མིག་གིས་མི་མཐོང་སེམས་ཀྱིས་མི་ཟིན་པའི།།
དཀར་ནག་འགྱུར་ལྡོག་ཚ་བའི་རྣམ་འགྱུར་དེ།།
ང་ལ་མཁོ་མཁོ་སྒྱུ་མའི་བསླུ་བྲིད་ཚོགས།།
སྙིང་བོར་སེམས་རུང་ཅི་ཞིག་ལག་ཏུ་སོན།།

ཉམས་མྱོང་འབེལ་གཏམ།
མཛའ་མཐུན་ཧ་ཅང་ཆེ་བའི་མི་གསུམ་ཡོད་ན། མི་གཅིག་གིས་གྲོགས་པོ་གང་རུང་ཞིག་གི་སྐྱོན་དམིགས་བསལ་བ་ཤེས་རྟོགས་བྱུང་ཚེ། དེ་མ་ཐག་ཏུ་གྲོགས་པོ་གཞན་དེར་འུ་གཉིས་ཀའི་གྲོགས་དེར། སྐྱོན་གྱི་རྣམ་གྲངས་འདི་དང་འདི་ལྟ་བུ་ཡོད་དོ་ཞེས་བརྗོད་ན་འགྲིག་མི་འདུག། རྒྱུ་མཚན་གྲོགས་པོ་ཕ་རོལ་པོ་དེ་དང་གྲོགས་པོ་ཅིག་ཤོས་གཉིས་ཀྱི་མཛའ་བརྩེ་ལ་གནོད་པར་འགྱུར་བས་སོ།། འོ་ན་ཇི་ལྟར་བྱ་སྙམ་ན་ལ། སྐྱོན་ཅན་གྱི་གྲོགས་དེའི་སྐྱོན་དེ་ཐབས་ཚུལ་དུ་མས་ཡུན་ནས་ཡུན་དུ་འབད་དེ་བཅོས་ཐབས་བྱ་དགོས། ནང་གྲོགས་ཤིག་ལ་མཚོན་ན་གྲོགས་དེ་ལེགས་ལམ་དུ་བསྒྱུར་རྒྱུ་གལ་ཆེ་ལ་འབད་དགོས་ངེས་ཀྱི་ལས་ཀ་ཞིག་ཏུ་འཁུམ། དེ་ལས་ཟློག་སྟེ་མྱུར་དུ་གྲོགས་དེ་དོར་ཐབས་བྱ་མི་འོས། དེ་ལྟར་གྱུར་ན་གྲོགས་ཀྱིས་ཕན་པ་གང་ཅི་ཡང་མེད།

བོད་ཀྱི་བུད་མེད་ཤེས་འཇོན་གཉིས་ལྡན་བུ་ཁྲིད་ལགས་དཀར་པོ་ཆེ་མཆོག ཁེ་ན་ཌ་རྒྱལ་ཁབ་ཀྱི་མངའ་སྡེ་ཆེ་ཤོས་ཨང་གཉིས་པ་ས་ཁྱོན་སྤྱི་ལེ་གྲུ་བཞི་མ་(square kilometres)ས་ཡ་༡ ལྷག་དང་། མི་འབོར་ས་ཡ་༡༥ ལྷག་ཡོད་པའི་ཨོན་ཁྲོ་རིའོ་མངའ་སྡེའི་(Ontario Legislature)གྲོས་ཚོགས་སུ་འཐུས་མི་གྲངས་༡༢༤ ཡོད་པའི་ནང་ནས་ཚོགས་གཞོན་དུ་འདེམས་ཐོན་བྱུང་བར་སྙིང་ནས་དགའ་བསུ་དང་བཀྲིས་བདེ་ལེགས་གྲངས་མེད་ཞུ། བོད་མི་ཞིག་རང་ཉིད་ཀྱི་འཇོན་ཐང་དང་ནུས་པ་ལ་བརྟེན་ནས་འདི་ལྟ་བུའི་མཚན་གནས་དང་མཛད་འགན་བཞེས་ཐུབ་པ་ནི། བོད་དང་བོད་མིའི་ནང་ནས་དང་པོ་རེད་ལ། འདི་ལ་འཇོན་ཐང་དང་ནུས་པ་ཟེར། ཁོང་ནི་བོད་དང་བོད་མིའི་གཟི་བརྗིད་རེད།[强]