ཧ་ཅང་དྲང་པོར་ཞུས་ན། ང་ཚོས་བོད་ཀྱི་རིག་གཞུང་ལ་ཞིབ་འཇུག་བྱེད་དགོས་ཀྱི་མི་འདུག སློབ་སྦྱོང་ཡག་པོ་ཞིག་བྱེད་ཐུབ་ན་དེས་ཆོག་སྙམ། དིང་སང་སྤྱི་ཚོགས་རིང་ལུགས་སློབ་གྲྭ་ཁག་ནས། འབུམ་རམས་པ་སྣ་ཚོགས་བསྐྱེད་བསྲིང་བྱས་ནས་ཡོང་གི་འདུག ཡིན་ནའང་། ཕལ་ཆེ་བས་བོད་ཀྱི་རིག་གཞུང་ལ་སློབ་སྦྱོང་བྱས་མི་འདུག དེ་བཞིན་ཕྱི་རྒྱལ་གྱི་སྐད་ཡིག་ཡང་ཡག་པོ་ཤེས་ཀྱི་མི་འདུག དེའི་ཕྱིར། མ་འོངས་པར་འབུམ་རམས་པས་བོད་ཀྱི་རིག་གཞུང་རྒྱུད་འཛིན་དར་སྤེལ་གཏོང་དགོས་ན་ཧ་ཅང་ཁག་པོ་རེད། ཅིས་ཀྱང་ཞིབ་འཇུག་བྱེད་དགོས་ཟེར་ན། ༼ཞིབ་འཇུག་ནི་སྒྱུ་རྩལ་ཞིག་རེད༽ཅེས་པའི་ནུབ་ཀྱི་ཞིབ་འཇུག་གི་ཐབས་ལམ་སྟོན་པའི་གཞུང་འདི་ལ་ངེས་པར་དུ་བལྟ་དགོས་ལ། གང་ལྟར། གུས་པས་བལྟས་ན་བོད་ཀྱི་རིག་གཞུང་ལ་ཞིབ་འཇུག་མ་བྱས་ཀྱང་ཉམས་ཆག་ཏུ་འགྲོ་མི་ཐུབ་སྙམ། དེ་ལ་སློབ་སྦྱོང་ནན་ཏན་བྱེད་མཁན་གྱི་མི་སྣ་བསྐྱེད་བསྲིང་བྱས་ན་དེས་ཆོག་པ་འདྲ་ལགས། — བན་ཤུལ་པས་ལྷ་སར། [拥抱][玫瑰][玫瑰][玫瑰]

མངའ་རིས་པཎ་ཆེན་ཉིད་བསྟན་པ་ཡོངས་རྫོགས་ཀྱི་བཤེས་གཉེན་ཡིན་ཚུལ།
༼བསྟན་པ་ཡོངས་རྫོགས་ཀྱི་བདག་པོ་ཞེས་པ་དེ་འདྲ་ཞིག་ཟེར་བ་ལས། ཞྭ་མོ་སྣ་ཚོགས་གྱོན་ཐུབ་པ་ཙམ་གྱིས་མི་ཟེར་རོ།། གཤམ་གྱི་པར་རིས་གཉིས་པར་གཟིགས།༽
མངའ་རིས་གློ་བོ་མ་ཐང་འཁྲུངས་པའི་ཡུལ།།
བཙན་པོའི་གདུང་རྒྱུད་གུང་ཐང་རྒྱལ་པོའི་རུས།།
འཇམ་དབྱངས་རིན་ཅེན་རྒྱལ་མཚན་ཁྲོམ་པ་རྒྱན།།
སྐྱེད་པའི་ཐབས་ཤེས་མངལ་དུ་འཇམས་དབྱངས་སྤྲུལ།།
གཅིག་བཞི་གྱ་བདུན་མེ་ལུག་ལོ་རུ་བལྟམས།།
ཀུན་སྐྱོང་གླིང་པའི་ལུང་བཞིན་མཚན་ལ་ཡང་།།
པདྨ་དབང་རྒྱལ་ཞེས་གསོལ་ལོ་བརྒྱད་སྐབས།།
ཡབ་ལས་དགེ་བསྙེན་ཞུས་ཏེ་ཆོས་སྒོར་ཞུགས།།
ཉེར་ལྔའི་དུས་སུ་གློ་བོ་མཁན་ཆེན་སོགས།།
དགེ་འདུན་གྲངས་ཚང་མདུན་ནས་བསྙེན་པར་རྫོགས།།
ཞེ་གཅིག་ལོ་ལ་དབུས་གཙང་ཕྱོགས་སུ་ཕེབས།།
དགུང་ལོ་ཞེ་དྲུག་བསམ་ཡས་གཏེར་ཁ་བཞེས།།
ཞེ་བདུན་སྐབས་སུ་དབུས་ཕྱོགས་རྡོ་རྗེ་བྲག།
ཨེ་ཝཾ་ལྕོག་སྒར་འདུས་པའི་རྨང་གཞི་བཙུག།
ང་བརྒྱད་བཞེས་པའི་གཅིག་ལྔ་ཞེ་བཞི་ལོར།།
འོན་ཡུལ་སྨོན་ལྡན་ས་རུ་ཞི་བར་གཤེགས།།

དུས་རབས་ཤིག་གི་བོད་ཀྱི་བཟོ་རིག་མཁས་པའི་ཚབ་མཚོན་མི་སྣ། བོད་ལྗོངས་སློབ་གྲྭ་ཆེན་མོའི་དགེ་རྒན་ཆེན་མོ།རྒྱལ་ཁབ་རིམ་པའི་སྨན་ཐང་ལུགས་ཀྱི་རྒྱུན་འཛིན་ལྷ་རིས་པ་དགེ་བའི་བཤེས་གཉེན་བསྟན་པ་རབ་བརྟན་མཆོག་དགོངས་པ་གཞན་དོན་དུ་གཤེགས་པ་ཐོས་པས་ང་ཚོ་མགོ་ལོག་བཅུ་ཕྲག་རིག་མཛོད་སློབ་གླིང་ངམ་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭས་ཕངས་སེམས་ཆེན་པོས་གུས་འདུད་དང་བཅས་མྱ་ངན་ཞུ། [蜡烛][蜡烛][蜡烛] [蜡烛]
ཁོང་གིས་སྐུ་ཚེ་གང་བོར་གངས་ཅན་བཟོ་རིག་པ་སྤྱི་དང་བྱེ་བྲག་སླར་གསོ་དང་རྒྱུད་འཛིན་དར་སྤེལ་གྱི་མཛད་པ་རྒྱ་ཆེ་ཞིང་བུ་སློབ་གྲངས་མེད་པ་གསོ་སྐྱོང་གནང་སྟེ་རིག་གཞུང་ཆེན་པོ་འདི་ལག་ལེན་དང་བཅས་ས་ཡི་སྟེང་དུ་ད་དུང་མུ་ནས་མུ་རུ་མི་ནུབ་དར་ཞིང་རྒྱས་ལ་ཡུན་ཏུ་གནས་པའི་བཀའ་དྲིན་སྩལ་ཡོད་པ་མ་ཟད།

ལྷག་པར་དུ་ང་ཚོའི་སློབ་གྲྭའི་སློབ་གཙོ་སྤྲུལ་སྐུ་རྡོ་རྗེ་བརྟན་མཆོག་གིས་ཐུགས་ཀྱི་རེ་བ་ལྟར་སློབ་གླིང་འདིར་གདན་ཞུས་མཛད་དེ་མཚན་འཛིན་སློབ་གཙོའི་འགན་བཞེས་ཤིང་སློབ་མ་ཡོངས་ལ་རི་མོའི་ལོ་རྒྱུས་སོགས་བཀའ་སློབ་གནང་བ་མ་ཟད། ཁོང་གིས་ཕྱག་བྲིས་གནང་བའི་སྨན་རྙིང་ལུགས་ཀྱི་ཐང་གའི་སྒྱུ་རྩལ་རྒྱུན་འཛིན་སློབ་གླིང་ཞེས་པའི་སྒོ་བྱང་བསྩལ་ཏེ་མ་འོངས་པའི་ཚེ་རྒྱུན་འཛིན་དང་དར་སྤེལ་རྒྱ་ཆེར་ཡོང་རྒྱུའི་ཞལ་བཀོད་བླ་མེད་མཛད་པ་སོགས་ལ་བཀའ་དྲིན་ཆེ་ཞུ་རྒྱུ་དང་།

སློབ་གཙོ་རྡོ་རྗེ་བརྟན་མཆོག་གིས་སྤྱིར་གངས་ཅན་བོད་ཀྱི་ལྷ་རིས་སྒྱུ་རྩལ་རིག་གནས་འཕེལ་རྒྱས་དང་སྒོས་སློབ་གླིང་གི་ཐང་གའི་འཛིན་གྲྭ་ལ་རི་མོའི་དངོས་གཞིའི་སློབ་དེབ་གསར་པ་ཞིག་དགོས་པའི་རེ་ཞུས་ལྟར་དགེ་རྒན་ཆེན་མོ་ཁོང་དགུང་ལོ་བརྒྱད་ཅུ་ལ་ཕེབས་ཀྱང་ཁོང་གིས་དེ་དོན་ཞལ་བཞེས་གནངས་ཤིང་སློབ་གཙོ་རྡོ་རྗེ་བརྟན་མཆོག་དང་དགེ་རྒན་ཁོང་རྣམ་པ་གཉིས་ཀྱི་ཞལ་བཀོད་ལྟར་ཁོང་གི་དངོས་སློབ་བམ་སློབ་གླིང་འདིའི་དགེ་རྒན་དྭགས་སྨད་ཡེ་ཤེས་རྡོ་རྗེ་དང་ཀ་བཀྲ་ཤིས་རྣམ་རྒྱལ་གཉིས་ཀྱིས་གཙོ་སྒྲིག་གི་འགན་དང་དུ་བླངས་ནས༼བོད་ཀྱི་རི་མོའི་སློབ་དེབ་བློ་གསལ་དགའ་སྟོན།༽ཞེས་བྱ་བ་དེབ་སྟོད་སྨད་གཉིས་ད་ལོར་སི་ཁྲོན་མི་རིགས་དཔེ་སྐྲུན་ཁང་ནས་དཔར་ཏེ་ལེགས་འགྲུབ་ཡོང་བ་འདི་ད་ལྟ་བསམ་ན་དམ་པ་ཁོང་གིས་ཚེ་མཇུག་འདིར་འུ་ཅག་གངས་ཅན་
ལྗོངས་ཀྱི་ལྷ་རིས་པ་སྤྱི་དང་ཁྱད་པར་དུ་ཁོང་གི་སློབ་རྒྱུན་འཛིན་པ་དག་གི་བགོ་སྐལ་དུ་བཞག་པ་ལགས།

དགེ་རྒན་དམ་པ་ཁོང་སྐུ་གཤེགས་པའི་དུས་འདིར་ས་ལམ་ལ་བར་ཆད་མི་འབྱུང་ཕྱིར་དུ་བསྔོ་བ་དང་སྨོན་ལམ་གང་ཟབ་ཞུ་རྒྱུ་ཡིན།

[蜡烛][蜡烛][蜡烛]

སྤྱི་ལོ་༢༠༢༢ལོའི་ཟླ་༩པའི་ཚེས་༡ལ་རྡོ་རྗེ་བརྟན་མི་རིགས་ལས་རིགས་ལག་རྩལ་སློབ་གྲྭས།