【娛樂頭條】余慕蓮肺纖維化半年吊標靶藥防復發 出入拿拐杖坐輪椅無力再拍戲

余慕蓮（魚毛姐）及徐小明今日接受港台節目訪問，分享當年拍攝《獅子山下》節目感受，兩人在單元《別後》飾演母子角色，魚毛姐笑言自己老人痴呆沒記性，不過她與徐小明做童星已經認識，在片場長大，相識逾半世紀。

之前患上肺纖維化的魚毛姐，今日精神好好，她說：「唔咳就好好，但咳起嚟似哮喘，做完手術有後遺症，會咳到流眼淚及有鼻水，跟朋友傾緊電話都要收線。醫生話冇得醫，肺部纖維化嘅手術喺喉嚨開窿，10個做手術有9個出唔到嚟，自己算好彩，依家隔半年要吊標靶藥控制復發，若復發就收工，但我唔驚，因為已經賺咗，瞓醒1日賺1日。」好友米雪為魚毛姐請外傭照顧，此外，她指薛家燕及吳麗珠也很關心自己，還有鄧達智間中安排她跟朋友食飯見面。

魚毛姐和徐小明一同受訪，回想當年拍劇點滴。

魚毛姐肺纖維化手術後，身體有後遺症。

魚毛姐透露《東周刊》高層為她推出的自傳，將在下周推出，由於她演戲幾十年，有很多珍貴相片，她坦言不知自己何時「離開」，因此會把部分相片送給朋友，其餘棄掉的確有點可惜，現得有人為她出自傳，相片剛好有用，而收益亦會捐給香港兒童癌病基金。魚毛姐稱現時行動不便；出街要撐拐杖、覆診要坐輪椅，現在已不可能再拍戲，今次港台邀請她來也要安排專車接送。而徐小明表示跟魚毛姐合作很多，早年他們為香港話劇團到東南亞巡迴演出，日子十分開心。魚毛姐則坦言最鍾意演話劇及唱歌，以前她做義工時會唱歌給老人家聽，不過現時已沒有氣力再演唱。

徐小明剛由內地返港，他稱因疫情令新專輯拖了3年才完成，新專輯全部是金庸經典的武俠劇主題曲，訂購踴躍，還得到最佳專輯獎，最近他到内地更演出了3場欣賞會，估不到不少年輕人也喜愛。

兩人相識多年，曾有不少合作。

魚毛姐對生死看得十分豁達。

徐小明近年內地香港兩邊走。

【On.cc】甩拖後首現身！朱敏瀚自揭與余思霆分手真相：係有唔捨得！

藝人朱敏瀚（朱仔）日前宣布與余思霆和平分手，今日（1日）乃「分訊」後首度現身，出席無綫劇集《痞子殿下》宣傳，心情不錯的他，與同劇的周嘉洛、陳瀅、王灝兒等有說有笑。

談到分手後心情？朱仔說：「我OK，分手最主要係因為疫情，長期分開接近2年，呢2年真正見面只得2個星期，覺得好難維繫。（有冇努力挽回？ ）有共識嘅，我哋一齊有傾有講，期間我哋冇嘈過交，表現成熟。」更指與舊愛再見亦是朋友，將來會繼續支持對方，問到對戀情可有不捨？他坦言有不捨，但會向好的方向想，更指思霆仍身在台灣，預計9月返港時會約見面，至於會否復合，他說：「做住朋友先，我哋都忙於工作，現階段先做好眼前嘅嘢，再睇睇可以行得幾遠啦！（分手有冇涉及第3者？）冇！」

有指兩人宣布分手當日，思霆隨即於社交網上載性感照，朱仔即力撐對方說：「據我所知佢嘅網上平台逢星期三更新，同埋唔止佢一個人更新嘅，背後有一個團隊運作。」提到與周嘉洛、陳瀅及JW因今次合作成為好友，朱仔公布分手消息前，也先於群組報告，對於嘉洛被自責沒有關心他，朱仔說：「佢忙緊幾組戲，3、4日冇瞓覺，我絕對諒解，不過佢有錢，會叫佢請食飯。」

朱敏瀚分手後首現身。

朱敏瀚話分手最主要係因為疫情分隨兩地。

余思霆不時晒性感相。

#朱敏瀚[超话]#

藝人朱敏瀚（朱仔）日前宣布與余思霆和平分手，今日（1日）乃「分訊」後首度現身，出席無綫劇集《痞子殿下》宣傳，心情不錯的他，與同劇的周嘉洛、陳瀅、王灝兒等有說有笑。
談到分手後心情？朱仔說：「我OK，分手最主要係因為疫情，長期分開接近2年，呢2年真正見面只得2個星期，覺得好難維繫。（有冇努力挽回？ ）有共識嘅，我哋一齊有傾有講，期間我哋冇嘈過交，表現成熟。」更指與舊愛再見亦是朋友，將來會繼續支持對方，問到對戀情可有不捨？他坦言有不捨，但會向好的方向想，更指思霆仍身在台灣，預計9月返港時會約見面，至於會否復合，他說：「做住朋友先，我哋都忙於工作，現階段先做好眼前嘅嘢，再睇睇可以行得幾遠啦！（分手有冇涉及第3者？）冇！」

有指兩人宣布分手當日，思霆隨即於社交網上載性感照，朱仔即力撐對方說：「據我所知佢嘅網上平台逢星期三更新，同埋唔止佢一個人更新嘅，背後有一個團隊運作。」提到與周嘉洛、陳瀅及JW因今次合作成為好友，朱仔公布分手消息前，也先於群組報告，對於嘉洛被自責沒有關心他，朱仔說：「佢忙緊幾組戲，3、4日冇瞓覺，我絕對諒解，不過佢有錢，會叫佢請食飯。」