伍仲衡夥拍區永權蕭正楠搞音樂會 互窒互寸大放笑彈

音樂人伍仲衡宣佈於2023年1月6號聯同蕭正楠及區永權假喺灣仔伊利沙伯體育館舉行《HEA TOGETHER LIVE 2023》音樂會，今日優先售票，門票分別為港幣$780、$580、$380， 11月18號城市電腦售票網公開發售。

三子日前為演唱會拍攝海報大放笑彈，佢哋十分欣賞今次演唱會海報，影到好似時裝雜誌咁型，見佢哋三個睡佛般側躺喺地上，完全配合主題夠晒HEA，佢哋解釋「HEA」原因：「每次有組合出現嘅演唱會個名都好型，又會用英文名，諗來諗去都冇一個好型嘅英文名襯到我哋。結果，諗到Harry(伍仲衡)、Edwin(蕭正楠)和Albert(區永權)就變咗HEA嘞！」三子更不忘互窒。

《中年好聲音》評判伍仲衡更笑言畀紅燈蕭正楠，蕭正楠以歌手身份入行，回憶當初唱歌生涯就喺灣仔伊利沙伯體育館開始，蕭正楠於2001年參加唱歌比賽攞到冠軍，當佢唱陳奕迅《傷信》，蕭正楠表示當時有幾千人參賽，區永權提議蕭正楠演唱會再唱，作為《中年好聲音》評判嘅伍仲衡就笑言：「畀紅燈你！」區永權笑指伍仲衡係「殺手」。

伍仲衡認真表示當時係靠區永權而認識蕭正楠，「佢哋上過我studio玩過一次live，一拍即合，大家好多火花，一齊開live唱歌都好多人睇。」區永權笑問伍仲衡：「好多人都上過你live，但都冇一拍即合咩？係咪嗰啲人冇火花？其他上過你live歌手，完全睇唔上眼？」伍仲衡輕鬆接招：「因為嗰啲太貴，你哋就講心唔講金！」

區永權即回招笑：「嘩！你個賤人呀！哈哈！我知今次酬勞近乎零，原來畀你啲咁嘅人吸晒。」為咗今次演唱會，伍仲衡自爆創作一首好好玩嘅3人合唱歌，區永權乘機催對方交歌。

今年係蕭正楠出道20年，佢開心有一個自己音樂會，同歌迷可以有一個好好交代，區永權讓對方索性將呢個演唱會叫《2023蕭正楠演唱會》，區永權擔任和音，伍仲衡負責彈琴，蕭正楠與區永權為咗今次演唱會笑言要一齊增肥，指住伍仲衡肚腩：「大家明啦！咁樣balance啲吖嘛。」伍仲衡即回應：「你（指蕭正楠）千祈唔好呀，增肥唔係個個都好睇。你增肥之後，應該冇晒劇拍，要肥但都要有人鍾意，係功夫嚟，需要培訓至做到，呢啲叫大隻。」

「尋日行錯咗唔緊要，今日行返啱咪得囉，中間兜咗路，咪當見識下個世界囉。記住，今日嘅你，已經唔係尋日嘅你，過咗去嘅嘢，就留返喺過去。」
呢番說話我覺得敏叔亦都係同緊193講，又或者其實套落每個人身上都可以。
有時做錯嘢之後思考、改正，就當係上咗一課，沉澱過後再努力重新出發，總會見到另一個新世界。

#古天乐[超话]#
古仔驚喜撐《過時‧過節》 毛姐親下廚 Edan雞手鴨腳幫拖

日前是毛舜筠（毛姐）的生日，她在網上頻道Mo Moments上載了新片「毛姐飯堂之《過時·過節》生日飯聚」，身為藍帶廚藝認證的她親自下廚，呂爵安（Edan）就幫手備料，宴請電影《過時·過節》導演曾慶宏、「表姐」Angela、藝術總監文念中，更獲好友古天樂任神秘嘉賓作客。片中飾毛姐愛子的Edan，今次自告奮勇做廚房助手，但就雞手鴨腳，下廚過程更問了不少令人意想不到的問題，如毛姐介紹以泰安雞用作手撕雞的食材，Edan卻問：「咁有冇爵安雞？」令毛姐哭笑不得：「你想做雞？」
下廚期間，Edan講到拍《過》片的心路歷程，坦言：「係入行已嚟最緊張嘅一部，又冇安全感，因為唔係自己一貫做開嘅類型，擔心自己一個人會破壞整部電影。真係好lost，初時自己只係識好細聲講嘢，但毛姐提我講大聲啲同清楚啲，之後佢同我惡補每一句，之後再約埋去導演度，逐句逐句去研究，應該點樣講。」毛姐則搞笑追問，「你平時係咪講開英文？」Edan卻幽默回應：「我平時唔講嘢！」而Edan表示拍了此片後，對屋企的價值觀有所反思：「你一出世，嗰啲就係你嘅家人，呢個連結就係一世。通常對屋企人永遠都係最差嘅一面。」毛姐也大表認同：「對屋企人係最真實嘅一面，唔使保留。」

古仔除了大讚毛姐對廚藝的追求，更大讚她對香港電影的熱情：「唔係呢餐飯咁簡單，係佢對香港電影業嘅熱愛，我哋香港嘅電影業做得好辛苦，但佢仲有心咁去整一餐飯，鋪排咁多嘢，佢唔係淨係呢部戲喎，所有佢主演嘅戲都係咁做。我最敬佩佢係願意同新人合作，帶動啲新人，所以佢同我講起呢部戲，我話（支持）絕對冇問題，同埋你問我， 我哋都想香港電影業好，所以我哋必須攜手努力做好佢！」