藝人#湯沛宜#（ToTo）擁有Fit爆身形，身為「健美女神」的她自認是「叔叔控」，擇偶的指標人物竟是#黃宗澤#及#林峯#！ToTo急急解釋說：「我係鍾意35至45歲嘅男士，有種成熟味道！」ToTo早前為參加比堅尼健美小姐比賽，積極做Gym及注意飲食，最終在賽事中取得第六名的佳績。賽前她中暑仆親，撞傷眉角留疤，但依然繼續參賽及做運動，可見性格堅強又敬業！提到狂Keep Fit但仍力保E Cup上圍，ToTo分享瘦身不瘦胸妙法：「要照食嘢，個人要夠營養，我亦唔會做過多胸部器械，以免變咗胸肌，同埋每星期都會去纖體師度按胸，保持番彈性。」雖然追求結實身形，但她卻不要肌肉型男友，反而喜歡大隻之餘有少少肚腩的男士，又直認對「叔叔」情有獨鍾！但問到哪位藝人合其心意，她語出驚人說：「我鍾意男士成熟得嚟，外表陽光又打扮新潮，其實好多藝人都進入叔叔階段喇！好似黃宗澤、林峯、吳卓羲，我嘅定義係35歲至45歲，開始有韻味嘅男人魅力！」講到事業，早前ToTo挑戰做舞台劇，角色風騷甚考演技，又要表演唱歌跳舞。她希望可繼續做舞台劇、拍戲及劇集：「多咗觀眾認識我之後多咗工作，其實每場有人讚我鼓勵我，都係好大嘅強心針！（仲想演咩角色？）想做啲同平時唔同嘅，例如化醜妝、懸疑，最想演一家大細都啱睇嘅喜劇。」她直言不抗拒性感演出：「希望演繹到男士覺得靚，又唔會令女士討厭嘅性感。」

湯沛宜（ToTo）
身高：1米65
三圍：34E、24、34
興趣：街頭健身、高空瑜伽

講左十幾萬次洗完碗就會無水飲，都仲係要餐餐都洗洗洗，洗完米又係咁，食左會靚啲咩？唔洗都唔會食壞你架啦！！知唔知啲水資源好寶貴！仲要我做埋侍應斟茶递水，係爭在未入廚房煮埋，未喂埋你食！#我係領隊黎架咋 #禾驚禾會控制唔到禾寄己#又最後一團 #團團都最後一田[攤手]咋滴[攤手]

聽日開騷！陳奕迅望核心內外圍唔再起樓
歌神陳奕迅（Eason）與The Duo Band到中環摩天輪，為明日（27日）舉行的演唱會綵排，雖然現場有圍板，但「核心外圍」以及摩天輪上仍可遙望台上情況，而旁邊正舉行美酒佳餚活動，市民排隊進場時也可聽到Eason的歌聲。

受訪時，他透露聲音仍未完全復原，但覺得好開心和好正：「我去得多其他國家嘅空曠地方，呢度真係唔應該再起樓，嘥咗！」他指日本有地產集團把東京一幢大廈的頂樓用作藝術展覽場地：「嗰層樓賣或租出去係可以好搵錢，呢樣嘢對社會有好正面影響。（你試吓做？）我冇咁大層樓！（你屋企？）等我死咗先叫人嚟參觀！」

他自言不懂計數，但坦言要爭取保留睇到靚景的建設，例如以前的旋轉餐廳，又自爆曾食到嘔：「細個我係咁食，湯都飲咗5碗，一路食三文治，一路搵自己個位，然後就嘔！嗰時6歲，唔好執輸嘅心態嘛，我依家好啲啦。」他認為美景與做生意可以共存，又指這日踏足草地很舒服，不過聲音管制方面他就表示不清楚：「我已經提早咗，6至8點，不過鹹蛋黃（日落）冇出現，如果有霧霾咪唔放煙囉，我哋適應力強！」

提到觀眾席因安全理由要離台十米，他笑言沒有老土的握手位：「個個都有握手位？死啦，可能係我老土，咁下個賣飛騷設計吓。」他坦言難以在同一場地舉行，若再做實名制售票亦很複雜，又透露曾申請暑假開騷但不成功：「我未做過跨年！02年F4跨年，之後到周杰倫同張學友，啲人話我咁都夠膽喺佢哋後面開？我話唔關我事，係公司開。」他希望19年尾可以開，笑言謝霆鋒不一定要跨年：「佢過年做囉，派利是！我依家好唔要面咁講出嚟，希望大家支持，我開多啲，過30場都得！」