#迪迪的Diary# 16
我曾經有個新朋友，識咗冇耐之後佢要搬屋，咁啱我有車，佢問我可唔可以搵一日幫佢搬一啲嘢，我一口應承咗，然後就搵咗一日幫佢搬啦。
嗰日來來回回咁搬，足足用咗一整日時間。咁我作為朋友，又冇要求要啲乜嘢回報嘅，但係佢好識做，佢話搬好執晒嘢之後，請我過嚟Housewarming Party，到時食餐勁嘅。咁我話：好啊！多謝你先！
如是者兩個月之後，我都冇再收到佢嘅電話。當然，我都唔係等佢嗰餐飯啦。但係我喺呢兩個月，不時見到佢post同好多同唔同嘅朋友喺屋企聚餐，無數咁多個Housewarming Parties。
我唔高興？當然有少少。但係我同佢都唔算係深交，所以冇再聯絡，友誼關係即時被擱置。
有啲朋友話：吓！咁你同佢絕咗交呀？我回答係咁嘅：你要咁樣標簽呢個動作，你咪當係叫做絕交囉，首先冇乜交情可言，如果有，呢啲交，好易絕姐！
有另一種絕交係，就算幾深厚感情都好，自己突然間被佢出賣，咁當然又係可以好絕咁樣去絕交啦。
但係朋友有好多種，有另一種複雜啲嘅case，就係嗰啲識咗好多年嘅朋友，從來都係好朋友嗰種，而踏入咗人生唔同嘅階段，例如有啲結婚、生仔、移民諸如此類，大家嘅生活、時間嘅分配、友誼同家庭之間嘅排序等等，都係考驗友誼嘅關鍵。而如果有時間再聚，嗰個化學作用已經冇晒嘅話，我意思係，例如，世界觀、人生觀、價值觀——三觀都唔同晒，咁再做朋友，又有咩意思呢？
呢類絕交，亦都唔使費氣力、費唇舌，慢慢自然會fade out。失望，當然會啦，而我自己就唔會為咗會感到「失望」，而再去食一餐冇意義嘅飯或者飲一晚冇營養嘅酒。
又另一種啦喎，呢種友誼關係，係近年因為網絡世界發達而衍生出嚟嘅，就係嗰種舊同學嘅群組。我好相信，以前嗰一代，就算以前返學嗰時幾咁friend都好，跟住讀完書，畢咗業，冇再聯絡好多年，突然喺街上面遇到嘅話，咪典型嗰種，點下頭，問候一下，寒暄兩句，再禮貌地或者核突P R地講多句：下次約埋以前嘅邊個邊個，同埋邊個阿Sir Miss出嚟聚下啦，然後之後乜嘢都冇發生過⋯⋯完。
但係呢個年代呢？無端端有一個好熱心嘅舊同學，Add咗你入一個舊同學嘅群組，然後你個電話被公諸於世，跟住嗰啲根本以前讀書嗰陣都未friend過嘅同學，都有咗你個電話，而佢又突然間私訊你，問可唔可以同佢搵到兩張Mirror飛！
我當然冇理佢啦，就算想理，都理唔到啦，你估我係花姐咩！而我最憎嗰啲回應係：唓！你依家做咗藝人，叫做出咗啲名，梗係唔理我哋呢啲舊同學啦！
吹到啤一聲！
我冇離開嗰個舊同學群組嘅原因係，因為喺群組裏面，都有啲我認為值得真心尊重嘅舊同學同埋老師，如果我突然離開，我唔想佢哋會諗多咗或者唔開心。最多咪mute咗個群組，有啱我嗲嘅就答，唔啱睇唔啱傾嘅，咪唔出聲囉。
你可以話：梗係啦，你呢啲，叫做入咗娛樂圈嘅舊同學，當然會遇到呢啲事啦。但係我話俾你聽，我有好多朋友，唔係呢一行，同樣遇到同樣事情，就係當嗰啲舊同學，做咗層壓式推銷、保險或者投資銀行之類，都一樣會收到呢類私訊，有咩分別？
最後我想講嘅係，我好怕嗰種唔知自己好迂腐咁去珍惜以往感情嘅心態，嗰啲咩嘢——以前我哋真係好friend㗎！係呀，以前吖嘛！依家係幾多年之後啊？仲係咁friend嘅，就自然係咁friend啦！
我哋要接受人生係充滿過客㗎，朋友、愛人、甚至親人都可以係我哋嘅過客嚟㗎；曾經有過嘅緣份，我哋可以珍惜、可以懷緬，而最後如果緣盡嘅時候，我哋都要理智地接受囉！
有啲緣份，會歷久常新；有啲緣份，要盡嘅時候係應該由得佢盡！
歌曲：徐小鳯 《誰又欠了誰》
我曾經有個新朋友，識咗冇耐之後佢要搬屋，咁啱我有車，佢問我可唔可以搵一日幫佢搬一啲嘢，我一口應承咗，然後就搵咗一日幫佢搬啦。
嗰日來來回回咁搬，足足用咗一整日時間。咁我作為朋友，又冇要求要啲乜嘢回報嘅，但係佢好識做，佢話搬好執晒嘢之後，請我過嚟Housewarming Party，到時食餐勁嘅。咁我話：好啊！多謝你先！
如是者兩個月之後，我都冇再收到佢嘅電話。當然，我都唔係等佢嗰餐飯啦。但係我喺呢兩個月，不時見到佢post同好多同唔同嘅朋友喺屋企聚餐，無數咁多個Housewarming Parties。
我唔高興？當然有少少。但係我同佢都唔算係深交，所以冇再聯絡，友誼關係即時被擱置。
有啲朋友話：吓！咁你同佢絕咗交呀？我回答係咁嘅：你要咁樣標簽呢個動作，你咪當係叫做絕交囉，首先冇乜交情可言，如果有，呢啲交，好易絕姐！
有另一種絕交係，就算幾深厚感情都好，自己突然間被佢出賣，咁當然又係可以好絕咁樣去絕交啦。
但係朋友有好多種，有另一種複雜啲嘅case，就係嗰啲識咗好多年嘅朋友，從來都係好朋友嗰種，而踏入咗人生唔同嘅階段，例如有啲結婚、生仔、移民諸如此類，大家嘅生活、時間嘅分配、友誼同家庭之間嘅排序等等，都係考驗友誼嘅關鍵。而如果有時間再聚，嗰個化學作用已經冇晒嘅話，我意思係，例如，世界觀、人生觀、價值觀——三觀都唔同晒，咁再做朋友，又有咩意思呢？
呢類絕交，亦都唔使費氣力、費唇舌，慢慢自然會fade out。失望，當然會啦，而我自己就唔會為咗會感到「失望」，而再去食一餐冇意義嘅飯或者飲一晚冇營養嘅酒。
又另一種啦喎，呢種友誼關係，係近年因為網絡世界發達而衍生出嚟嘅，就係嗰種舊同學嘅群組。我好相信，以前嗰一代，就算以前返學嗰時幾咁friend都好，跟住讀完書，畢咗業，冇再聯絡好多年，突然喺街上面遇到嘅話，咪典型嗰種，點下頭，問候一下，寒暄兩句，再禮貌地或者核突P R地講多句：下次約埋以前嘅邊個邊個，同埋邊個阿Sir Miss出嚟聚下啦，然後之後乜嘢都冇發生過⋯⋯完。
但係呢個年代呢？無端端有一個好熱心嘅舊同學，Add咗你入一個舊同學嘅群組，然後你個電話被公諸於世，跟住嗰啲根本以前讀書嗰陣都未friend過嘅同學，都有咗你個電話，而佢又突然間私訊你，問可唔可以同佢搵到兩張Mirror飛！
我當然冇理佢啦，就算想理，都理唔到啦，你估我係花姐咩！而我最憎嗰啲回應係：唓！你依家做咗藝人，叫做出咗啲名，梗係唔理我哋呢啲舊同學啦！
吹到啤一聲！
我冇離開嗰個舊同學群組嘅原因係，因為喺群組裏面，都有啲我認為值得真心尊重嘅舊同學同埋老師，如果我突然離開，我唔想佢哋會諗多咗或者唔開心。最多咪mute咗個群組，有啱我嗲嘅就答，唔啱睇唔啱傾嘅，咪唔出聲囉。
你可以話：梗係啦，你呢啲，叫做入咗娛樂圈嘅舊同學，當然會遇到呢啲事啦。但係我話俾你聽，我有好多朋友，唔係呢一行，同樣遇到同樣事情，就係當嗰啲舊同學，做咗層壓式推銷、保險或者投資銀行之類，都一樣會收到呢類私訊，有咩分別？
最後我想講嘅係，我好怕嗰種唔知自己好迂腐咁去珍惜以往感情嘅心態，嗰啲咩嘢——以前我哋真係好friend㗎！係呀，以前吖嘛！依家係幾多年之後啊？仲係咁friend嘅，就自然係咁friend啦！
我哋要接受人生係充滿過客㗎，朋友、愛人、甚至親人都可以係我哋嘅過客嚟㗎；曾經有過嘅緣份，我哋可以珍惜、可以懷緬，而最後如果緣盡嘅時候，我哋都要理智地接受囉！
有啲緣份，會歷久常新；有啲緣份，要盡嘅時候係應該由得佢盡！
歌曲：徐小鳯 《誰又欠了誰》
藝人張致恒（Steven）曾被指負債纍纍，但償還債務同時更肩負起養大3個小朋友嘅責任，而早前老婆雯雯更暗示生活難捱，令唔少網民都大感擔心。近日Steven於社交網開直播同網友傾偈，提到細仔曾因早產而健康欠佳，但現時身體狀況已好轉，佢又坦言雖然照顧3個囝囝唔容易，但認為係上天安排嘅緣分：「係一種緣分，好多人點博都博唔到個小朋友出嚟，我就唔知點解走咗3件出嚟。小朋友係我哋嘅財富，要慢慢悉心湊大佢哋。」
有網友問到會唔會再追女，曾表示有意結紮嘅佢就話起碼5年後先會考慮：「要畀老婆休息吓，呢3年佢都好辛苦，生咗3個。（有錢養咁多個？）一定要有錢先養到咁多個？邊個話有錢先可以養咁多個？」另有網友質疑佢教唔到3個小朋友，佢即爆Seed反擊：「咁都唔關你事㗎，係咪先？生3個係我嘅問題。其實擔心啲咩？不如擔心我嗰啲人顧吓自己先，連自己都未顧掂，做咩理我啲嘢？我又唔係要你幫我湊，係咪先？」
有網友問到會唔會再追女，曾表示有意結紮嘅佢就話起碼5年後先會考慮：「要畀老婆休息吓，呢3年佢都好辛苦，生咗3個。（有錢養咁多個？）一定要有錢先養到咁多個？邊個話有錢先可以養咁多個？」另有網友質疑佢教唔到3個小朋友，佢即爆Seed反擊：「咁都唔關你事㗎，係咪先？生3個係我嘅問題。其實擔心啲咩？不如擔心我嗰啲人顧吓自己先，連自己都未顧掂，做咩理我啲嘢？我又唔係要你幫我湊，係咪先？」
#圖文不符##迪迪的Diary# 14
呢篇係第二集嚟㗎，如果你未睇上一篇，建議你去睇返上星期個post， #迪迪的Diary 13先。
到我老竇嗰筆啦喎，佢都唔係突然走嘅，係喺療養院住咗好耐。到突然間有一朝早，我喺ViuTV，準備緊拍《又要威又要戴頭盔》嘅時候，收到我大家姐嘅電話：療養院嗰邊啱啱打嚟，話老竇今日下晝可能唔得，你做緊乜嘢？可唔可以即刻趕過嚟療養院？我話：有冇咁蹺呀，我拍咗咁多年《又要威又要戴頭盔》，通常一日最多拍兩個題目，分四集播出，而每次拍四至五個鐘就收工，嗰日咁岩要就啲嘉賓同埋主持人嘅期，個拍攝通告係，要拍三個題目，六集，晨早就返去化妝，起碼要拍到今日嘅七點先可能收得工，我回答家姐話我諗我最快都要八點鐘，先至可以去療養院。咁我家姐就話：咁唔緊要啦，你嗰個節目咁多嘉賓，一定好難就期嘅，我睇吓情況點樣，不斷update住你啦！
嗰日大約下晝時分，我收到屋企人嘅訊息：爸爸已走了！
我當然都冇崩潰啦，都係之前嗰句：The show must go on 嘛！
終於拍攝到大約七點半，我收工啦，打俾大家姐，佢話其他人都走晒啦，阿爸都走咗咗幾個鐘，不過你如果入嚟屯門嘅話，我都可以等埋你嘅。
咁我即刻飛上車，直奔屯門。好衰唔衰，因為我當時太趕，同埋個人有啲亂，完全唔記得換返自己嘅衫，着住sponsor嘅衫上咗車，好彩未上高速公路，我同家姐講話要等多一陣，因為我要返去Viutv換衫，佢話冇所謂。
我換完衫之後，再上車，再打俾家姐。家姐話，其實你依家趕過嚟都冇乜意思啦，阿爸都走咗咁多個鐘囉，而且而家屯門公路，唔知發生咩事，交通意外之類，大塞車緊，你都係唔好過嚟啦。就係咁，我都係見唔到我爸爸媽媽走之前嘅最後一面！
我當時，梗係有耿耿於懷啦，因為見唔見到最後一面，喺我哋中國人嘅文化裏面，好似係好緊要咁，入咗血囉！
之後，我遇到一個高人，佢唔知係安慰我，定係點醒我，佢係咁講嘅：其實好多人都覺得見最後一面係好重要嘅，但係又有另一個說法係咁嘅，尤其是係好多仔女嘅家庭，當老人家過身嘅時候，有啲仔女因為工作又或者喺外地，冇機會見到最後一面，咁原來可以係代表乜嘢呢？就係嗰個老人家，其實最唔放心嗰啲仔女，佢哋就好想臨走之前再見到，反而最放心嗰啲仔女，最後見唔見到，都無所謂。
我當時聽到之後，無論係謊話、真假也好，我突然釋懷！我好多謝呢位高人！
差不多同期，我有一個朋友嘅媽媽，佢臨走之前同佢啲仔女講：喺我過身之後，你哋唔使諗住要好鋪張咁搞我個喪禮，我哋又唔係乜嘢大富大貴嘅家庭，千祈唔好洗咁多錢，反正老實講，要對我尊重、孝順，唔駛喺我死後先做，係要我生前做先有意思㗎！
我聽完之後諗：好彩喺我爸爸媽媽在生嘅時候，我都掛邊叫做一個孝順仔，希望佢哋對呢個仔，死而無憾啦！
畢竟，生老病死，四苦，人生必經。
我哋可以思念佢哋，但要係正面嘅思念，點解呀？因為你諗吓，你過咗身嘅親人，永遠唔會想你活在悲傷之中㗎嘛！
有人問我點解可以睇得咁化？我問返佢哋你唔係咁睇，又有咩方法去令自己活得更有意義呢？
歌曲：Wind Beneath my Wings （Bette Midler）
呢篇係第二集嚟㗎，如果你未睇上一篇，建議你去睇返上星期個post， #迪迪的Diary 13先。
到我老竇嗰筆啦喎，佢都唔係突然走嘅，係喺療養院住咗好耐。到突然間有一朝早，我喺ViuTV，準備緊拍《又要威又要戴頭盔》嘅時候，收到我大家姐嘅電話：療養院嗰邊啱啱打嚟，話老竇今日下晝可能唔得，你做緊乜嘢？可唔可以即刻趕過嚟療養院？我話：有冇咁蹺呀，我拍咗咁多年《又要威又要戴頭盔》，通常一日最多拍兩個題目，分四集播出，而每次拍四至五個鐘就收工，嗰日咁岩要就啲嘉賓同埋主持人嘅期，個拍攝通告係，要拍三個題目，六集，晨早就返去化妝，起碼要拍到今日嘅七點先可能收得工，我回答家姐話我諗我最快都要八點鐘，先至可以去療養院。咁我家姐就話：咁唔緊要啦，你嗰個節目咁多嘉賓，一定好難就期嘅，我睇吓情況點樣，不斷update住你啦！
嗰日大約下晝時分，我收到屋企人嘅訊息：爸爸已走了！
我當然都冇崩潰啦，都係之前嗰句：The show must go on 嘛！
終於拍攝到大約七點半，我收工啦，打俾大家姐，佢話其他人都走晒啦，阿爸都走咗咗幾個鐘，不過你如果入嚟屯門嘅話，我都可以等埋你嘅。
咁我即刻飛上車，直奔屯門。好衰唔衰，因為我當時太趕，同埋個人有啲亂，完全唔記得換返自己嘅衫，着住sponsor嘅衫上咗車，好彩未上高速公路，我同家姐講話要等多一陣，因為我要返去Viutv換衫，佢話冇所謂。
我換完衫之後，再上車，再打俾家姐。家姐話，其實你依家趕過嚟都冇乜意思啦，阿爸都走咗咁多個鐘囉，而且而家屯門公路，唔知發生咩事，交通意外之類，大塞車緊，你都係唔好過嚟啦。就係咁，我都係見唔到我爸爸媽媽走之前嘅最後一面！
我當時，梗係有耿耿於懷啦，因為見唔見到最後一面，喺我哋中國人嘅文化裏面，好似係好緊要咁，入咗血囉！
之後，我遇到一個高人，佢唔知係安慰我，定係點醒我，佢係咁講嘅：其實好多人都覺得見最後一面係好重要嘅，但係又有另一個說法係咁嘅，尤其是係好多仔女嘅家庭，當老人家過身嘅時候，有啲仔女因為工作又或者喺外地，冇機會見到最後一面，咁原來可以係代表乜嘢呢？就係嗰個老人家，其實最唔放心嗰啲仔女，佢哋就好想臨走之前再見到，反而最放心嗰啲仔女，最後見唔見到，都無所謂。
我當時聽到之後，無論係謊話、真假也好，我突然釋懷！我好多謝呢位高人！
差不多同期，我有一個朋友嘅媽媽，佢臨走之前同佢啲仔女講：喺我過身之後，你哋唔使諗住要好鋪張咁搞我個喪禮，我哋又唔係乜嘢大富大貴嘅家庭，千祈唔好洗咁多錢，反正老實講，要對我尊重、孝順，唔駛喺我死後先做，係要我生前做先有意思㗎！
我聽完之後諗：好彩喺我爸爸媽媽在生嘅時候，我都掛邊叫做一個孝順仔，希望佢哋對呢個仔，死而無憾啦！
畢竟，生老病死，四苦，人生必經。
我哋可以思念佢哋，但要係正面嘅思念，點解呀？因為你諗吓，你過咗身嘅親人，永遠唔會想你活在悲傷之中㗎嘛！
有人問我點解可以睇得咁化？我問返佢哋你唔係咁睇，又有咩方法去令自己活得更有意義呢？
歌曲：Wind Beneath my Wings （Bette Midler）
✋热门推荐