༢༠༢༢ ༡༠ ༠༡ གཟའ་སྤེན་པ།
དེ་རིང་ངས་རྫོགས་ཆེན་སྒྲུང་པ་པདྨ་ཡེ་ཤེས་ཀྱི་བུ་པདྨ་བཀྲིས་ལགས་ཀྱིས་གསར་དུ་བཤད་པའི་གླིང་སྒྲུང་༼སུམ་པ་མཛོ་རྫོང༽ཞེས་པ་དེ་ལ་ཉན་ནས་ཧ་ལམ་དུས་ཚོད་གཅིག་ལྷག་འགོར། སྒྲུང་དེ་ཉན་ཀྱིན་ཉན་ཀྱིན་ངས་རང་གི་ཚེ་འདས་ཕ་མ་གཉིས་པོ་ཡིད་ལ་འཁོར་ཡོང་། གསོན་ཐོག་ཏུ་ཡོད་དུས་ངའི་ཕ་མ་གཉིས་ཀ་གླིང་སྒྲུང་ལ་ཉན་རྒྱུ་ཧ་ཅང་དགའ། ནང་དགོས་སྒྲུབ་བརྒྱུད་དགོན་གྱི་གྲྭ་བསོད་ནམས་གྲགས་པས་བཤད་པའི་ཧོ་ཧྲེང་གོ་རྫོང་དང་པདྨ་བཀྲིས་ལགས་ཀྱིས་བཤད་པའི་ཧོར་གླིང་གཡུལ་འགྱེལ། གཞན་ད་དུང་སྐལ་བཟང་གྲགས་པས་བཤད་པའི་སྟག་གཟིག་ནོར་འགྱེད་སོགས་ལ་ཉན་རྒྱུ་ནི་ཁོང་བཟའ་ཚོ་གཉིས་ཀྱི་ཉིན་གཅིག་གི་འཚོ་བའི་གྲུབ་ཆའམ་ཆ་ཤས་གལ་ཆེན་ཞིག་ཡིན། ནམ་རྒྱུན་ང་རང་ཁྱིམ་དུ་ལོག་ཐེངས་རེ་ངའི་ཕ་མ་གཉིས་ཀྱིས་ང་ལ་གླིང་སྒྲུང་གསར་བ་རེ་སྒོ་ལ་ཐོན་ཡོད་མེད་སོགས་ཀྱི་ཐད་ནས་སྐད་ཆ་གང་མང་འདྲི་སྲིད། དེ་དུས་ངས་ཐོན་ཡོད་མེད་སོགས་གསལ་བོ་མ་ཤེས་ཀྱང་སྒྲུང་གསར་བ་མེད་ཚུལ་གྱི་རྫུན་གང་མང་བཤད་མྱོང་། ད་ལྟ་བསམ་ན་ངའི་དེ་དུས་ཀྱི་བྱ་སྤྱོད་ལ་ཡིད་ཐང་ཆད་སོང་།
དེ་རིང་ངས་རྫོགས་ཆེན་སྒྲུང་པ་པདྨ་ཡེ་ཤེས་ཀྱི་བུ་པདྨ་བཀྲིས་ལགས་ཀྱིས་གསར་དུ་བཤད་པའི་གླིང་སྒྲུང་༼སུམ་པ་མཛོ་རྫོང༽ཞེས་པ་དེ་ལ་ཉན་ནས་ཧ་ལམ་དུས་ཚོད་གཅིག་ལྷག་འགོར། སྒྲུང་དེ་ཉན་ཀྱིན་ཉན་ཀྱིན་ངས་རང་གི་ཚེ་འདས་ཕ་མ་གཉིས་པོ་ཡིད་ལ་འཁོར་ཡོང་། གསོན་ཐོག་ཏུ་ཡོད་དུས་ངའི་ཕ་མ་གཉིས་ཀ་གླིང་སྒྲུང་ལ་ཉན་རྒྱུ་ཧ་ཅང་དགའ། ནང་དགོས་སྒྲུབ་བརྒྱུད་དགོན་གྱི་གྲྭ་བསོད་ནམས་གྲགས་པས་བཤད་པའི་ཧོ་ཧྲེང་གོ་རྫོང་དང་པདྨ་བཀྲིས་ལགས་ཀྱིས་བཤད་པའི་ཧོར་གླིང་གཡུལ་འགྱེལ། གཞན་ད་དུང་སྐལ་བཟང་གྲགས་པས་བཤད་པའི་སྟག་གཟིག་ནོར་འགྱེད་སོགས་ལ་ཉན་རྒྱུ་ནི་ཁོང་བཟའ་ཚོ་གཉིས་ཀྱི་ཉིན་གཅིག་གི་འཚོ་བའི་གྲུབ་ཆའམ་ཆ་ཤས་གལ་ཆེན་ཞིག་ཡིན། ནམ་རྒྱུན་ང་རང་ཁྱིམ་དུ་ལོག་ཐེངས་རེ་ངའི་ཕ་མ་གཉིས་ཀྱིས་ང་ལ་གླིང་སྒྲུང་གསར་བ་རེ་སྒོ་ལ་ཐོན་ཡོད་མེད་སོགས་ཀྱི་ཐད་ནས་སྐད་ཆ་གང་མང་འདྲི་སྲིད། དེ་དུས་ངས་ཐོན་ཡོད་མེད་སོགས་གསལ་བོ་མ་ཤེས་ཀྱང་སྒྲུང་གསར་བ་མེད་ཚུལ་གྱི་རྫུན་གང་མང་བཤད་མྱོང་། ད་ལྟ་བསམ་ན་ངའི་དེ་དུས་ཀྱི་བྱ་སྤྱོད་ལ་ཡིད་ཐང་ཆད་སོང་།
༼ཚོར་བའི་ཀློང་གི་ཟིན་བྲིས་༽ཞེས་པའི་ངེད་བཟའ་མི་གཉིས་ཀྱི་སེམས་ཚོར་ལས་བྱུང་བའི་སྒེར་དེབ་ཐོག་མ་འདི་ད་རེས་གློག་རྡུལ་འཕྲུལ་དེབ་ཀྱི་ལམ་ནས་སྙིང་ཉེ་བའི་ནང་གྲོགས་ཚོ་དང་དགེ་རྒན། ཀློག་པ་པོ་རྣམས་ལ་གཟིགས་འབུལ་ཞུས་ཡོད། [咖啡]
དུས་རབས་བཅུ་དྲུག་པའི་ནང་འཁྲུངས་པའི་ཟུར་མཁར་བློ་གྲོས་རྒྱལ་པོ༼༡༥༠༩-?༽ནི་དངོས་གནས་ཧང་སངས་དགོས་པའི་མཁས་པ་ཆེན་པོ་རེད། ང་རང་ཆེས་བལྟ་རྒྱུར་དགའ་བའི་སྨན་གྱི་ཕྱག་དཔེ་གྲས་ཡིན། མཁྱེན་ཡངས་པ་རྣམས་ལ་ཞུ་རྒྱུར། ཟུར་མཁར་བའི་གསུང་རྩོམ་ཡོངས་སུ་རྫོགས་པ་སྡོམ་ནས་སྤར་སྐྲུན་གནང་བ་མཇལ་མྱོང་ངམ། གུས་པས༼མེས་པོའི་ཞལ་ལུང༽དང༼ཤེས་བྱ་སྤྱིའི་ཁོག་དབུབ༽སོགས་ལས་མ་མཐོང་མོད། དངོས་གནས་ཡིད་འཕྲོག་པ་བྱུང་། — བན་ཤུལ་པས།
✋热门推荐