無綫劇集《美麗戰場》今晚（28日）大結局，開播以來無論劇中人物或劇情均成為網民熱話，而在結局最後一幕中，陳瀅突然接到失蹤的前夫方力申的來電，但衝出門口卻發現之前走佬去台灣的異父異母妹妹「反骨琪」蔣家旻竟然以黑色貴婦Look出現，講了句：「好耐冇見，你咁急趕去邊」之後便全劇完，令人摸不着頭腦。

網民對無頭無尾的結局不收貨，紛紛在無綫的社交平台留言怒吼﹕「唔明結局想點」、「爛尾」、「未試過睇到咁嬲」、「反骨琪出現乜嘢意思」、「浪費咗我19集時間」，有網民講笑指劇集應該改名叫《美麗跣場》，甚至湧到導演葉念琛社交平台發洩不滿，直斥結局差，叫他不要再拍劇。

其後陳瀅見到陳曉華（Hera）跟張馳豪同行而心生恨意，對Hera昔日的渣男男友、現已淪為乞兒的丁子朗謊稱當日是Hera派人砍其手至殘廢，丁子朗為報仇而殺死Hera，Moon與陳瀅在Hera臨死前趕及見對方最後一面，三人哭成淚人，這場口成為最大的催淚場面。後來Moon得知是陳瀅害死Hera而在醫院大爆發怒摑陳瀅。

原來多位《美》劇演員今晚（28日）飯敍兼一起看大結局，並起哄叫葉念琛拍續集。對於在大結局中尾聲突然出現，蔣家旻接受東網訪問稱：「多謝大家支持！其實個結局係點，我本身係唔知，因為我只係拍咗大家見到最後嗰幾分鐘嘅戲，之後導演點樣去編排、點樣出現，我自己都唔知。我只可以講嘅，就係曾經我錄過一句對白但最後係冇用到。呢個係open ending，導演想將呢個ending交畀觀眾去諗，其實有好多好多可能性，大家可以聯想我返嚟係因咩事、會唔會方力申嘅失蹤係同自己有關。大家都會問好多點解、會唔會有續集，但最後都係要交畀公司，睇係咪開續集。」
而林盛斌接受東網訪問時表示：「好多謝大家咁熱烈討論，我估導演係想有一個opening ending，等大家去討論一下，亦都可能有機會想留一個伏線有下一季，咁我哋作為演員，都係期待嘅，呢啲就交返俾決策者去做決定！不過大結局我見到我同John哥嗰一場講數戲，好多網友都好喜愛，我同阿Moon又有一個溫暖擁抱，頭先我都睇得好窩心嘅！」
導演葉念琛受訪時表示：「自己係一個拍電影出身嘅導演。今次拍電視劇要拍一啲同以前唔同嘅嘢。拍攝時已預咗觀眾會有呢種反應。大家追劇嘅熱烈討論度會令我好有滿足感。我留白ending唔排除開第二季，大家集氣啦。」對於同ViuTV《季前賽》打對台，他表示：「自己收視一直無跌，做到呢樣嘢係成功咗，成套劇入面，好多演員被討論，無綫好耐無試過：「一個人寫劇本、執導同監製，最快拍完、最快播出，只要收視同熱度夠，就唔排除開season two。」

補充下維他命D

趁weekday少人又好天，走去Rhodes河堤散步。

好多人話「Rhodes以前係工業區污染嚴重，呢啲地方local根本唔會去，淨系呃啲留學生新移民去住嘅咋。」但係我望住河邊個警告牌，反而令我有一種行大良桂畔海嘅感覺，越行越有興致。

從來冇喺Rhodes住過，明明全部嘢都好新，但硬係好有親切感。呢度出名多公寓，有人話「出得國緊係住house啦，仲住公寓不如返中國。」但係好多時經過啲紅磚house，我卻覺得好陌生，反而呢啲畀人話冇個性、無靈魂嘅現代化公寓，畀我感覺更加有温度。

自己國內由細到大都係住公寓，始終對公寓有種情懷。坦白講，除咗升值，我體會唔到住house嘅樂趣，一諗到要整理花草防蟲房屋維修就頭到大。個人嚟講有個可以望下風景嘅陽台就夠啦，有時都幾信less is more，唔需要花園 ，社區嘅公園就係你嘅花園。

Weekday真係好少人，河堤真係好好行。成個感覺好似細個睇嗰啲樓盤廣告咁，有藍天，有清風，有浪聲，有陽光，有樹蔭，有雀仔，仲想要乜？行下行下，突然間幻想，如果我家鄉都可以變成咁樣，唔洗擠迫，唔洗壓抑，大家都可以寧靜咁散下步，踩下單車，吹住風坐低傾下計，你話幾咁好。

好多時都會諗，呢啲嘢太好，自己唔係咁值得，唯有寫返啲嘢，明明最怕作文，都要記錄低。

因為泳池未夠鐘開，諗起呢間一直想食嘅雲吞麵店，由於地方隔涉，唯有停架車冇雷公咁遠然後踩單車過去，穿街過巷好難先搵到間鋪，入去叫咗碗鮮蝦雲吞麵，食落覺得雖然湯底唔係用大地魚，但起碼佢係用竹升麵同皮包嘅雲吞，已經符合我要求啦，食完再打包生麵同生雲吞返屋企俾阿媽試下，臨走時對老闆娘講：疫情影響下希望一定要堅持落去呀[苦涩]，係深圳真係越嚟越冇啖好食啦，多謝你仲堅持用傳統食材嚟慰籍我寂寂寞的胃老闆娘俾我贊完之後一定要打折俾我，我本能反應想講千其唔好，但睇到老闆娘被認同後嘅嗰份自豪感，我即刻轉口話多謝晒，心諗我最多幫襯多幾次报返仇[嘻嘻]今晚真係好满足！ https://t.cn/RTv4Kyo