#佛陀#

༄༅༎ བདག་གི་ཡིད་ལ་འགྲན་པ་བཞིན་དུ་འཕེལ།

བཛྲ་ཚུལ་ཁྲིམས་རྒྱ་མཚོ།

དང་བོར་ཐུགས་བསྐྱེད་བར་དུ་ཚོགས་བསགས་ཤིང་། །
ཐ་མར་སངས་རྒྱས་དེ་ནས་ཆོས་འཁོར་བསྐོར། །
གྲངས་མེད་གདུལ་བྱ་རྣམ་པར་གྲོལ་མཛད་དེ། །
གཟུགས་སྐུའི་བཀོད་པ་བསྡུས་པའི་ཚུལབསྟན་ཀྱང་། །

གཏད་རབས་བདུན་དང་ཤིང་རྟ་ཆེ་གཉིས་དང་། །
དེ་ཡི་སྲོལ་འཛིན་པཎ་གྲུབ་གྲངས་མེད་པས། །
ཐུབ་གསུང་ཉམས་སུ་མ་བཅུག་འཕགས་ཡུལ་གྱི། །
མཐའ་དབུས་མེད་པར་ཆོས་ཀྱིས་ཁྱབ་པར་མཛད། །

དེ་ནས་ཆོས་རྒྱལ་ལོ་པཎ་རིམ་བྱོན་དང་། །
ཁྱད་པར་ཨ་ཏི་ཤ་དང་ཙོང་ཁ་བ། །
ཡབ་སྲས་བརྒྱུད་པར་བཅས་པས་གདོང་དམར་བ། །
ཆོས་ཀྱི་འབངས་སུ་བསྒྱུར་བའི་བཀའ་དྲིན་དྲན། །

དེ་ནས་ཀུན་མཁྱེན་བླ་མ་ཡབ་སྲས་དང་། །
ཁྱད་པར་སངས་རྒྱས་ཀུན་འདུས་དངོས་བརྒྱུད་ཀྱི། །
བླ་མའི་དྲིན་ལས་དུས་མཐར་ངེད་ཅག་ཀྱང་། །
འདི་ནས་ཆོས་ལ་སྤྱོད་པའི་སྐལ་བཟང་ཐོབ། །

དེ་ལྟར་བསམ་ནས་དམ་པའི་སྐུ་དྲིན་དང་། །
ཉམ་ཐག་འགྲོ་ལ་སྙིང་ནས་བརྩེ་བ་དང་། །
ལོག་ལྟ་ཅན་གྱི་ཚུལ་ལ་སྐྱོ་བ་རྣམས། །
བདག་གི་ཡིད་ལ་འགྲན་པ་བཞིན་དུ་འཕེལ། །

ཞེས་པ་ཡང་བཛྲ་ཚུལ་ཁྲིམས་རྒྱ་མཚོས་སྤྱི་ལོ་༢༠༢༢ལོའི་ཟླ་༡༠ཚེས་༡༡ཉིན་བླ་བྲང་བཀྲཤིསའཁྱིལ་གྱི་རང་ཤག་ཆོས་རིག་འོད་སྣང་འཁྱིལ་བའི་གུར་ཁང་ནས་ཐོལ་བྱུང་དུ་བྲིས་པའོ།།

   ༄༅༎སངས་རྒྱས་ཀྱི་མཚན་སྔགས་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། ། མཆོད་དོ། ། སྐྱབས་སུ་མཆིའོ། །

ཏདྱ་ཐཱ། ཨོཾ་མུ་ནེ་མུ་ནེ་མཧཱ་མུ་ནེ་ཡེ་སྭཱ་ཧཱ། https://t.cn/RI76gpt

༄༅༎ ཁ་ཆེ་པཎ་ཆེན་ཤཱཀྱ་ཤྲཱིའི་དུས་ཆེན་བཞིའི་འགྱུར་རྩིས་ལས།

ཉི་མ་གཟའ་ཡིས་ཟིན་པའི་ཚེ།།

བྱེ་བ་ཕྲག་ནི་འབུམ་འགྱུར་ཏེ།།

ཟླ་བ་བྱེ་བ་བདུན་འགྱུར་རོ།།

དུས་ཆེན་བཞི་ལ་ཉི་ཟླ་ཟིན།།

དེ་དག་བསོད་ནམས་ཁྱད་པར་འཕགས།།

ཨོཾ མ ཎི པདྨེ ཧཱུྃ། [合十][合十][合十]