སང་ཉིན་ནི་ལྷ་བབས་དུས་ཆེན་རེད། ལྷ་བབས་དུས་ཆེན་ནི་ནང་པ་སངས་རྒྱས་པའི་དུས་ཆེན་བཞིའི་ཡ་གྱལ་ཡིན། དེའང་བདག་ཅག་གི་སྟོན་པ་ཤཱཀྱ་ཐུབ་པ་མཆོག་སྐུ་འཁྲུངས་ནས་ཞག་འགའ་ལོན་པ་ན་ཡུམ་སྒྱུ་མ་ལྷ་མཛེས་གྲོངས། རིགས་དྲུག་གང་དུ་སྐྱེས་ཡོད་མེད་གཟིགས་པས་ལྷ་ཡུལ་དུ་སྐྱེས་པ་གཟིགས། མྱུར་བར་ལྷ་ཡུལ་ཏུ་ཕེབས་ནས་ཡུམ་གཙོ་བོར་གྱུར་པའི་ལྷ་རྣམས་ལ་ཆོས་སྣ་ཚོགས་པ་བསྟན་ཏེ་བདེ་བ་ལ་བཀོད་ཅིང་། སླར་ཡང་གདུལ་བྱའི་དོན་དུ་མི་ཡུལ་ལ་བབས་པས་ལྷ་བབས་དུས་ཆེན་ཞེས་གྲགས།

ལྷ་བབས་དུས་ཆེན་ནི་སངས་རྒྱས་ཀྱིས་བྱིན་གྱིས་བརླབས་པས་དགེ་བ་གང་བྱས་ན་བྱེ་བ་ཕྲག་བརྒྱར་འགྱུར་བ་མདོ་ལས་གསུངས། དེ་བས་རང་གི་ནུས་པ་གང་ཡོད་ཀྱིས་སྦྱིན་པ་གཏོང་བ་དང་། ཚུལ་ཁྲིམས་སྲུང་བ། བཟོད་པ་སྒོམ་པ། དགེ་འདུན་ལ་བསྙེན་བཀུར། གཙུག་ལག་ཁང་དུ་ཕྱག་མཆོད་འབུལ་བ། སངས་རྒྱས་ཀྱི་རྣམ་ཐར་མཇལ་བ་སོགས་ཚོགས་བསགས་སྒྲིབ་སྦྱོང་གང་བྱས་ན་ཕན་ཡོན་དང་འགྱུར་བསྐྱེད་ཧ་ཅང་ཆེའོ།།明天藏历九月二十二天降节（11月15日）也是佛教最殊胜的四大吉祥月之一，释迦牟尼佛在三十三天界，为了母亲等天众解脱而讲法后，返回人间的天降日，功德增上十亿倍，清净业障，积累福德，资粮的绝佳时机。

不止要多行善业，尤其是赡养父母，恭顺听从，报答现在的父母的同时，以父母为主无边的众生而做一些善业是特别重要！释迦摩尼佛节日

སངས་རྒྱས་ཀྱི་མཚན་སྔགས་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། ། མཆོད་དོ། ། སྐྱབས་སུ་མཆིའོ། །

释迦牟尼佛圣号：喇嘛敦巴 洞丹迪 得银夏巴 扎洞巴 扬达巴 作波桑吉 华嘉瓦 夏迦特巴拉 香擦洛 窍多 嘉森且奥！（顶礼供养皈依本师出有坏如来应供真实圆满正等觉释释迦牟尼！） https://t.cn/A6cfUZKt

འཕགས་པ་ས་ཡི་སྙིང་པོ་ལ་གསོལ་བ་བཏབ་པའི་ཕན་ཡོན།
ས་སྙིང་འཁོར་ལོ་བཅུ་པ་ལས། གནས་གང་དག་ན་སེམས་ཅན་གང་དག་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་དྲག་ལ་རྣོ་བས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། བརྫུན་དུ་སྨྲ་བ་དང་། ངག་རྩུབ་པོར་སྨྲ་བ་དང་། ཕྲ་མ་བྱེད་པ་དང་། ཚིག་ཀྱལ་པར་སྨྲ་བ་དང་། འདོད་ཆགས་ཅན་དང་། ཞེ་སྡང་ཅན་དང་། ལོག་པར་ལྟ་བ་དང་། མི་དགེ་བ་བཅུའི་ལས་ཀྱི་ལམ་མངོན་དུ་སྤྱོད་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན་ཉོན་མོངས་པ་ཐམས་ཅད་ཞི་ཞིང་མི་དགེ་བ་བཅུ་དང་ཡོངས་སུ་བྲལ་ཏེ་དགེ་བ་བཅུའི་ལས་ཀྱི་ལམ་དང་ལྡན་ཞིང་སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བ་དང་། ཕན་པ་དང་བདེ་བའི་སེམས་སྐྱེ་བར་འགྱུར་རོ།། ཞེས་དང་། གནས་གང་ན་སེམས་ཅན་གང་འདོད་པ་རྣམ་པ་སྣ་ཚོགས་ཀྱིས་སྡུག་བསྔལ་ཏེ། འདོད་པས་ཡོངས་སུ་གདུངས་པར་གྱུར་པ་དག་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་། དམིགས་པས་བསྟི་སྟང་དང་བཅས་ཏེ་མཆོད་པ་བྱས་ན་ཅི་དང་ཅི་འདོད་པ་ཐམས་ཅད་འཐོབ་ཅིང་སྡུག་བསྔལ་དང་བྲལ་ཏེ། སྐལ་བ་ཅི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ།། ཞེས་གསུངས་སོ།།

༡༠ སྣ་ནམ་རྡོ་རྗེ་བདུད་འཇོམས།

རྡོ་རྗེ་གཞོན་ནུས་རྗེས་བཟུང་ཕྲིན་ལས་ཀྱི། །བསྙེན་ཕུར་སྲ་མཁྲེགས་བྲག་ལ་མངོན་བཏབ་ཅིང་། །རླུང་སེམས་དབང་ཐོབ་རི་བྲག་ཐོགས་མེད་གཤེགས། །རྡོ་རྗེ་བདུད་འཇོམས་ཞབས་ལ་གསོལ་བ་འདེབས། །ཞེས་པའི་སྣ་ནམ་རྡོ་རྗེ་བདུད་འཇོམས་ནི། ལྷོ་བྲག་གྲུ་ཤུལ་དུ་ཞང་བློན་སྣ་ནམ་གྱི་རིགས་སུ་འཁྲུངས། གཞོན་དུས་ཆོས་རྒྱལ་ཁྲི་སྲོང་གི་ཆོས་བློན་མཛད་དེ་ཆོས་སྲིད་ཀྱི་བྱ་བ་བསྐྱངས། དེ་ཡང་ཁོང་གིས་བཙན་པོ་ཁྲི་སྲོང་ལྡེའུ་བཙན་གྱི་བཀའ་བསྒོས་བཞིན་སློབ་དཔོན་པདྨ་འབྱུང་གནས་གདན་འདྲེན་ཞུ་བའི་ཕོ་ཉའི་གྲས་སུ་ཞུགས་ཏེ་མང་ཡུལ་གུང་ཐང་ནས་སློབ་དཔོན་བསམ་ཡས་སུ་གདན་དྲངས། དེ་ནས་སློབ་དཔོན་གྱི་ཞབས་ལ་གཏུགས་ནས་སྔགས་ཀྱི་སྒོར་ཞུགས་ཏེ་སློབ་དཔོན་ལས་དབང་དང་གདམས་ངག་མང་དུ་ཞུས་ནས་སྔགས་འཆང་ཆེན་པོར་བཞུགས། སྒྲུབ་པ་ཉམས་ལེན་ལ་བརྩོན་པས་རྡོ་རྗེ་ཕུར་པའི་སྒོ་ནས་གྲུབ་པ་བརྙེས་པའི་གྲུབ་ཐོབ་ཆེན་པོར་གྱུར་ཅིང་། ཧས་པོ་རིའི་ཡང་གོང་དུ་བྲག་ལ་ཕུར་པ་བཏབ་པའི་རྗེས་ད་ལྟ་ཡང་ཡོད། བསམ་ཡས་མཁན་སློབ་ཆོས་གསུམ་གྱིས་རབ་གནས་སྐབས་སུ་རྡོ་རྗེ་བདུད་འཇོམས་ཀྱི་ཡེ་ཤེས་ཀྱི་གཟིགས་པས་མགུལ་ཕུར་བྲག་ལ་གཟིར། རླུང་སེམས་ལ་དབང་འབྱོར་བས་བྲག་ཁུང་གསེང་ཆུང་ངུ་ཞིག་ནས་ཟང་ཐལ་གྱིས་དོན་ཏེ་ཤར་མར་བསམ་ཡས་སུ་ཕེབས་ཤུལ་བྲག་ཁུང་གསེང་ནི་དེང་སང་ཡང་ངོ་འཕྲོད་པ་ཡོད། རྫུ་འཕྲུལ་གྱིས་བར་སྣང་ཁམས་ལ་ཐོགས་པ་མེད་པར་གླིང་བཞི་སྐད་ཅིག་ལ་བསྐོར་ནུས་པ་སོགས་ངོ་མཚར་བའི་མཛད་པ་མཐའ་ཡས། འདིའི་སྒྲུབ་གནས་བྲག་དམར་ཀེའུ་ཚང་ཞེས་པ་གཙང་རོང་ཆེན་དང་ཡར་འབྲོག་མཚམས་སུ་རོང་གི་བྲག་དམར་ཀེའུ་ཚང་ཞེས་ཡོངས་གྲགས་སུ་ཡོད། རྣམ་འཕྲུལ་གཙོ་བོ་བྱང་གཏེར་རིག་འཛིན་རྒོད་ལྡེམ། འཇམ་དབྱངས་བླ་མ། རིག་འཛིན་ལེགས་ལྡན་རྗེ་སོགས་རིག་འཛིན་ཆེན་པོ་རིམ་བྱོན་དང་། གཞན་ཡང་བལ་པོ་ཨ་ཧཱུྃ། ཆོས་རྗེ་འཇིགས་མེད་ཕུན་ཚོགས་འབྱུང་གནས་སོགས་ད་ལྟའི་བར་དུ་སྦས་མངོན་གྱི་གཏེར་སྟོན་འགའ་ཞིག་བྱོན་པར་གསལ་ལོ། ། https://t.cn/R2WxDGB