སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང་།།
བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ།།
པད་དཀར་ལྟར་སྔགས་མཚན་ཐོས་ཕྱིར་མི་ལྡོག།
སྟོན་པ་ཐུགས་རྗེ་ཅན་ལ་ཕྱག་འཚལ་ལོ།།
དེ་རིང་ནི་ལྷ་བབས་དུས་ཆེན་རེད། ལྷ་བབས་དུས་ཆེན་ནི་ནང་པ་སངས་རྒྱས་པའི་དུས་ཆེན་བཞིའི་ཡ་གྱལ་ཡིན། དེའང་བདག་ཅག་གི་སྟོན་པ་ཤཱཀྱ་ཐུབ་པ་མཆོག་སྐུ་འཁྲུངས་ནས་ཞག་འགའ་ལོན་པ་ན་ཡུམ་སྒྱུ་མ་ལྷ་མཛེས་གྲོངས། རིགས་དྲུག་གང་དུ་སྐྱེས་ཡོད་མེད་གཟིགས་པས་ལྷ་ཡུལ་དུ་སྐྱེས་པ་གཟིགས། མྱུར་བར་ལྷ་ཡུལ་ཏུ་ཕེབས་ནས་ཡུམ་གཙོ་བོར་གྱུར་པའི་ལྷ་རྣམས་ལ་ཆོས་སྣ་ཚོགས་པ་བསྟན་ཏེ་བདེ་བ་ལ་བཀོད་ཅིང་། སླར་ཡང་གདུལ་བྱའི་དོན་དུ་མི་ཡུལ་ལ་བབས་པས་ལྷ་བབས་དུས་ཆེན་ཞེས་གྲགས།
ལྷ་བབས་དུས་ཆེན་ནི་སངས་རྒྱས་ཀྱིས་བྱིན་གྱིས་བརླབས་པས་དགེ་བ་གང་བྱས་ན་བྱེ་བ་ཕྲག་བརྒྱར་འགྱུར་བ་མདོ་ལས་གསུངས། དེ་བས་རང་གི་ནུས་པ་གང་ཡོད་ཀྱིས་སྦྱིན་པ་གཏོང་བ་དང་། ཚུལ་ཁྲིམས་སྲུང་བ། བཟོད་པ་སྒོམ་པ། དགེ་འདུན་ལ་བསྙེན་བཀུར། གཙུག་ལག་ཁང་དུ་ཕྱག་མཆོད་འབུལ་བ། སངས་རྒྱས་ཀྱི་རྣམ་ཐར་མཇལ་བ་སོགས་ཚོགས་བསགས་སྒྲིབ་སྦྱོང་གང་བྱས་ན་ཕན་ཡོན་དང་འགྱུར་བསྐྱེད་ཧ་ཅང་ཆེའོ།།
བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ།།
པད་དཀར་ལྟར་སྔགས་མཚན་ཐོས་ཕྱིར་མི་ལྡོག།
སྟོན་པ་ཐུགས་རྗེ་ཅན་ལ་ཕྱག་འཚལ་ལོ།།
དེ་རིང་ནི་ལྷ་བབས་དུས་ཆེན་རེད། ལྷ་བབས་དུས་ཆེན་ནི་ནང་པ་སངས་རྒྱས་པའི་དུས་ཆེན་བཞིའི་ཡ་གྱལ་ཡིན། དེའང་བདག་ཅག་གི་སྟོན་པ་ཤཱཀྱ་ཐུབ་པ་མཆོག་སྐུ་འཁྲུངས་ནས་ཞག་འགའ་ལོན་པ་ན་ཡུམ་སྒྱུ་མ་ལྷ་མཛེས་གྲོངས། རིགས་དྲུག་གང་དུ་སྐྱེས་ཡོད་མེད་གཟིགས་པས་ལྷ་ཡུལ་དུ་སྐྱེས་པ་གཟིགས། མྱུར་བར་ལྷ་ཡུལ་ཏུ་ཕེབས་ནས་ཡུམ་གཙོ་བོར་གྱུར་པའི་ལྷ་རྣམས་ལ་ཆོས་སྣ་ཚོགས་པ་བསྟན་ཏེ་བདེ་བ་ལ་བཀོད་ཅིང་། སླར་ཡང་གདུལ་བྱའི་དོན་དུ་མི་ཡུལ་ལ་བབས་པས་ལྷ་བབས་དུས་ཆེན་ཞེས་གྲགས།
ལྷ་བབས་དུས་ཆེན་ནི་སངས་རྒྱས་ཀྱིས་བྱིན་གྱིས་བརླབས་པས་དགེ་བ་གང་བྱས་ན་བྱེ་བ་ཕྲག་བརྒྱར་འགྱུར་བ་མདོ་ལས་གསུངས། དེ་བས་རང་གི་ནུས་པ་གང་ཡོད་ཀྱིས་སྦྱིན་པ་གཏོང་བ་དང་། ཚུལ་ཁྲིམས་སྲུང་བ། བཟོད་པ་སྒོམ་པ། དགེ་འདུན་ལ་བསྙེན་བཀུར། གཙུག་ལག་ཁང་དུ་ཕྱག་མཆོད་འབུལ་བ། སངས་རྒྱས་ཀྱི་རྣམ་ཐར་མཇལ་བ་སོགས་ཚོགས་བསགས་སྒྲིབ་སྦྱོང་གང་བྱས་ན་ཕན་ཡོན་དང་འགྱུར་བསྐྱེད་ཧ་ཅང་ཆེའོ།།
࿑ དེ་རིང་སྟེ་བོད་ཟླ་དགུ་པའི་ཚེས་ཉེར་གཉིས་ལྷ་བབས་དུས་ཆེན་ནི་སྔོན་སྟོན་པ་ཤཱཀྱ་ཐུབ་པ་མངོན་པར་སངས་རྒྱས་ནས་དགོང་ལོ་༤༡སླེབས་པའི་སྐབས། ཁོང་གི་ཡུམ་སྒྱུ་འཕྲུལ་མ་ལྷ་ཡུལ་དུ་སྐྱེ་བ་བཞེས་པར་མཁྱེན་ནས་ཆོས་གསུང་ཕྱིར་སྟོན་པ་འཁོར་དང་བཅས་ལྷ་གནས་སུམ་ཅུ་རྩ་གནས་སུ་དབྱར་གནས་མཛད་པར་མ་ཟད་ཡུམ་སྒྱུ་མ་ལྷ་མཛེས་ཀྱི་སྐུ་སྐྱེ་སོགས་ལྷ་ཡི་རིས་ཀྱི་གདུལ་བྱ་རྣམས་ལ་ཆོས་སྟོན་བཞིན་བཞུགས།
ཞི་བདེའི་ལམ་སྟོན་ཆེན་པོ། སྟོན་པ་མཆོག་གི་མཛད་ཆེན་རྣམས་ལས། དེ་རིང་ནི་ལྷ་བབ་དུས་ཆེན་གྱི་ཉིན་མོ་སྟེ། དེ་ཡང་བཅོམ་ལྡན་འདས་ཀྱི་ཡུམ་སྒྱུ་འཕྲུལ་མ་སུམ་ཅུ་རྩ་གསུམ་དུ་འཁྲུངས་པ་དེ་ལ་དྲིན་ལན་བསབས་ཕྱིར་ཆོས་སྟོན་པར་དགོངས་ཏེ་དབྱར་གནས་ཟླ་བ་གསུམ་དེར་བཞུགས་ཤིང་ཡུམ་སོགས་སྨིན་པར་མཛད་ནས་སྟོན་འབྲིང་ཧོར་ཟླ་དགུ་པའི་ཉ་ལ། ལྷ་རྣམས་ཀྱིས་ནམ་མཁར་རིན་པོ་ཆེ་བཻཌཱུརྱ་དང་གསེར་དང་དངུལ་གྱི་སྐས་གསུམ་བཙུགས་པ་ལ་སྟོན་པ་ཉིད་ཚངས་པ་དང་བརྒྱ་བྱིན་གྱིས་ཞབས་འབྲིང་བགྱིས་བཞིན་བབས་ནས་གྲོང་ཁྱེར་གསལ་ལྡན་དུ། ཉན་ཐོས་ཀྱི་འཁོར་ཚོགས་དང་། སྐྱེ་དགུ་འདུས་པའི་དབུས་སུ་བྱོན་པའི་དུས་ཡིན་པས། ལྷ་ལས་བབས་པའི་དུས་མཆོད་ཅེས་གྲགས་ཤིང་། འདི་ཡང་ཚེས་བཅོ་ལྔ་ལ་བྱེད་པ་དང་། ཉེར་གཉིས་ལ་བྱེད་པ་འདམ་ཁ་ཡིན་ཏེ། སྤྲུལ་པའི་མཛད་པ་ལ་མཐའ་གཅིག་ཏུ་མ་ངེས་པས་གདུལ་བྱའི་མོས་བློ་དང་བསྟུན་ཆོག་པར་བཞེད་ཅིང་། ལྷ་ལས་བབས་པའི་མཆོད་རྟེན་བང་རིམ་གྱི་དཀྱིལ་དུ་ཐེམ་སྐས་ཅན་གྲོང་ཁྱེར་གསལ་ལྡན་དུ་བཞེངས་ནས་ཡོད་དོ།།
✋热门推荐