ཟབ་ཆོས་ཞི་ཁྲོ་དགོངས་པ་རང་གྲོལ་ལས་ཆོས་སྤྱོད་བག་ཆགས་རང་གྲོལ་གྱི་མཇུག་ཏུ། བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ཀྱི་བཀའ་ལསཿགང་གིས་སྒྱུ་འཕྲུལ་ཞི་ཁྲོ་ཡིཿདཀྱིལ་འཁོར་ལྷ་ལ་ཕྱག་འཚལ་ནསཿ ཉམས་ཆགས་ཀུན་ཀྱང་བྱང་གྱུར་ཏེཿ མཚམས་མེད་ལྔའི་སྡིག་ཀྱང་བྱངཿ ན་རག་གནས་ཀྱང་དོང་སྤྲུགས་ཏེཿ རིག་འཛིན་རྒྱལ་བའི་ཞིང་དུ་གྲགསཿ ཞེས་པ་དངཿཆོས་སྤྱོད་དེ་ལྟར་ཚུལ་བཞིན་དུ་བྱས་པའི་ཕན་ཡོན་བསམ་གྱི་མི་ཁྱབ་སྟེཿདཀྱིལ་འཁོར་གྱི་ལྷ་རྣམས་ཀྱི་མཚན་ལན་གཅིག་ཙམ་རྣ་བར་ཐོས་པས་ཀྱང་ངན་སོང་གི་གནས་སུ་མི་སྐྱེ་ཞིང་མཐར་སངས་རྒྱས་པར་གསུངས་ཏེཿ དཔལ་ཀུན་ཏུ་བཟང་པོ་ཉིད་ཀྱི་ཞལ་ནསཿ གལ་ཏེ་རྣལ་འབྱོར་ཕོ་མོ་གང་ཞིག་གིས་དཀྱིལ་འཁོར་གྱི་ལྷ་དེ་རྣམས་ཀྱི་མཚན་རྣ་བར་ལན་གཅིག་ཐོས་པ་ཙམ་གྱིས་ཀྱངཿ ན་རག་ཆེན་པོ་མི་ལྷུང་ངོཿཅེས་གསུངས་པ་དངཿརང་བཞིན་སྒྱུ་འཕྲུལ་དཀྱིལ་འཁོར་ལཿ གང་ཞིག་གུས་པས་ཕྱག་འཚལ་ནསཿ ཉམས་ཆགས་ཀུན་ཀྱང་བྱང་བར་འགྱུརཿ དམ་ཚིག་བསྐོངས་ནས་དངོས་གྲུབ་ཐོབཿ ཅེས་གསུངས་པའི་ཕྱིརཿ ཕན་ཡོན་བརྗོད་ལས་འདས་པ་ཡོད་པསཿདེ་བས་ན་བདག་ལུས་ཞི་ཁྲོའི་ལྷ་ཚོགས་སུ་གསལ་གདབ་ཅིང་ཆོས་སྤྱོད་ལ་བརྩོོན་པར་གྱིས་ཤིགཿཚེ་འདི་ཉིད་ལའང་མཆོག་ཐུན་མོང་གི་དངོས་གྲུབ་ཐོབ་ཅིང་ཚེ་འཕོས་ནས་ཀྱང་ཆོས་ཉིད་བར་དོར་ཞི་ཁྲོའི་སྣང་བ་འཆར་བའི་ཚེཿ གཉིས་སུ་མེད་པར་ཐིམ་ནས་སངས་རྒྱས་པར་འགྱུར་རོཿ ཉམས་སུ་ལོངས་ཤིགཿ གཤེད་མ་བརྒྱ་ཡིས་བདས་ཀྱང་འདིའི་ཚིག་དོན་ཡིད་ལ་མ་བརྗེད་པར་གྱིས་ཤིགཿ ཟུངས་ཤིག་ཆོངས་ཤིགཿ ཀློགས་ཤིགཿཀུན་ཆུབ་པར་གྱིས་ཤིགཿ ཚུལ་བཞིན་ཡིད་ལ་གྱིས་ཤིགཿ ཅེས་ཆོས་སྤྱོད་བག་ཆགས་རང་གྲོལ་ལ་དུས་གསུམ་དུ་བརྩོན་པས་འབད་པ་དང་་། ཞི་ཁྲོའི་ལྷ་ལ་ཕྱག་འཚལ་བ། མཚན་ཐོས་པའི་ཕན་ཡོན་ལ་བསམ་ནས་འུ་ཚོའི་ལག་སྟར་རེ་གནོངས་མཛོད།
https://t.cn/A6oBSK4d ༈ ད་རེས་ཚང་མས་དགའ་བ་དང་སྤྲོ་བ་གྱིས་དང་སྟོན་པ་ཐུགས་རྗེ་ཅན་དང་བླ་མ་དགེ་བའི་བཤེས་གཉེན་རྣམས་ཀྱི་བཀའ་དྲིན་གྱིས། འུ་ཅག་ལ་སངས་རྒྱས་འོད་དཔག་མེད་ཟེར་བའི་མཚན་ཞིག་ཐོས་རྒྱུ་ཡོད། བདེ་བ་ཅན་གྱི་ཞིང་ཁམས་ཟེར་བའི་གནས་ཁྱད་པར་ཅན་གྱི་སྨོན་ལམ་འདེབས་ས་ཞིག་ཀྱང་ཡོད་པས། རང་མ་ངན་ན་ད་ལྟ་མི་མཇེད་འཇིག་རྟེན་འདིའི་སྟེང་ནས་སྐྱེ་བ་གཞན་བརྒྱུད་མི་དགོས་པར་ཚེ་འདི་འཕོས་མ་ཐག་ཏུ་ཚང་མ་བདེ་བ་ཅན་གྱི་ཞིང་ཁམས་སུ་འགྲོ་བ་ལ་དཀའ་ལས་གང་ཡང་ཡོད་ནི་མ་རེད།
______ཆོས་རྗེ་དམ་པ་༧ ཡིད་བཞིན.ནོར་བུས།
______ཆོས་རྗེ་དམ་པ་༧ ཡིད་བཞིན.ནོར་བུས།
དོ་དགོང་ང་ཚོའི་སྡོད་གནས་འདིར་ག་ཤེད་ཅིག་ནས་གློག་ལ་གནད་དོན་བྱུང་སྟེ། གློ་བུར་དུ་གློག་ཆད་སོང་། ཧ་ལམ་ད་དུང་དུས་ཚོད་གཅིག་གཉིས་ལ་སྒུག་དགོས་པར་བཤད། བྱ་ཐབས་མེད་པར་ཞག་སྒྲོན་རྐང་གཅིག་གི་འོད་ངོགས་ན་མུན་ནག་གི་འཇིག་རྟེན་དང་ཉེ་བར་བཅར་ནས་ཡོད། གློག་འོད་ཀྱི་འཇིག་རྟེན་ནས་ལོབས་དྲགས་པས་རྒྱུན་ལྡན་མིན་པའི་སྣང་བ་ཟ་ཟི་ཞིག་དང་བཅས་ཏེ། སྐྱིད་སྣང་ཞིག་ཀྱང་རྒྱས་པར་བྱེད། དར་ཅིག་ལ་འཚོ་བའི་ཁ་དོག་གཞན་ཞིག་བརྗེས་པ་འདི་ཡང་ཇི་འདྲའི་མྱོང་རོལ་དང་ལོངས་སྤྱོད་མ་འདྲ་མ་ཞིག་གོ།། སྔོན་ཆད་ཀྱི་གློད་འོད་གྱ་གྱུས་འཇབ་རྒོལ་མ་ཐེབས་པའི་དབེན་འཇགས་ཀྱི་འཚོ་བ་དེ་དང་། འཚོ་བ་དེའི་མཛེས་སྡུག་གཞན་ཞིག་ཀྱང་ཚོར་བར་བྱེད། ད་ལྟའི་འཚོ་བས་ང་ཚོར་འགྲོ་འདུག་སོགས་ཕྱོགས་གང་ཐད་ནས་སྟབས་བདེ་ཕུན་སུམ་ཚོགས་པ་བསྐྲུན་ཡོད་ནའང་། སྔོན་ཆད་ཀྱི་ལྷིང་འཇགས། བག་ཕེབས། སོས་དལ་གྱི་འཚོ་བའི་ཟུར་ངོས་རེ་རེ་རྨང་ནས་བཅོམ་སོང་བ་འདྲ། དེ་དང་ལྷན་དུ་མིའི་སེམས་ཀྱི་བག་ཆགས་པའི་གཤིས་ཀ་དེ་ཡང་ཡོངས་སུ་འཕྲོག་སོང་བ་འདྲ། འདི་ལྟར་གློག་ཆད་པ་ན། སྔོན་ཆད་ཀྱི་ཡིད་དུ་འོང་བའི་འདས་དོན་མང་བོ་ཞིག་ལ་ཕྱིར་དྲན་དང་ད་ལྟའི་འཚོ་བའི་དགེ་སྐྱོན་མང་བོར་བསམ་གཞིགས་གཏོང་བའི་གོ་སྐབས་ཀྱང་བསྩལ་ཡོང་བས། དེ་ཡང་ཇི་འདྲའི་དོན་སྙིང་ལྡན་པ་ལ། ད་དུང་གློག་ཆད་པ་འདིས་ལྷིང་འཇགས་ཀྱི་འཚོ་བ་གཞན་ཞིག་གི་མཛེས་དཔལ་མཐོང་བར་བྱེད་པ་མ་ཟད། གློག་ཅེས་པའི་སྒྱུ་འཕྲུལ་རང་བཞིན་ལྡན་པའི་དངོས་པོ་ཁྱད་མཚར་བ་འདི་ཉིད་གསར་གཏོད་བྱ་མཁན་གང་དེའི་བཀའ་དྲིན་ཡང་དྲན་དུ་བཅུགས་ཡོང་། གློག་འོད་གསར་གཏོད་མཁན་ནི། མཚན་མོའི་སྨག་ནག་པའི་འཇིག་རྟེན་ལ་ཉི་འོད་ལྟ་བུའི་མིག་འབྱེད་མཁན་དེ་ཡིན་པས། ཇི་འདྲའི་རླབས་ཆེ་བ་ལ། ཁོའི་བཀའ་དྲིན་གྱི་མཐུ་འོག་ནས་ང་ཚོ་ཡང་མུན་ནག་གི་འཇིག་རྟེན་དང་རྒྱང་དུ་གྱེས་ཐུབ་སོང་བ་མ་ཡིན་ནམ། དེ་ལྟར་གློག་ཆད་པའི་དུས་སྐབས་ཐུང་ཐུང་འདིར་ཁོ་བོར་བསམ་གཞིག་གི་འཆར་སྒོ་མང་བོ་ངང་གིས་འཕྱུར་ཡོང་ངོ་།།
✋热门推荐