#微博[超话]# ༄༅། །སྒྲ་མདོ་ཆེན་པོ་བཞི་གསུང་མཁན།
རིམ་པ་བཞིན་དུ་པཱ་ཎི་བ་གསུང་མཁན་འཕགས་པ་འཇིག་རྟེན་དབང་ཕྱུག། དབྱངས་ཅན་མ་གསུང་མཁན་ལྷ་མོ་དབྱངས་ཅན་མ། ཙནྡྲ་བ་གསུང་མཁན་སློབ་དཔོན་ཙནྡྲ་གོ་མི། ཀ་ལཱ་བ་གསུང་མཁན་གཞོན་ནུ་གདོང་དྲུག་བཅས་སོ།།
声明学四大著述:《积分论》、《月八戒论》、《妙音论》和《巴尼巴》等古梵文四大家的声明学著述。

༄༅།།དེ་རིང་དགོང་དྲོར། སློབ་མ་ཚོགས་པའི་སློབ་སྦྱོང་ཚན་ཁག་གི་གོ་སྒྲིག་འོག་ཏུ། ལོ་རིམ་གསུམ་གྱི་འཛིན་གྲྭ་ཁག་གསུམ་པོས་མཉམ་སྒྲུབ་བྱས་པའི་གཟའ་མཇུག་རིག་གཞུང་བགྲོ་གླེང་དེ་ལེགས་པར་འཚོགས་གྲུབ། འཛིན་གྲྭ་ཁག་གསུམ་ནས་བདམས་ཐོན་བྱུང་བའི་སློབ་མ་དྲུག་གིས། མི་རིགས་བར་གྱི་འབྲེལ་ལམ་དང་མཐུན་སྒྲིལ་སྐོར་ནས་སྲོང་བཙན་སྒམ་པོ་ཞེས་པ་དང་། ས་པཎ་ཀུན་དགའ་རྒྱལ་མཚན་ཞེས་པ། འཚོ་བའི་ཉེར་མཁོའི་ཐད་ནས། སྦྲ་ནག་ཅེས་པ། ཀྲུང་ཧྭ་མི་རིགས་དར་རྒུད་ཀྱི་སྐོར་ནས་མི་རིགས་ཀྱི་སྐད་ཡིག་ཅེས་པ་སོགས། སློབ་མ་རང་རང་གི་རིག་པའི་རྩལ་འདྲ་མིན་ལ་ལྟོས་པའི་བགྲོ་གླེང་ཅི་ནུས་བྱེད་ཅིང་། བགྲོ་གླེང་བ་རེ་རེའི་སྐད་ཆ་མཇུག་རྫོགས་མ་ཐག་ཏུ། ཚོགས་ཞུགས་མི་སྣའི་ཁྲོད་ནས་དྲིས་པའི་དྲི་བ་སྣ་ཚོགས་ལ་ལན་འདེབས་པ་བཅས། མདོར་ན། སློབ་མ་ཚོས་རང་ལ་ལྟོས་ཚོད་ཀྱི་བགྲོ་གླེང་འཁྲུག་པོ་བྱེད་པ་དེས། སློབ་མ་རྣམས་ཀྱི་སློབ་སྦྱོང་ལ་སྐུལ་འདེད་དང་། དཔེ་ཀློག་གི་འདུ་ཤེས་ཇེ་ཆེ། ཡིན་མིན་འབྱེད་པའི་རིགས་ལམ་གསོ་སྐྱོང་། གཏམ་བཤད་ཀྱི་སྤྲོ་སྣང་བསྐྱེད་སྲིང་སོགས་ལ་ཕན་ཐོགས་ངེས་ཅན་ཞིག་ཡོད་པར་ངེས་སོ།།
ང་རང་གཟའ་འཁོར་འདིའི་སློབ་མའི་བགྲོ་གླེང་གི་ཕྱོགས་བསྡོམས་དགེ་རྒན་དུ་འཁེལ་བས། བགྲོ་གླེང་གི་མགོ་མཇུག་ཆ་ཚང་ལེགས་པར་མཉན་ཞིང་བློ་བསྐྱེད་གང་འཚམ་ཐོབ་པ་ལྟར་ཕྱོགས་བསྡོམས་ཀྱང་ཅི་ནུས་ཤིག་བྱས་སོ།།

སྒྱུ་འཕྲུལ་འོད་ཀྱི་ལྷ་ཁང་།
ཚིག་གངས་དཔལ་གྱིས་བརྩམས།
དབྱངས་བསམ་པའི་དོན་འགྲུབ་ཀྱིས་བརྩམས།
གཞས་མཁན། བསམ་པའི་དོན་འགྲུབ།
༡
གསང་སྔགས་བྱང་ཆུབ་གླིང་ནས།།
ཤར་གྱི་གསེར་སྒོ་ཕྱེས་བྱུང་།།
ཉ་རྒྱབ་དུང་དཀར་བསྒྲིགས་མའི།།
སྒྱུ་འཕྲུལ་འོད་ཀྱི་ལྷ་ཁང་།།
གསེར་འཕྲུ་ཆོས་འཁོར་རེ་ནས།།
འོད་ཟེར་སྟོང་ལྡན་འཕྲོས་བྱུང་།།
མཆོག་གསུམ་བྱིན་རླབས་ཆེ་བ།།
ཐུབ་དབང་ལོངས་སྐུའི་ཇོ་བོ།།
༢
གསང་སྔགས་བྱང་ཆུབ་གླིང་ནས།།
ལྷོ་ཡི་དུང་སྒོ་ཕྱེས་བྱུང་།།
གཡེར་ཁའི་དྲིལ་ཆུང་སིང་སིང་།།
མཁའ་སྤྱོད་གྲོགས་ལ་ཤར་བྱུང་།།
གསེར་ཁྲི་སེང་སྟོད་ཡག་བྱུང་།།
མེ་ཏོག་ཆར་བ་བབས་བྱུང་།།
བླ་མ་རྡོ་རྗེ་འཆང་བའི།།
དབུ་རྒྱན་པན་ཞྭ་ཡག་བྱུང་།།
༣
གསང་སྔགས་བྱང་ཆུབ་གླིང་ནས།།
ནུབ་ཀྱི་དངུལ་སྒོ་ཕྱེས་བྱུང་།།
ལྷ་ཁང་བད་ཀ་ཡག་བྱུང་།།
གཡུ་ཡི་མཎྜལ་བཤམས་འདྲ།།
མཆོད་འབྲུ་སྣ་ལྔ་ཁྱེར་ཤོག།
ལྷ་རེག་ཨ་ཤེ་བཏེགས་ཤོག།
ཆོས་སྐུ་རེ་རེའི་ཞལ་ལ།།
མེ་ཏོག་མཆོད་རྒྱུན་བསྒྲོན་ཆོག།
༤
གསང་སྔགས་བྱང་ཆུབ་གླིང་ནས།།
བྱང་གི་གཡུ་སྒོ་ཕྱེས་བྱུང་།།
ཀ་བ་རིན་ཆེན་གསེར་ཤན།།
གདུང་མ་རིན་ཆེན་དངུལ་ཤན།།
དེ་འདྲའི་དཀོན་མཆོག་ཕོ་བྲང་།།
མཇལ་ན་ལས་སྣང་དག་པ།།
ཀ་གདན་རྡོ་སྙིང་གཡུ་ལ།།
ཕྱག་སྐོར་ལན་གསུམ་མཆོད་འདོད།།