༧མཁས་གྲུབ་ཐམས་ཅད་མཁྱེན་པས།
________________________
"ཡོན་ཏན་ཀུན་གྱི་རྩ་བ་ཚུལ་ཁྲིམས་ཏེ། །དངོས་གྲུབ་ཀུན་གྱི་རྩ་བ་དམ་ཚིག་ཅེས། །
རྒྱལ་བས་མདོ་རྒྱུད་ཀུན་ལས་ལན་མང་དུ། །ནན་ཏན་ཆེན་པོས་ཡང་ཡང་གསུངས་མོད་ཀྱི། །
གངས་རིའི་ཁྲོད་འདིར་གཏམ་འདི་རིང་ནས་ནུབ། །རྩ་བ་རུལ་བའི་ཆུ་ཤིང་ལོ་མ་ལས། །
དཔག་བསམ་འབྲས་བུ་རེ་བས་ཕྱོགས་ཀུན་གང༌། །ཐུབ་བསྟན་མིང་ཙམ་ལྷག་མར་གྱུར་པའི་དུས། །
རྒྱལ་བའི་གདུང་འཚོབ་རྗེ་བཙུན་ཙོང་ཁ་པ། །སྨོན་ལམ་དབང་གིས་བྱང་གི་ཕྱོགས་འདིར་བྱོན། །
རྒྱལ་བའི་བསྟན་པ་རྒྱལ་བའི་དགོངས་པ་བཞིན། །སྔོན་མེད་གཞི་ནས་བཙུགས་པའི་བཀའ་སྲོལ་གྱིས། །
སྐལ་ལྡན་རྣམས་ཀྱི་བློ་གྲོས་མིག་ཕྱེ་ཞིང༌། །གསུང་རབ་མ་ལུས་ཉམས་སུ་ལེན་པའི་ཚུལ། །
རྒྱལ་བ་དགྱེས་པའི་ལམ་བཟང་གསལ་མཛད་ནས། །བདག་ཅག་རྣམས་ལ་ཕན་པའི་དོན་པོ་མཛད། །"ཅེས་གསུངས།

སྐྱེ་རྒ་ན་འཆི་རྦ་རླབས་མ་ཤེས་ནས།།
སྣང་སྲིད་སྒྱུ་མའི་གར་ལ་མི་འཁོར་ངང་།།
དོན་མེད་ཚེ་འདིའི་བྱ་བ་མ་གཡེངས་ནས།།
དོན་ལྡན་སྙིང་པོ་ལེན་པའི་བྱ་བཞག་མཛོད།།

=====གངས་སྨྱུག་སྲས།

ལྷ་ས་ནས།
ལུས་ལ་གྱོན་གོས་རྩ་ཆེན་ཞིག་གོན་རྒྱུ་མེད་ཀྱང་།
རུམ་ལ་ཤོག་སྒོར་འདང་ངེས་ཤིག་ཉར་རྒྱུ་མེད་རུང་།
སེམས་ལ་རྨི་ལམ་མང་པོས་འཚང་ཁ་རྒྱག་ས་ཞིག་ཡིན།
ཡིད་ལ་རེ་བ་མོད་པོས་ཡིད་ཆེས་གནང་ས་ཞིག་ཡིན། https://t.cn/R2Wx3sA