練樂儀挾《亞洲美人魚小姐大賽》三料冠軍之名，2020年信心滿滿參選亞姐，可惜連「豬肉獎」都冇，嚴重打擊自信！她日前找蕊蕊訴苦，不禁喊住發洩心中不滿，獲蕊蕊陪做運動宣洩情緒。
失落於亞姐的練樂儀（Alina）心有不甘，連日來情緒低落，日前被發現相約好友蕊蕊到海濱公園，望着海一片做瑜伽發洩，撫平抑壓已久的心情。她們先互相幫對方拉筋，才開始做各式瑜伽，Alina初時略有心煩，做平衝動作時未能企得穩，蕊蕊在旁不停提她深呼吸。慢慢調節情緒後，Alina漸漸回復狀態，與蕊蕊做起來動作很一致，還愈做愈起勁，大約做了1小時，齊齊坐在長椅上休息傾偈，並接受記者訪問。
蕊蕊與Alina同樣喜歡水上運動，蕊蕊透露她倆已相識3、4年，十分支持對方參加亞姐，想不到竟空手而回，對賽果大感失望！聽到蕊蕊讚勤力又多才多藝，Alina在旁即鼻子一酸，眼淚不受控流出來，她說：「我都估唔到自己1個獎都冇，可能冇其他人咁識表現自己，好似唱《My Heart Will Go On》可以突然嚟個一字馬，呢啲我做唔出囉！」
宣洩過後，Alina感激蕊蕊陪伴開解：「蕊蕊幫我好多，我參選期間情緒好唔穩定，佢教我『吸引力法則』，首先要自己認同自己，有呢個信念先會有信心！佢唔會講好多嘢，但講嘅都係有營養。」蕊蕊在旁笑說：「安慰嘅說話我唔係好識講，但只有需要我陪，我一定會陪住佢同聽佢講嘢。」經過了一段時間休息，Alina亦開始收拾心情，重返護士崗位繼續工作，盡力在疫情下做到最好，希望可以幫助更多有需要人士，她說：「好多朋友都為我打氣，自己都好感動，有番目標同自信。」

#胡定欣[超话]# 女人四十追求刺激：自己創作作品。

視后胡定欣出席好友梁競徽有份投資的鐘錶店開幕，對於好友有意開設製作公司，並力邀她合作，定欣笑說：「梗係要預我份，女一添，我下半生嘅收入靠晒佢啦！睇到佢演藝以外有唔同發展，希望佢生意愈做愈大。（咁你入股啦！）係喎！同佢斟一斟先，我入行都成20年，去到呢個階段，除咗演員之外都會有啲想法，去搵啲刺激嘅追求，好似自己創作啲作品。」滿腦子計劃的她，透露心目中已有故事：「咁多年我拍劇都係男人戲為主，所以想拍一個時代女性嘅故仔，到咗40歲呢個年紀，喺社會上面對好多問題，以女性角度去睇事情。」

談到吳卓羲疑似與菊梓喬有新戀情，正與他合作新劇的定欣，聽罷卓羲解釋即忍不住取笑：「原來唔識玩微博，尋日開工都見到佢，黃宗澤都喺度問咩事，咁恭喜晒！（有冇見菊梓喬嚟探班？）冇，一場兄弟唔好意思踩多腳，識咗咁耐，都希望佢快啲搵到心中最愛。同佢都係9月生日，開工有一齊切蛋糕，佢今年都收到份大禮啦！」對於卓羲不太懂玩社交網，定欣也笑指對方沒有關注她，山聰、敏之等人聞言也起哄指未被卓羲關注，場面搞笑。

#胡定欣[超话]#
2021.09.11 胡定欣女人四十追求刺激：自己創作作品 （on.cc）

視后胡定欣出席好友梁競徽有份投資的鐘錶店開幕，對於好友有意開設製作公司，並力邀她合作，定欣笑說：「梗係要預我份，女一添，我下半生嘅收入靠晒佢啦！睇到佢演藝以外有唔同發展，希望佢生意愈做愈大。（咁你入股啦！）係喎！同佢斟一斟先，我入行都成20年，去到呢個階段，除咗演員之外都會有啲想法，去搵啲刺激嘅追求，好似自己創作啲作品。」滿腦子計劃的她，透露心目中已有故事：「咁多年我拍劇都係男人戲為主，所以想拍一個時代女性嘅故仔，到咗40歲呢個年紀，喺社會上面對好多問題，以女性角度去睇事情。」

談到吳卓羲疑似與菊梓喬有新戀情，正與他合作新劇的定欣，聽罷卓羲解釋即忍不住取笑：「原來唔識玩微博，尋日開工都見到佢，黃宗澤都喺度問咩事，咁恭喜晒！（有冇見菊梓喬嚟探班？）冇，一場兄弟唔好意思踩多腳，識咗咁耐，都希望佢快啲搵到心中最愛。同佢都係9月生日，開工有一齊切蛋糕，佢今年都收到份大禮啦！」對於卓羲不太懂玩社交網，定欣也笑指對方沒有關注她，山聰、敏之等人聞言也起哄指未被卓羲關注，場面搞笑。