རྗེ་བཙུན་བླ་མ་མཆོག་ཁྱེད་མ་འོངས་དུས། །ཀ་ལཱ་བ་ཡི་གྲོང་དུ་འཁོར་ལོ་ཆེ། །དྲག་པོར་གྱུར་ནས་ཀླ་ཀློའི་རྒྱུན་གཅོད་ཚེ། །བདག་ཀྱང་འཁོར་གྱི་ཐོག་མར་རྗེས་འཛིན་མཛོད། །འདི་ལྟར་བགྱིས་པའི་དགེ་ཚོགས་ཅི་མཆིས་པ། །དེ་ཀུན་བྱང་ཆུབ་སེམས་མཆོག་རྩིས་ཟིན་ནས། །རིང་བོར་མི་ཐོག་དཔལ་ལྡན་ཤམྦྷ་ལར། །ལེགས་སྐྱེས་ཆོས་ལ་སྤྱོད་པའི་རྒྱུ་རུ་བསྔོ། །ཨོཾ་མ་ཎི་པདྨེ་ཧཱུྃ།ཨོཾ་མ་ཎི་པདྨེ་ཧཱུྃ།ཨོཾ་མ་ཎི་པདྨེ་ཧཱུྃ།

བློ་བཟང་རྒྱལ་བསྟན་འཛིན་སྐྱོང་སྤེལ་བའི་མགོན། ། འཇིགས་མེད་རྣམ་པར་དཔྱོད་པའི་དཔལ་དང་ལྡན། ། མཁས་བཙུན་རྣམ་ཐར་གཙང་མའི་བྱེད་པོ་མཆོག། ཆོས་ཀྱི་རྡོ་རྗེའི་ཞབས་ལ་གསོལ་བ་འདེབས། ། 
ཨོཾ་མ་ཎི་པདྨེ་ཧཱུྃ། ཨོཾ་མ་ཎི་པདྨེ་ཧཱུྃ།ཨོཾ་མ་ཎི་པདྨེ་ཧཱུྃ།

རིགས་ཀྱི་ལྕགས་རི་སྲུང་བའི་སྐྱེས་ཆེན་དམ་པ་ཚོ་སྔ་རྗེས་སུ་མེས་པོ་ཚོའི་བཞུད་ལམ་བསྙེག་ནས་ཕེབས་སོང་ཡང་། ཁོ་ཚོའི་མཛད་རྗེས་གསེར་ནག་རི་བོའི་གཏོས་དང་མཉམ་པ་དེ་ཚོ་ལས། རང་རེའི་མི་རིགས་ཀྱི་འདས་མ་འོངས་ད་ལྟ་གསུམ་ལ་དཔོག་དཀའ་བའི་བྱས་རྗེས་བཞག་ཡོད། དེ་བས་ཁོ་ཚོའི་བཀའ་དྲིན་དྲན་ཞིང་ཐུགས་ཀྱི་བཀོད་པ་སེམས་སུ་འཛིན་རྒྱུ་དང་ལག་ལ་ལེན་་རྒྱུ། གདུང་སེམས་མཚོན་པའི་མྱ་ངན་ཞུ་རྒྱུ་སོགས་ནི་མེད་དུ་མི་རུང་བ་ཤེས་པར་བྱ།
དྲིན་བྱས་དྲིན་དུ་མི་གོ་བས་ཕུང་དཀྲུགས་མཁན་ཚོས་བསམ་བློ་ཀུན་སྤྱོད་ཀྱི་མཐོ་ས་ནས་༼ རང་རེ་མི་རིགས་ནི་མི་ཤི་རྗེས་རིན་ཐང་རྟོགས་པའི་མི་རིགས་ཞིག་ཡིན༽ ཟེར་བཞིན་ཁ་ཚོན་བཅད་པ་དང་མཉམ་དུ་ཇ་ཆང་རྒྱགས་ཆད་པ་རེ་འཐུང་ནས། ཡར་དཀྲུགས་མར་དཀྲུགས་ཀྱི་གླེང་གཞི་མི་བཟོ་རོགས་དྲིན་ཆེན་ཚོ།
དེ་ནས་མཁྱེན་དཔྱོད་མཁའ་ལས་ཡངས་བའི་སྐྱེས་ཆེན་ཁོང་དག་མི་ནུབ་རྒྱལ་མཚན་བཞིན་དུ་གནས་གྱུར་ཅིག ཨོཾ་མ་ཎི་པདྨེ་ཧཱུྃ། ཨོཾ་མ་ཎི་པདྨེ་ཧཱུྃ། ཨོཾ་མ་ཎི་པདྨེ་ཧཱུྃ།#藏传佛教格鲁派史略-赛仓·罗桑华丹著，王世镇译注[图书]##赛仓活佛圆寂# https://t.cn/R2WxDvV