ཨ་རིའི་ཁྱིམ་བདག་ཅིག་གིས་ཉིན་རྒྱུན་ར་སྐོར་ནང་ལ་གད་བདར་བྱེད་པར་བྱིས་པ་ལས་རོགས་སུ་འཁྲིད་པ་ཡིན། ར་སྐོར་ཅུང་ཆེ་བས་བྱིས་པར་མཚོན་ན་རོགས་བྱེད་རྒྱུ་དེ་ཡང་ཤིན་ཏུ་ལྕི་བའི་ལས་ཀ་ཞིག་ལ་ཆགས་ཡོད། ཁྱིམ་མཚེས་ཚང་གི་བྱིས་པས་སྤྲོ་སྣང་ཆེན་པོའི་ངང་ནས་རྣོ་སྦྲེང་བརྡུངས་ནས་བསྡད་ཡོད་པའི་སྐབས་དེ་དག་ཏུ་ཡང་ཁོང་ཕ་བུ་གཉིས་ཀྱིས་ལས་ཚེགས་ཆེན་པོས་ཁང་བའི་ཕྱི་ཁྱིམ་ལ་གཙང་སྦྲ་བྱ་དགོས་པའི་སྐབས་ཀྱང་མང་བོ་ཡིན། སྐབས་དེ་དག་ཏུ་ཁོང་ཚང་གི་བྱིས་པས་ཀྱང་ཉིན་རྒྱུན་གད་བདར་བྱེད་པའི་ལས་ཀ་ཐབས་ཆག་པོ་འདི་དག་ལ་འཐམ་ནས་འདུག་པ་ལས། རྣོ་སྦྲེང་བརྡུངས་ནས་འདུག་རྒྱུ་བྱུང་ན་ཇི་འདྲའི་སྐྱིད་པ་ལ་སྙམ་སྟེ། ཁྱིམ་མཚེས་ཚང་གི་བྱིས་པར་ཡིད་སྨོན་སྐྱེས། ཨ་ཕར་ཁོ་ལ་ཡང་རྣོ་སྦྲེང་ཞིག་ཉོ་རྒྱུར་རེ་སྐུལ་ཡང་ཡང་ཞུས། ཨ་ཕས་བཤད་རྒྱུར་ཁྱིམ་མཆེས་ཚང་གིས་བྱིས་པས་ནི། རྣོ་སྦྲེང་ལེགས་པོ་རྡུང་ཤེས་པ་ཙམ་དུ་མ་ཟད་ཉིན་རྟག་པར་རྒྱུན་སྐྱོང་བྱེད་ཀྱིན་འདུག་པས། ཁོ་ལྟ་བུ་ལ། རྣོ་སྦྲེང་ཡོད་ན་འགྲིག་མོད། ཁྱོས་ནི་རྣོ་སྦྲེང་རྩ་བ་ཉིད་ནས་རྡུང་མྱོང་མེད་པས། ཉོས་ཀྱང་རྒྱུན་བསྐྱངས་ནས་སྦྱོང་མི་ཐུབ་པར་ངེས་པས་མི་ཉོ་རྒྱུ་བྱ། དེ་ལས་མུ་ནས་ར་སྐོར་ནང་ལ་གད་བདར་གཙང་མ་རེ་བྱེད་པར་འབོད་ཅེས་ཡང་ཡང་བཤད། ཉིན་ཁས་འགོར་བ་ན་ཡང་བསྐྱར་བྱིས་པས་ཨ་ཕར་བཤད་རྒྱུར་ཁྱོད་ཀྱིས་ང་ལ་རྣོ་སྦྲེང་ཞིག་ཉོས་པ་ཡིན་ན། རྒྱུན་སྐྱོང་ལྷོད་མེད་ཀྱིས་སྦྱང་ཐུབ་པར་ཁས་ལེན་དམ་བཅའ་བྱས་ཆོག་ཅེས་ཞུ་བ་ཡང་ཡང་བྱས། དེ་ནས་ཨ་ཕས་ཀྱང་ཁྱོད་ཀྱིས་རྒྱུན་སྐྱོང་བྱེད་པའི་དམ་བཅའ་འགྱུར་བ་མེད་པ་ཞིག་ཡོད་ན། ཉོ་རྒྱུ་བྱ་ཞེས་གོང་སླ་བའི་རྣོ་སྦྲེང་སྟབས་བདེ་ཞིག་ཉོས། ཟླ་ཤས་ཙམ་ལ་རྒྱུན་སྐྱོང་ལྷོད་མེད་ཀྱིས་སྦྱངས་པ་ན། གོང་སླ་བའི་རྣོ་སྦྲེང་དེས། བྱིས་པའི་ཡིད་མ་ཚིམ་པས་ཡང་དེ་ལས་བཟང་བའི་རྣོ་སྦྲེང་གསར་བ་ཞིག་ཉོ་བར་ཨ་ཕར་རེ་ཞུ་བྱས། ཕ་རྒན་གྱིས་རྣོ་སྦྲང་ལེགས་པོ་ཞིག་ཉོ་དགོས་ན། ཁྱོད་ཀྱི་རྡུང་རྩལ་གྱི་ཚད་གཞི་མཐོ་དགོས་པས་ད་དུང་མུ་ནས་སྦྱོངས་དང་ནམ་ཞིག་ལ་ཡར་བསྐྱེད་ཆེན་པོ་བྱུང་ན། དེ་ནས་ཉོས་ཆོག་ཅེས་བཤད། དེ་ནས་བྱིས་པས་ཀྱང་རྒྱལ་སྤྱིའི་མིང་རྟགས་ཅན་གྱི་རྣོ་སྦྲེང་སྤུས་ལེགས་ཞིག་ཉོ་ཐུབ་པར་སྔར་ལས་ཀྱང་འབད་བརྩོན་ཆེན་པོ་བྱས་ཏེ། མཐར་ཡར་རྒྱས་ཆེན་པོ་བྱུང་ནས། ཆེད་ལས་རྣོ་སྦྲེང་བ་ཞིག་གི་རྡུང་རྩལ་དང་གཉིས་སུ་མེད་པ་ཞིག་ཆགས། སྐབས་དེར་ཕ་རྒན་ཀྱང་ཡིད་འགུལ་ཐེབས་ཏེ། ཁོའི་འདོད་པ་ལྟར་དུ་རྣོ་སྦྲེང་ཧ་ཅང་ལེགས་པོ་ཉོ་ཐུབ་བྱས། རྗེས་མར་བྱིས་པ་དེ་ནི། ཤིན་ཏུ་གྲགས་སྐད་ཆེ་བའི་རྣོ་སྦྲེང་རོལ་མོ་བ་ཞིག་ཏུ་གྱུར་ཏོ།། གཏམ་རྒྱུད་འདིས་ནི། བྱིས་སྐྱོང་གི་ནམ་ངག་དམ་པ་ཞིག་བསྟན་ཡོད་པར་བཤད་ཀྱིན་འདུག་ན། མན་ངག་དེ་ཅི་ཞིག་ཡིན་མིན་ལ་སོ་སོས་དཔྱད་པར་འཚལ་ལོ།།

རྡོ་རྗེ་སློབ་དཔོན་ཞབས་བརྟན་བཞེད་པ་འགྲུབ། ། དགེ་འདུན་སྡེ་འཕེལ་བཤད་སྒྲུབ་བསྟན་པ་དར། ། འཁོར་སློབ་སྦྱིན་བདག་མངའ་ཐང་འབྱོར་བ་རྒྱས། ། བསྟན་པ་ཡུན་རིང་གནས་པའི་བཀྲ་ཤིས་ཤོག །金刚上师住世所愿成 僧团兴旺讲修教法盛 眷属施主财福皆圆满 教法长久住世愿吉祥

❤️བྱང་ཆུབ་སེམས་མཆོག་རིན་པོ་ཆེ།། མ་སྐྱེ་པ་རྣམས་སྐྱེས་གྱུར་ཅིག། སྐྱེས་པ་ཉམས་པ་མེད་པར་ཡང་།། གོང་ནས་གོང་དུ་འཕེལ་བར་ཤོག། 菩提心妙宝， 未生者当生， 己生勿退失， 辗转益增长！❤️