ཆས་མཚལ་གྱི་ཕྱག་ཐམ་ཅན་དང་། ཆབ་མདོ་ཡན་ནས་འུ་ལག་གིས་བསུ་དགོས་པའི་བཀའ་ཤོག་དང་། ཁྱེད་ལྟ་བུའི་གྲུབ་མཐའ་རིས་མེད་ལ་མཁས་ཤིང་ཐུགས་བསྐྱེད་གནང་མཁན་ནི་ཉིན་སྐར་ཙམ་ཞེས་བསྔགས་བརྗོད་གནང་། ཕྱིས་སུ་ལྷ་ལྡན་དུ་ཕེབས་སྐབས་ཆབ་མདོ་ཡན་ནས་འུ་ལག་གིས་སྐྱེལ་བསུ་དང་། ནག་ཆུར་སེ་རའི་ཚ་བ་ཁམས་ཚན་གྱིས་སེར་བསུ་བྱས། དབུས་གཙང་ཕྱོགས་ཀྱི་རྙིང་དགོན་ཀུན་ལ་ཆོས་བཀའ་གནང་། སེ་ར་དགོན་གཞུང་ནས་ཆིབས་བསུ་དང་། བོད་གཞུང་དང་། སེ་ར་དགོན་ནས་སེ་ར་མཁན་པོའི་གོ་མིང་དང་འཇའ་ས་ཕུལ། མ་དགོན་དུ་གཏེར་མཛོད་གསུངས་ཤིང་གྲུབ་དབང་པད་ནོར་རིན་པོ་ཆེ་བསྟན་བདག་ཏུ་མངའ་གསོལ་མཛད། རང་དགོན་དུ་མཆོག་སྤྲུལ་ཐུབ་བསྟན་གར་དབང་ཉིན་བྱེད་སོགས་སྐྱེ་སྤྲུལ་མང་པོ་ངོས་འཛིན་མཛད་། མདོར་ན་ཡུལ་ཁམས་ཆོས་ལ་བསྒྱུར་བའི་མཛད་པ་ཁོ་ན་བསྐྱངས། མཐར་དགུང་གྲངས་རེ་ལྔ་པ་རབ་རྒྱན་ས་ཁྱི་ལོ་་༡༩༥༨་ལོར་དུས་འགྱུར་སྐབས་སྐུ་གཤེགས། ལྗགས་རྩོམ་ལྷག་བསྡུས་པོད་གཅིག་དང་། ཞལ་སློབ་ལ་སྔ་འགྱུར་བསྟན་པའི་མངའ་བདག་གྲུབ་དབང་པད་ནོར་རིན་པོ་ཆེ་དང་། ཀཿཐོག་མཁན་ཆེན་ལེགས་བཤད་འབྱོར་ལྡན། ཨ་པང་གཏེར་ཆེན་དཔའ་བོ་ཆོས་དབྱིངས་རྡོ་རྗེ། གཏེར་སྲས་རྡོ་རྗེ་དགྲ་འདུལ། ཨར་སྐུང་མཁན་བློ་བཟང་རྡོ་རྗེ། གདོང་ངེ་མཁན་པོ་འཇིགས་མེད་དཀོན་མཆོག སྐུ་ཆེན་རིན་པོ་ཆེ་ཀརྨ་ཐེག་མཆོག་སྙིང་པོ་དྲི་མེད་ཡོངས་གྲུབ། ཀཿཐོག་མཁན་པོ་མཁྱེན་བརྩེ་བློ་གྲོས། མདོ་རིན་པོ་ཆེ་ཟིལ་གནོན་དགྱེས་རབ་རྩལ། དཔལ་ཡུལ་ཆགས་མེད་སྤྲུལ་སྐུ་ཀུན་བཟང་རྡོ་རྗེ། དཔལ་ཡུལ་མཁན་པོ་བློ་གྲོས། སྐྱབས་རྗེ་ཐུབ་བསྟན་གར་དབང་ཉིན་བྱེད། རག་སྤྲུལ་ཐུབ་བསྟན་བཤད་སྒྲུབ་རྒྱ་མཚོ། ཀྱང་ཁང་སྤྲུལ་ཐུབ་བསྟན་དཔལ་བཟང་། སྒྱེ་བྲོ་དབོན་པོ་པདྨ་བསམ་གྲུབ་རྡོ་རྗེ། ཁང་སར་བསྟན་པའི་དབང་ཕྱུག མགར་ཀློང་པདྨ་བདེ་ཆེན་མཁའ་ཀློང་ཡང་པ། དར་ཐང་སྤྲུལ་ཀུན་དགའ་དགེ་ལེགས་ཡེ་ཤེས་རྡོ་རྗེ། ཝ་ཤུལ་བླ་མ་བསོད་ནམས་མཁས་གྲུབ། དུང་དཀར་སྤྲུལ་སྐུ་ངེས་དོན་རྒྱ་མཚོ། ཤུག་སྒང་རྨ་སྤྲུལ་ཆོས་ཀྱི་ཉི་མ་སོགས་མཐའ་ཡས་སོ།།
རྒྱས་པར་དར་ཐང་གདན་རབས་གཟིགས་འཚལ།
དཔལ་ཡུལ་དར་ཐང་དགོན་གྱི་གདན་རབས་བདུན་པ་མཆོག་སྤྲུལ་འཇམ་དཔལ་དགྱེས་པའི་རྡོ་རྗེ་ནི་ཡུལ་རྒྱལ་རོང་རྒྱལ་ཁ་བྷོ་ཏོར་ཡབ་ལོ་ཡེ་ཐེན་ཤིའུ་དང་། ཡུམ་སྨན་ཐར་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ཤིང་ཕོ་རྟ་༡༨༩༤་བཞི་ལོར་སྐུ་འཁྲུངས། མགར་ཀློང་གཏེར་ཆེན་དང་། ཀོང་སྤྲུལ་བློ་གྲོས་མཐའ་ཡས། ལྷ་སྤྲུལ་རིན་པོ་ཆེ་རྣམས་ཀྱིས་གཟི་སྤྲུལ་འཇམ་དབྱངས་ཤེས་རབ་ཆོས་ཀྱི་སྣང་བའི་ཡང་སྤྲུལ་དུ་ངོས་འཛིན་གནང་། ཡོངས་འཛིན་བཀྲ་ཤིས་ཕུན་ཚོགས་དང་། ལྷ་སྤྲུལ། རྡོ་གྲུབ་འཇིགས་མེད་བསྟན་པའི་ཉི་མ། རྒྱ་ར་འཇིགས་མེད་བློ་གྲོས་སོགས་ལས་སུམ་རྟགས་སྙན་ངག རྩིས་དཀར་ནག གཞུང་ཆེན་པོད་ལྔ་དང་། སྔགས་རྫོགས་སྐོར། དུས་འཁོར། བཀའ་བརྒྱུད་ཆོས་དྲུག་སོགས་གསར་རྙིང་རིས་མེད་ཀྱི་གཞུང་ལུགས་མཐའ་ཡས་པར་གསན་བསམ་ཉམས་བཞེས་དང་། འཇམ་དབྱངས་དཀར་པོས་ཞལ་གཟིགས་པས་མཁྱེན་པའི་རྩལ་འབར་ཏེ་མཁས་པའི་ཁྱུ་མཆོག་ཏུ་གྱུར། དགུང་གྲངས་ཉེར་གཉིས་པར་ཀཿཐོག་སི་ཏུ་ཆོས་ཀྱི་རྒྱ་མཚོ་ལས་བསྙེན་པར་རྫོགས་ནས་འདུལ་འཛིན་ཉེ་བ་འཁོར་གཉིས་པར་གྲགས། གྲུབ་དབང་དཔལ་ཆེན་འདུས་པ་ལས་རྫོགས་ཆེན་སྙན་བརྒྱུད་དང་། གཏེར་མཛོད་སོགས་བཀའ་གཏེར་མཐའ་ཡས་པར་གསན་བསམ་བསྙེན་སྒྲུབ་མཛད་པས་ཡི་དམ་ལྷ་སོ་སོའི་ཞལ་གཟིགས་ལུང་བསྟན་ཐོབ། དར་ཐང་གི་བསྟན་པའི་ཁུར་བཞེས་ནས་དབྱར་ཚུལ་ཆེན་མོ་དང་། ཐོས་བསམ་གླིང་གསར་འཛུགས་མཛད། རང་དགོན་དང་མ་དགོན་གཉིས་གཙོས་པའི་གོ་འཇོ་དང་། རྡོ་སྙི་གསེར་གསུམ། ལི་གཙང་ཧོར་ཁོག། རྔ་བ། རྒྱལ་རོང་སོགས་ཀྱི་སྡེ་དགོན་ཐམས་ཅད་ལ་དབང་ལུང་ཁྲིད་གསུམ་དང་། རབ་བྱུང་བསྙེན་རྫོགས་བསྒྲུབས་པ། དགེ་སྒྲུབ་སྡིག་སྤངས་སོགས་ཀྱི་ཆོས་ཆར་བསྩལ། ཕྱོགས་ཀྱི་དགོན་སྡེ་སོ་སོས་ཀྱང་གྲྭ་གྲངས་བརྒྱད་སྟོང་ལྷག་གི་གྲྭ་འབུལ་དང་། དགོན་མགོ་ཕུལ། པཎ་ཆེན་སྐུ་ཕྲེང་དགུ་པར་མཇལ་སྟེ་སྔོན་རྒྱ་ནག་ཏུ་བཞུགས་སྐབས་ཞུ་ཡིག་བསྐུར་ཚུལ་སོགས་ཞུས་པར་བཀུར་བཟོ་ཚད་མེད་ཀྱིས་མེར་གན་མཁན་པོའི་གོ་མིང་དང་། གསེར་ཡིག། གསེར་ཐམ། སོག་ཆས་མཚལ་གྱི་ཕྱག་ཐམ་ཅན་དང་། ཆབ་མདོ་ཡན་ནས་འུ་ལག་གིས་བསུ་དགོས་པའི་བཀའ་ཤོག་དང་། ཁྱེད་ལྟ་བུའི་གྲུབ་མཐའ་རིས་མེད་ལ་མཁས་ཤིང་ཐུགས་བསྐྱེད་གནང་མཁན་ནི་ཉིན་སྐར་ཙམ་ཞེས་བསྔགས་བརྗོད་གནང་། ཕྱིས་སུ་ལྷ་ལྡན་དུ་ཕེབས་སྐབས་ཆབ་མདོ་ཡན་ནས་འུ་ལག་གིས་སྐྱེལ་བསུ་དང་། ནག་ཆུར་སེ་རའི་ཚ་བ་ཁམས་ཚན་གྱིས་སེར་བསུ་བྱས། དབུས་གཙང་ཕྱོགས་ཀྱི་རྙིང་དགོན་ཀུན་ལ་ཆོས་བཀའ་གནང་། སེ་ར་དགོན་གཞུང་ནས་ཆིབས་བསུ་དང་། བོད་གཞུང་དང་། སེ་ར་དགོན་ནས་སེ་ར་མཁན་པོའི་གོ་མིང་དང་འཇའ་ས་ཕུལ། མ་དགོན་དུ་གཏེར་མཛོད་གསུངས་ཤིང་གྲུབ་དབང་པད་ནོར་རིན་པོ་ཆེ་བསྟན་བདག་ཏུ་མངའ་གསོལ་མཛད། རང་དགོན་དུ་མཆོག་སྤྲུལ་ཐུབ་བསྟན་གར་དབང་ཉིན་བྱེད་སོགས་སྐྱེ་སྤྲུལ་མང་པོ་ངོས་འཛིན་མཛད་། མདོར་ན་ཡུལ་ཁམས་ཆོས་ལ་བསྒྱུར་བའི་མཛད་པ་ཁོ་ན་བསྐྱངས། མཐར་དགུང་གྲངས་རེ་ལྔ་པ་རབ་རྒྱན་ས་ཁྱི་ལོ་་༡༩༥༨་ལོར་དུས་འགྱུར་སྐབས་སྐུ་གཤེགས། ལྗགས་རྩོམ་ལྷག་བསྡུས་པོད་གཅིག་དང་། ཞལ་སློབ་ལ་སྔ་འགྱུར་བསྟན་པའི་མངའ་བདག་གྲུབ་དབང་པད་ནོར་རིན་པོ་ཆེ་དང་། ཀཿཐོག་མཁན་ཆེན་ལེགས་བཤད་འབྱོར་ལྡན། ཨ་པང་གཏེར་ཆེན་དཔའ་བོ་ཆོས་དབྱིངས་རྡོ་རྗེ། གཏེར་སྲས་རྡོ་རྗེ་དགྲ་འདུལ། ཨར་སྐུང་མཁན་བློ་བཟང་རྡོ་རྗེ། གདོང་ངེ་མཁན་པོ་འཇིགས་མེད་དཀོན་མཆོག སྐུ་ཆེན་རིན་པོ་ཆེ་ཀརྨ་ཐེག་མཆོག་སྙིང་པོ་དྲི་མེད་ཡོངས་གྲུབ། ཀཿཐོག་མཁན་པོ་མཁྱེན་བརྩེ་བློ་གྲོས། མདོ་རིན་པོ་ཆེ་ཟིལ་གནོན་དགྱེས་རབ་རྩལ། དཔལ་ཡུལ་ཆགས་མེད་སྤྲུལ་སྐུ་ཀུན་བཟང་རྡོ་རྗེ། དཔལ་ཡུལ་མཁན་པོ་བློ་གྲོས། སྐྱབས་རྗེ་ཐུབ་བསྟན་གར་དབང་ཉིན་བྱེད། རག་སྤྲུལ་ཐུབ་བསྟན་བཤད་སྒྲུབ་རྒྱ་མཚོ། ཀྱང་ཁང་སྤྲུལ་ཐུབ་བསྟན་དཔལ་བཟང་། སྒྱེ་བྲོ་དབོན་པོ་པདྨ་བསམ་གྲུབ་རྡོ་རྗེ། ཁང་སར་བསྟན་པའི་དབང་ཕྱུག མགར་ཀློང་པདྨ་བདེ་ཆེན་མཁའ་ཀློང་ཡང་པ། དར་ཐང་སྤྲུལ་ཀུན་དགའ་དགེ་ལེགས་ཡེ་ཤེས་རྡོ་རྗེ། ཝ་ཤུལ་བླ་མ་བསོད་ནམས་མཁས་གྲུབ། དུང་དཀར་སྤྲུལ་སྐུ་ངེས་དོན་རྒྱ་མཚོ། ཤུག་སྒང་རྨ་སྤྲུལ་ཆོས་ཀྱི་ཉི་མ་སོགས་མཐའ་ཡས་སོ།།
རྒྱས་པར་དར་ཐང་གདན་རབས་གཟིགས་འཚལ།
བཞི་བརྒྱ་པ་ལས།
ཁྲོ་ཡང་འབྱུང་པོས་བཟུང་བ་ལ། །
སྨན་པ་འཁྲུག་པ་མིན་དེ་ལྟར། །
ཐུབ་པས་ཉོན་མོངས་དག་གཟིགས་ཀྱི། །
ཉོན་མོངས་དང་འབྲེལ་གང་ཟག་མིན།།ཞེས་གསུངས་སོ
ཁྲོ་ཡང་འབྱུང་པོས་བཟུང་བ་ལ། །
སྨན་པ་འཁྲུག་པ་མིན་དེ་ལྟར། །
ཐུབ་པས་ཉོན་མོངས་དག་གཟིགས་ཀྱི། །
ཉོན་མོངས་དང་འབྲེལ་གང་ཟག་མིན།།ཞེས་གསུངས་སོ
བསྐལ་བ་དུ་མར༧རྗེ་བཙུན་ཙོང་ཁ་བ་ཆེན་པོས་རྗེས་སུ་འཛིན་པར་གྱུར་ཅིག སྒོ་གསུམ་སྤྱོད་ལམ་གྱི་དགེ་བ་ཅི་མཆིས་མཉམ་མེད་ཙོང་ཁ་བའི་ཐུགས་དགོངས་དང་མཐུན་པར་གྱུར་ཅིག [合十][合十][合十]
✋热门推荐