གྲོགས་པོ་ཞིག་ལ།

སེམས་ཀྱིས་ཚོད་བསྒམ་བྱས་པའི་བྱ་ལས་ཀུན།།
མཆོག་དང་ཕུལ་དུ་རིགས་པར་འདོད་པ་ནི།།
སྣང་ཚུལ་གནས་ཚུལ་ཐ་དད་ཡིན་ནོ་ཞེས།།
གནའ་བོའི་ལེགས་བཤད་འདི་ཀོ་སྙིང་ལ་ཆོངས།།

གཙང་བོའི་བཞུར་རྒྱུན་ཁ་རྩང་ག་འདྲ་འདུག།
སེམས་ཀྱི་ཚོར་རླབས་དེ་རིང་ཇི་འདྲ་དུག།
གནམ་ས་གཉིས་ཀྱི་མཛེས་པ་ཡོད་དོ་ཅོག།
གཅིག་ཏུ་འདུས་པ་ལྟ་བུ་ཚོར་བྱུང་ངམ།།

རང་བྱུང་ཁམས་ཀྱིས་བསིལ་བ་སྦྱིན་བྱུང་ངམ།།
གཞས་ཡས་ཁང་ནས་ཚ་བ་འཕར་བྱུང་ངམ།།
དྲན་པའི་རྟེན་ཞིག་དེ་ནས་ལྷག་བྱུང་ངམ།།
རྩ་ཕྲན་ལྷོད་ལྷོད་འདྲ་ཞིག་ཆགས་བྱུང་ངམ།།

ང་ཅག་བཙན་གྱིས་བྱོལ་བའི་ཡུལ་གྱར་བ།།
ཞལ་གྱི་འཛུམ་པ་གྲོལ་བ་རེ་གཉིས་ཙམ།།
ལུས་སེམས་སྡུག་གིས་མནར་བའི་མཆི་མ་དག།
རེ་ཞིག་ལྐོག་མིད་བྱོས་ལ་ངལ་གསོ་མཛོད།། https://t.cn/RqUdkM5

ཁྱོད་ལ་གནོན་ཤུགས་ཡོད་ཚད། རང་ཉིད་ཧམ་སེམས་ཆེ་བའི་རྐྱེན་གྱིས་བྱུང་བ་རེད།

ཁྱོད་ཀྱི་སྡུག་བསྔལ་ཡོད་ཚད།

རང་ཉིད་ནན་ཏན་ཟབ་པའི་རྐྱེན་གྱིས་བྱུང་བ་རེད།

དོན་དག་འགའ་རེ་བསམ་ཚུལ་ལ་བསྟུན་ནས་བསྒྲུབ་དགོས་ཀྱི་མེད།

དེས་ཁྱོད་ལ་ཁ་བསྒྱུར་དགོས་པའི་དྲན་སྐུལ་བྱེད་བཞིན་འདུག

གལ་སྲིད་བྱ་བ་ཚང་མ་བསམ་པ་ལྷུན་འགྲུབ་ཡིན་ན།

དེ་ལ་འཚོ་བ་ཞེས་པའི་མིང་འདོགས་ཀྱི་མེད། དེའི་རྐྱེན་གྱིས་མ་ཉལ་སྔོན་དུ་བྱ་བ་ཚང་མ་ལ་བཟོད་གསོལ་བྱོས།

གཉིད་ལས་སད་རྗེས་འདས་ཟིན་པའི་བྱ་བ་རྣམས་ལ་འདང་མ་བརྒྱབ།

རང་བགྲོས་རང་མཐུན་རྣམས་ལ་གཅེས་པ་འཛིན་ཁ་རོག་གེར་བུད་པ་དག་ལ་གོམས་པར་གྱིས། མི་ཚེའི་བབས་ཚུགས་རེ་ལ་ཡུལ་ངོས་རེ་ཡོད་ལ། ལོ་རེ་ལ་བྲོ་བ་རེ་ཡོད། ཁྱོད་ཀྱི་ལོ་ཚོད་འགྱུར་བ་ནི་ཁྱོད་ཀྱི་ཚེ་སྲོག་ནང་གི་མཚན་སྙན་གྱི་དར་ཆ་ཡིན་འོས་པ་ལས་སྐྱོ་སྣང་གི་རྒྱུ་མཚན་མིན།

འདི་ལྟར་ཀློག་མཁན་དག་གི་སྤྱན་སྔར་བསྟར་དུས། ངས་ང་ལ་མཐེ་བོང་སྟོན་མཁན་དང་དགའ་མགུ་བྱེད་མཁན་གྱི་མི་གྲངས་ལ་ཚོད་དཔག་འཇལ་འདོད་མ་བྱུང་། དེབ་གཟུགས་འདི་ངའི་ཤ་ལས་ཆད་པའི་བུ་ཕྲུག་ཡིན་པས། ཁྱེད་ཚོའི་ཐུགས་སྒོ་ནས་མདོག་མེད་ཀྱི་སྤྲང་རྟགས་མ་བསྟན་ན་དེས་ཆོག་ཡོད་དོ།།