ཚང་མ་ལ་སྐུ་ཁམས་བཟང་།
ཉི་ཧོང་གི་སྟོན་ཀ་ལ་ཤིང་གི་ལོ་མའི་ཚོན་མདོག་ཚང་མ་དམར་པོ་དང་སེར་པོ་ལ་འགྱུར་བ་གཏོང་གི་རེད། དེ་རིང་ང་鎌倉(Kamakura)ལ་སོང་ནས་སྟོན་ཀའི་ཚོན་མདོག་ལ་རོལ་མྱོང་བྱསཔ་ཡིན།

ནམ་མཁའི་རྣ་བ་ལ་ཕུལ་བའི་ཞུ་འཕྲིན།
ཀུན་གསལ་མཁའ་ལ་སྤྲིན་གྱི་རི་དྭགས་རྒྱུ།།
འདྲེན་བྱེད་མིག་ཟུང་ཀེམ་ཀེམ་ཁྱོད་ཕྱོགས་གཡོ།།
ཁྱེད་ཀྱི་སྒེག་ཉམས་སྙིང་དུ་སྡུག་པ་ལ།།
འགྲན་པའི་སྤོབས་པ་དུས་ཀྱི་མཐར་ཡང་བྲལ།།

རྐང་གཅིག་ཀུ་མུད་ཏིང་འཛིན་ལས་ལ་བརྩོན།།
དྭངས་གསལ་མཁའ་ལ་རྒྱུ་བའི་བསིལ་ཟེར་བས།།
ཏིང་འཛིན་བསྒོམས་པ་དཀྲུག་པའི་སྤོབས་པ་ནི།།
སྲིད་པ་གསུམ་ན་ཁྱོད་ཀྱི་མཚུངས་ཟླ་དབེན།།

མཁའ་དབྱིངས་ཁྲོད་ན་རི་བོང་འཛིན་པ་བརྗིད།།
ལྷོ་གླིང་འཛིན་མར་ཨུ་ཏམ་ཝ་ར་མཛེས།།
གཅིག་གིས་གཅིག་ལ་འགྲན་པའི་ཆོད་སེམས་འདི།།
གླིང་གསུམ་ཉུལ་བར་བྱས་ཀྱང་ག་ལ་རྙེད།།

ཟླ་བའི་བསིལ་ཟེར་རྒྱ་སེའི་མེ་ཏོག་འཕྲོས།།
རྒྱ་སེའི་མེ་ཏོག་ཁྱོད་ཀྱི་ཕྱོགས་སུ་འཁོར།།
ཕན་ཚུན་འཛུམ་དམུལ་བཞད་པའི་ངང་ཚུལ་འདིས།།
མིག་ཟུང་ཡོད་ཚད་དེ་ཉིད་ཕྱོགས་སུ་ཧད།།

ཐོ་རངས་སྐར་ཆེན་གླིང་འདིར་མ་འཁྲུངས་གོང་།།
མུན་གུང་ཐོད་ཀྱིས་བཅད་པའི་འོད་ཆེན་པོ།།
སྲིད་པ་གསུམ་ན་རྒྱུ་བས་བྱང་སེམས་ཁྱེད།།
ད་དུང་གླིང་འདིར་ཁྱེད་ཉིད་འགྲན་པ་གང་།།

མཁའ་དབྱིངས་རྒྱུ་བའི་རི་བོང་ཁེར་འགྲོ་དང།།
བཅུ་དྲུག་ལང་ཚོས་སྨྱོས་པའི་སྨིན་ལགས་མ།།
རབ་མཛེས་ལང་ཚོའི་ཆ་བྱད་ལྡན་ན་ཡང་།།
བསིལ་ལྡན་རི་བོང་འཛིན་པའི་དོ་ཟླར་མིན།།

རྣམ་རྟོག་མ་བཅོས་གང་དྲན་ཐོལ་བྱུང་གི།
བག་མེད་ལས་ཀྱིས་གཞན་སེམས་མི་མགུ་མོད།།
དྭངས་བའི་སེམས་ཀྱིས་གུས་འདུད་དང་བཅས་ཏེ།།
བཟོད་གསོལ་སྙིང་ནས་ལན་བརྒྱར་ཞུ་བ་ལགས།།

༢༠༢༢/༩/༡༨/ཉིན་ཆུ་བ་བསྟན་པའི་རྒྱལ་མཚན་འམ་སྣང་བ་རྒྱ་ཡན་གྱིས

བདེ་སྐྱིད་ཟེར་བའི་རྡོག་རྡོག་ཞིག་ལག་ཏུ་འཇོག་རྒྱུ་མེད་ཀྱང་།
幸福不能象整塊物體那樣遞在你手上
དུས་རྒྱུན་དུ་བསམ་པ་བཟང་པོ་བྱེད་པ་དེ་བདེ་སྐྱིད་ཀྱི་རྩ་བ་ཡིན།
只有常持大善之心才是獲得幸福之根本