མཐོ་བ་གནམ་གྱི་བུ་ཆུང་སྣང་བྱེད་དེ། །
ཁྲི་གདུགས་ཉི་མའི་འོད་ཀྱང་ཁྱོད་ཞལ་ལ། །
རྐུན་མ་ཇག་པའི་ཚུལ་གྱིས་འཇབ་ནས་ཡོང་། །
ཁྱོད་ཀྱང་དེ་ལ་ཐུགས་ཡིད་མཉེས་པར་འདྲ། །
སྤྱན་ནི་ཡེངས་པའི་སྟབས་ཀྱིས་ཅི་ལ་བལྟ། །
དེ་ལ་སྐྱོ་བའི་རྣམ་འགྱུར་ཅིའི་ཕྱིར་འདྲེས། །
སྐྲ་ལོ་རླུང་ལ་གསེད་པས་ཅི་ཞིག་མཚོན། །
ཕྱིང་ཞྭའི་ཕྱི་ཚོས་ལོག་མདོག་ཅི་ལ་བསྟན། །
ཁྲི་གདུགས་ཉི་མའི་འོད་ཀྱང་ཁྱོད་ཞལ་ལ། །
རྐུན་མ་ཇག་པའི་ཚུལ་གྱིས་འཇབ་ནས་ཡོང་། །
ཁྱོད་ཀྱང་དེ་ལ་ཐུགས་ཡིད་མཉེས་པར་འདྲ། །
སྤྱན་ནི་ཡེངས་པའི་སྟབས་ཀྱིས་ཅི་ལ་བལྟ། །
དེ་ལ་སྐྱོ་བའི་རྣམ་འགྱུར་ཅིའི་ཕྱིར་འདྲེས། །
སྐྲ་ལོ་རླུང་ལ་གསེད་པས་ཅི་ཞིག་མཚོན། །
ཕྱིང་ཞྭའི་ཕྱི་ཚོས་ལོག་མདོག་ཅི་ལ་བསྟན། །
༈ བློ་བཟང་རྒྱལ་བའི་དབང་པོ་ཙོང་ཁ་པའི། །
རྣམ་དཀར་འཕྲིན་ལས་ལྷུན་གྲུབ་ཆོས་ཀྱི་རྗེ། །
མདོ་སྔགས་བསྟན་པའི་རྒྱལ་མཚན་འཛིན་པའི་དཔལ། །
སྐྱབས་མཆོག་དམ་པའི་ཞབས་ལ་གསོལ་བ་འདེབས། །
ཨོཾ་ཨཱཿགུ་རུབཛྲ་དྷ་ར་སུ་མ་ཏི་ཀརྨ་ནི་ར་བྷོ་ག་དྷརྨ་དྷྭ་ཛ་ཤི་བྷ་དྲ་སརྦ་སིདྡྷི་ཧཱུཾ་ཧཱུཾ།།
རྣམ་དཀར་འཕྲིན་ལས་ལྷུན་གྲུབ་ཆོས་ཀྱི་རྗེ། །
མདོ་སྔགས་བསྟན་པའི་རྒྱལ་མཚན་འཛིན་པའི་དཔལ། །
སྐྱབས་མཆོག་དམ་པའི་ཞབས་ལ་གསོལ་བ་འདེབས། །
ཨོཾ་ཨཱཿགུ་རུབཛྲ་དྷ་ར་སུ་མ་ཏི་ཀརྨ་ནི་ར་བྷོ་ག་དྷརྨ་དྷྭ་ཛ་ཤི་བྷ་དྲ་སརྦ་སིདྡྷི་ཧཱུཾ་ཧཱུཾ།།
མི་ཞིག་གིས་བཤད་རྒྱུར་དེང་སྐབས་སློབ་གྲྭར་འགྲིམ་པ་ལ། རྒྱུ་མཚན་དགོས་པ་ཆེན་པོ་གང་ཡང་མི་འདུག ཁོ་བོའི་སློབ་གྲོགས་ག་གེ་མོས་སློབ་གྲྭ་འགྲིམ་མཚམས་བཞག་སྟེ། སྤྱི་ཚོགས་ཁྲོད་ཀྱི་བྱ་བ་ཆེ་མ་ཆུང་གསུམ་འདྲ་མིན་མང་བོར་ཞུགས་པས། ད་ལྟ་ཡིན་ན་བྱ་བའི་ཉམས་མྱོང་ཕུན་སུམ་ཚོགས་པ་ཐོབ་ཡོད་པ་ཙམ་དུ་མ་ཟད། ཟླ་གཅིག་ལ་ཡང་སྒོར་སྟོང་ཁྲག་ཁ་ཤས་ལས་སླ་བར་འཚོལ་ཐུབ་ཀྱི་འདུག སློབ་གྲོགས་གཞན་གིས་སློབ་གྲྭར་རྒྱུན་མར་འགྲིམ་སྟེ། ད་ལྟ་ཡིན་ན་ཞིབ་འཇུག་སློབ་མ་ཡང་མཐར་ཕྱིན་ཡོད་མོད། ད་དུང་རང་ཁ་ཙམ་ཡང་སོས་ཀྱི་མི་འདུག་ལ། ལས་བྱེད་པ་དང་གཞུང་ཞབས་པའི་བྱ་བ་སོགས་ཕར་ཞོག ཞོར་ལས་ལེགས་པོ་ཙམ་ཡང་མ་རག་པར་སྔར་བཞིན་ཁྱིམ་ཚང་གིས་གསོས་ནས་བསྡད་འདུག་པས། ལོ་མང་བོར་སློབ་གྲྭར་འགྲིམ་པ་དང་སློབ་ཆེན་ལག་རྟགས་ཡོད་པ་ལ་དགོས་པ་ཅི་ཞིག་འདུག་གམ་ཞེས་ངར་ཤུགས་དང་བཅས་ཡང་ཡང་བཤད། ཁོའི་བསམ་ཚུལ་དེ་ལ་ཡང་ཐད་ཀར་བལྟས་ན་རྒྱུ་མཚན་ཡོད་པ་ལྟ་བུར་སྣང་ཡང་། བསམ་བློ་དེའི་རྒྱབ་ལྗོངས་ན་ད་དུང་མི་མངོན་པའི་ལྟ་ཚུལ་གཞན་ཞིག་ལྷག་ཡོད་པ་དེ་ནི། སློབ་གྲྭར་འགྲིམ་པ་ལ་དགོས་པ་ཡོད་མེད་འཇལ་བྱེད་ཀྱི་ཚད་ཤིང་གཙོ་བོ་ཞིག་ནི། རྒྱུ་ནོར་མང་བོ་ཞིག་འཚོལ་ཐུབ་མིན་ལ་ལྟ་དགོས་བསམ་པ་དེ་རེད། དོན་ངོ་མར་སློབ་གྲྭར་འགྲོ་བའི་དགོས་དོན་གཙོ་བོ་དེ། རྒྱུ་ནོར་མང་བོ་ཞིག་རག་མིན་དེ་ལ་བལྟ་དགོས་པ་ཡིན་ནམ། གཞན་ལ་ཕན་སེམས་ཆེ་ཞིང་། ཕྱི་ཐག་རིང་བ། གཞུང་རྒྱུད་དྲང་བ། དྲང་བདེན་ལ་དགའ་བ། དགེ་རྒན་དང་ཕ་མར་གུས་ཞབས་ཆེ་བ། སྙིང་རུས་བརྟན་པ། རིག་གཞུང་ལ་དུང་བ་སོགས་དོན་སྙིང་ལྡན་པའི་མི་གཞི་ཀུན་སྤྱོད་དང་། བླ་ན་འཕགས་པའི་བསམ་བློའི་འདུ་ཤེས་དེ་དག་ཐམས་ཅད་ཀྱང་སློབ་གྲྭར་འགྲིམ་པ་དང་། རིག་པའི་གནས་ལ་སྦྱངས་པའི་གྲུབ་འབྲས་གལ་ཆེན་ནམ་སྙིང་དོན་གཙོ་བོ་ཞིག་མ་ཡིན་ནམ། དེ་འདྲའི་སྒོ་སྣ་མང་ནས་ཞིབ་ཏུ་དཔྱད་ན། དཔལ་འབྱོར་སྒྲུབ་པར་འཇོན་མིན་དེ་ནི། སློབ་གྲྭར་འགྲིམ་པའི་དགོས་པ་བྱེ་བྲག་ཙམ་ལས་དོན་སྙིང་གལ་ཆེ་བ་གང་ཡང་མ་ཡིན་པ་དེ་ཡང་གསལ་བར་གོ་ཡོང་བས། བྱ་བ་གང་གི་ལེགས་ཉེས་ལ་དཔྱོད་པའི་རྒྱུ་མཚན་ལ་བསམ་གཞིག་བྱ་སྐབས་སུ་ཡང་། ཐད་ཀའི་རྒྱུ་མཚན་ཙམ་ལ་ཡིད་རྟོན་མི་བྱེད་པར་རྒྱུ་མཚན་དེའི་རྒྱབ་ལྗོངས་ན་ད་དུང་མི་མངོན་པའི་བསམ་བློ་ནོར་འཁྲུལ་ཅན་གང་ཞིག་སྦས་སྐུང་བྱས་ཡོད་མེད་དེ་ལ་ཡང་ཞིབ་ཏུ་བརྟག་མཁས་དགོས་པ་དེའོ།། མངོན་གསལ་གྱི་རྒྱུ་མཚན་གང་ཞིག་གི་རྒྱབ་ལྗོངས་ན་སྦས་སྐུང་བྱས་ཡོད་པའི་བསམ་བློ་ཞེས་པ་དེ་ཡང་། དཔེར་ན། གོང་གི་གཏམ་རྒྱུད་དེའི་རྒྱབ་ལྗོངས་ན་གནས་པའི་སྒོར་མོ་ནི་ཡོད་ཚད་དུ་འདོད་པའི་བསམ་བློ་དེ་འདྲ་རེད། དེ་འདྲའི་མི་མངོན་པའི་རྒྱུ་མཚན་གཞན་དེ་ལ། གནས་ལུགས་ཡོད་མེད་ལེགས་པར་དཔྱོད་ཐུབ་ན། ད་གཟོད་གནད་དོན་གང་ཞིག་གི་ལེགས་ཉེས་ཀྱི་ངོ་བོ་ཡང་ཕྲ་ཞིང་ཞིབ་པའི་ལམ་ནས་གསལ་བོར་མཐོང་ཐུབ་པར་བཤད་ཀྱིན་འདུག་ན། བརྟག་ཐབས་དེ་ཡང་ཤིན་ཏུ་རིན་ཐང་ཆེ་བར་སྙམ་མོ།།
✋热门推荐