今屆冠軍港姐林鈺洧醜聞多多，又被稱黑面港姐、「性女」港姐，又被知情人士爆料指曾捲入三角關係，踩上前男友小三工作的名店大鬧對方，之後又被閏蜜爆出靠港姐獎金還「卡數」等等事情，黑歷史何謂是多不勝數。不過林鈺洧對於爆料者身份略知一二，更勸對方快啲「收手」。

作為星二代的林鈺洧選完港姐短短一個月就接二連三被爆舊歷史，先被翻兜「性史」言論，搞到被人叫「性女港姐」，風波都未平又被爆出她做過保險和名店sales，更捲入三角關係，仲去埋情敵工作地方踩場，之後又有閨蜜爆靠港姐獎金還「卡數」，事關她欠下50萬卡數而又無力償還。已面對種種惡意的指控，性格樂觀的她也坦言有唔開心，更表示自己不是外界所見咁硬朗，希望不要再有惡意詆毁，而她也會用時間去證明清白。

不過最令她傷心卻是被封為「性女港姐」，害怕大家會被稱號主導咗思想，用有色眼鏡看她，始終作為女仔都會驚嫁唔出，如果有追求者想追她但擔心睇完報道會打退堂鼓，另外再次激動澄清只喺拍過3次拖，冇5個男朋友咁多，亦都好相信以往交嘅男朋友都無第三者，所以唔存在罵戰。而50萬卡數更是荒謬至極，表示以前信用額得一萬，無可能簽到50萬，又強調自己鍾意用現金，會將現金擺喺屋企。不過對於爆料者身份，她表示心裹有數，更叫對方快啲「收手」唔好再講大話啊！

#张家辉[超话]#

張家輝被觀眾大嗌「化骨龍」：以後咪再提啦！
影帝張家輝首次現身參演電影《明日戰記》謝票場，現場戲迷反應熱烈，有人表示前後入場31次，更有好消息傳來，該片累積票房已衝破6,801萬港元，並成功超過越韓國電影《屍殺列車》，成為香港電影史上最高票房亞洲電影。

謝票送禮物環節，家輝搞笑問大家「我是誰」，有觀眾大叫「化骨龍」，他即出動《明》片經典金句對白回應：「我就是天幕呀，其實套戲冇張家輝嘅，『化骨龍』就最好以後唔好再提啦。」場面爆笑！而家輝受訪時，離港的古天樂突然來電，家輝繼續搞笑：「你係天樂，我係天幕喎。喂，返嚟開番幾部（戲）畀我啦。」問到古仔欠200萬票房便順利「登7」，他老實不客氣答：「梗係愈多愈好啦。」

對於有觀眾表示已看了31次，家輝直言感動：「我成日都話，電影係創意工業，唔能夠自我封閉，應該多元化發展，同時亦需要鼓勵及推動，明白呢句說話易講難明行，每次想去突破同冒險時，風險就會變大，不過要睇好風景嘅話，都要行難啲嘅路。」他坦言以往自己都拍過些嶄新題材的戲，最後輸了，但他沒被嚇怕：「如果以後有人投資，我都繼續敢去做㗎。（今次票房成績會唔會增添你往後作品嘅壓力？）唔諗，最重要創意，如果千篇一律嘅題材，做嘅冇意思，睇嘅亦都冇意思。」

家輝透露月中便飛往馬來西亞，繼續拍攝電影《爆裂點》，回港即投入自導自演電影《贖夢》的準備工作。他說：「呢套戲都係開埠以來最大膽嘅製作，會拍到腎上腺飆升，因為好刺激。」

明日戰記｜「天幕」張家輝首次現身謝票：始終係鍾意化骨龍

電影《明日戰記》日前打破《寒戰II》的票房記錄，成為香港史上最賣座的華語電影，並邁向7000萬票房。「天幕」張家輝今日（9日）千呼萬喚始出來，現身尖沙咀戲院首次參與謝票活動，一進場他就高呼「我係天幕」，呼應戲中其角色的金句「我就係天幕，天幕就係我」，最期待嘅畫面終於出現！

稍後家輝接受媒體訪問時，談及參演《明日戰記》的感受：「我對電影工作嘅睇法從來都係從一而終，成日想接觸多啲唔同角色，多元化，今次《明日戰記》都係一個好大膽嘅嘗試，符合一個多元化嘅電影工業嘅一個主體生命裡面，當然去嘗試一啲多創意新事物嘅時候，相對地要接受更多風險，今日睇到香港呢個票房數字，都係值得大家高興，亦都證明到創意受到大家喜愛」。

謝票期間有觀眾大叫「化骨龍」，當時家輝就笑住回應：「化骨龍大家盡量唔好再提」，及後記者問他化骨龍與天幕二選一，他直言：「化骨龍係好乞人憎嘅，始終係鍾意化骨龍，我成日都掛住佢，不過我又唔係好想見到佢」。

cr.香港01