老豆成日口芽夹夹要翻仁济路，年前同佢翻过一次，开心到咩咁一路鸡啄唔断。趁住天口无咁兴又无落雨，顺便训练翻下佢啲脚骨力，晒晒太阳咪成日恰眼训，就又同佢翻去行行。
本嚟谂住去爱群旋转餐厅饮茶怀念一下，点知去到先知而家旋转餐厅唔做中餐了，只有西餐。佢对西餐麻麻。阿妈谂住去附近其他酒楼食，结果东方之珠、大同、新华全部都无得食了，阿妈好唏嘘：点解会咁㗎……
年前翻去个阵，一路几乎都水静河飞，而家就好嘘冚，嘘冚到我哋擘大个口得个竉：成条街隔几户就係一个批发衫嘅仓库，拉车街头拉到巷尾，加上外卖送餐痴卓咁转，同年前对比……你都唔知话佢旺定唔旺……门口石凳依旧在，住家无见几个人。
街口就真係旺过卢旺达，买快餐嘅后生仔女係马路边排到入巷，老豆撞到上次个街坊，好傻好天真咁问人哋：佢哋排队做咩[允悲]——揾食咯大佬！街口以前係猪肉档，又卖下菜咁，记得细个个阵四五点定係五六点就会听到好大声嘅斩猪肉声，好似仲听过劏猪叫[裂开]凌晨静英英，啲木楼根本无咩隔音可言，简直好似就係耳仔边响咁样。而家唔同晒咯，两边打横同年前两个样，快餐店烧腊铺粥粉面饭间间爆棚，仲有啲水果铺士多仔係店外面摆出少少摊，人行道本身就窄，货人车精彩过六角大封相。

记得细个个阵，有次落课翻到屋企楼下，係都要同同学仔玩一餐再翻上去，就係隔离再隔离屋门口，石板铺嘅石梯上面玩sir滑梯。个阵有把深蓝色嘅企鹅图案嘅直柄遮，我好钟意，个日挪个柄勾住人哋铁门嘅铁支，自己同同学仔揸住遮尾好似扯大揽咁，幻想攀岩‍♀️拉住上去……大人觉得好无聊，细路反正唔做功课嘅嘢都係正嘢。记得咁清楚係由于玩得太嗨，遮柄都焖断咗，俾老豆闹咗一烂餐。大人係唔记得噶喇，只有已经变成大人嘅细路仲记得。
印象中，个几级石级好高，我哋拉住遮，攀啊攀啊攀，好“辛苦”——虽然有演戏成分——先爬到上去。但係而家睇翻，就係一个高抬腿嘅距离。

大人真係好无聊啊。

图係年前影嘅，呢棵唔记得係九里香定係米仔兰，同个棵唔记得係乜嘅藤，从我细个纠缠到家阵时都依旧咁健硕。希望大家都一样。

年初一谂住同屋企人饮翻餐茶 专登调闹钟 挣扎佐成半个钟先起到
结果发现妈咪仲系度训 走去叫佢
：妈咪
：...无回应
：妈咪……妈……
(起身)：吓？我以为我发紧梦
(笑)：你冇去饮茶乜？
：冇啊 我好眼训啊
：我都好眼训
：训啦训啦年初三先啦

-2022年初一陪屋企人饮茶 失败[单身狗]
-团年饭发现我噶冲天辫[裂开]点解可以咁...

我宣佈長常熬夜冠軍作不动了 昨晚難得忙完周末想看個电視吃個宵夜放鬆一下，困吱吱的看到3點，今天10點醒整个頭还是wing的！我好水皮[苦涩]

誰是兇手真的好好看！！！
好困但昨晚还是堅持看完第9集，期待有精力追完，上2个星期被阿明實名安利後 一有空我就追，可每次看不到半集我就開始釣魚，困！到後面他都不想陪我看了哈哈哈 沒辦法 啊真係好眼訓 每到12點就自動困到不行[awsl] https://t.cn/RyhYY6Z