དད་ལྡན་ཐམས་ཅད་ཀྱིས་བླ་མ་སུ་དང་སུ་ཡིན་ནའང་མཆོད་འབུལ་དད་པ་བྱེད་ཀྱི་ཡོད་རེད། དད་ལྡན་ཐམས་ཅད་བཟང་པོ་ཞིག་ཆགས་ཐུབ་དགོས་ན།

ཁོ་ཚོ་ཕྱོགས་མེད་ཀྱིས་བླ་མ་དགེ་བའི་བཤེས་གཉེན་རྣམས་བསྟེན་པའི་དམ་པའི་ཆོས་སྒྲུབ་མཁན་ཞིག་ཏུ་བསྒྱུར་ཐུབ་དགོས། ངས་ཀྱང་སློབ་མ་ཐབས་ཅད་ལ་རང་གིས་སྐྱབས་འགྲོའི་སྡོམ་པ་ཕུལ་ནས། ཁྱོད་ཚོ་ཆོས་བརྒྱུད་གང་དུ་ཞུགས་འདོད་ན་དེར་ཞུགས་ལ། བླ་མ་སུ་བསྟེན་འདོད་ན་དེ་བསྟེན། དེ་བཞིན་དུ་གདམས་ངག་གང་གིས་རང་རྒྱུད་ལ་ཕན་གྱི་འདུག་ན་དེ་ཞུས་ཟེར་ནས་བཤད་ཀྱིན་ཡོད། དེ་ལྟར་བཤད་ན་གཙོ་བོར་སློབ་མའི་ལ་དད་པ་ཕྱོགས་མེད་སྐྱེ་བར་ཕན་གྱི་ཡོད།

དེ་ལས་ལྡོག་སྟེ་སློབ་མ་ལ་བདག་ཏུ་བཟུང་ན་མཐར་སློབ་མ་དེའང་རང་ཉིད་མི་དགའ་བར་འགྱུར་ལ། དེས་སློབ་མ་རྣམས་ལ་གནོད་པ་ལས་ཕན་པ་གང་ཡང་མེད། དེ་མི་འབྱུང་བའི་ཆེད་དུ་ཆོས་བརྒྱུད་བར་ལ་དད་པ་དང་དག་སྣང་སྦྱང་དགོས། སློབ་དེ་ལ་ཕན་དགོས་ན་བདག་འཛིན་གྱི་དབང་དུ་མ་གྱུར་པར། བསམ་རྣམ་པར་དག་པའི་སྒོ་ནས་སློབ་མར་དམ་པའི་ཆོས་ཀྱིས་ཕན་བཏགས་ནས་ལེགས་པའི་ལམ་ལ་འཁྲིད་དགོས། རྒྱལ་སྲས་ལག་ལེན་སོ་བདུན་མའི་འཆད་འགྲེལ་བྱམས་བརྩེའི་གྲུ་ཆར་ལས་ཁོལ་དུ་ཕྱུང་།

རང་ཉིད་ག་འདྲ་ཞིག་ཡིན་པ་རང་གི་སེམས་སུ་གསལ་བོར་ཡོད་ངེས་པས། གཞན་གྱིས་དུས་རྒྱུན་གླེང་གིན་ཡོད་པའི་ཁྱོད་ནི་དོན་གྱིས་ཁྱོད་རང་ཡིན་མི་སྲིད། གཞན་གྱི་སྐད་ཆ་ཁོ་ནར་ཉན་ནས་རང་གི་སེམས་སུ་དགའ་སྐྱོ་གང་ཡང་སྐྱེ་དགོས་མི་འདུག་ལ། ལྷག་ཏུ་རང་གི་སྤྲོ་སྣང་ལྡན་པའི་འཚོ་བའི་ནང་དུ་སྐྱོ་སྣང་གི་རྨ་ཁ་བཟོ་དགོས་དོན་དེ་བས་ཀྱང་མི་འདུག་པས། རང་ཉིད་ནམ་ཡང་སྤྲོ་སྣང་ལྡན་པའི་མི་ཞིག་བྱ་རོགས། སྙིང་ཉེ་བའི་གྲོགས་པོ་ལགས།

ལྡོང་བཙུན་པ།

གངས་ཅན་རི་བོའི་མགུལ་ངོགས་མུ་ཁྱུད་དུ། །
ཞབས་ཟུང་གསེར་འཁོར་མི་ཏིག་དོ་ཤལ་ཕྲེང་། །
བསུབ་མེད་ལེགས་པར་བཀྲ་བའི་རྡོ་རིང་གིས། །
ལྗོངས་འདིར་ཕན་བདེའི་དཔལ་ཡོན་དུས་གཅིག་བསྐྲུན། །

གངས་ཅན་ལྗོངས་ལ་བཀའ་དྲིན་བླ་ལྷག་ཆེ་བའི་ཇོ་བོ་རྗེ་དཔལ་ལྡན་ཨ་ཏི་ཤ་སྐུ་ཞིང་དུ་རྗེས་ནས་དེ་རིང་སྟེ་བགྲང་བྱ་༩༦༨ ལོན་པའི་དུས་དྲན་ལ་སྨན་སྨྱུག་གིས། [合十][合十]
​