དྲན་པ་ནམ་མཁའ་ཡངས་པའི་མུ་མཐའ་རུ།།
སྣང་བརྙན་ཡང་ཡང་འཁོར་བའི་རྣམ་འགྱུར་དེས།།
མི་ཚེ་མཛེས་པའི་དོན་སྙིང་རྣལ་མར་བསྟན།།
འཕྱན་པར་བརྗེད་ཐབས་མེད་དོ་རང་བྱུང་ཁམས།།⛅️

你必须记得，无论何时，有个人不喜欢你或认为你很疯狂，也会有一百人将会喜欢你，相似的无论何时，当你知道有个人喜欢你，也不用对此太过兴奋，因为也会有一百个人不支持你。—顶果钦哲法王

ང་རང་ཚོས་གདོན་མི་ཟ་བར་ཡིད་ལ་དམ་པོར་ངེས་དགོས་པ་ཞིག་ནི། དུས་དང་རྣམ་པ་ཀུན་ཏུའང་། ཁ་ཅིག་རང་ལ་ཡིད་དགའ་བར་མི་བྱེད་ཅིང་སོ་སོ་རིག་པ་དང་མི་ལྡན་པར་སེམས་ལ། རང་ལ་ཡིད་དགའ་བར་བྱེད་མཁན་ཡང་མང་དུ་སྣང་ལ། དེ་བཞིན་དུས་དང་རྣམ་པ་ཐམས་ཅད་དུ། གཞན་ཞིག་རང་ལ་ཡིད་དགའ་ཞིང་སྙིང་དུ་སྡུག་པར་ངེས་ཀྱང་དེ་ལ་དགའ་བ་ཆེན་པོ་སྐྱེ་བ་ནི་རིགས་པ་མ་ཡིན་ཏེ། གང་ཞེ་ན། སོ་སོར་རྒྱབ་ཀྱིས་ཕྱོགས་མཁན་གྱི་སེམས་ཅན་ཡང་རབ་ཏུ་མང་པོར་སྣང་བའི་ཕྱིར་རོ། །

ཁྱེད་ལ་དད་ཅིང་གསོལ་བ་བཏབ་པའི་མཐུས།།
བདག་སོགས་གང་དུ་གནས་པའི་ས་ཕྱོགས་སུ།།
ནད་གདོན་དབུལ་ཕོངས་མཐའ་རྩོད་ཞི་བ་དང་།།
ཆོས་དང་བཀྲིས་འཕེལ་བ་མཛད་དུ་གསོལ།།