མི་གཞན་ལ་ཡོད་པའི་ཤེས་བྱ་དུ་མ་ཞིག
ཁྱོད་ལ་མེད་སྲིད་ཀྱང་།

ཁྱོད་ལ་ཡོད་པའི་ཡོན་ཏན་མང་པོ་ཞིག་ཀྱང་གཞན་གྱིས་ཡོད་ན་བསམ་པའི་སྨོན་གཞི་རུ་གྱུར་ཡོད་པས།

སོ་སོའི་མི་ཚེའི་ནང་གང་ཡོད་པའི་མི་སྣའམ།

དངོས་པོ་དེ་དག་ལ

དྲིན་བཟོ་ཤེས་པར་གྱིས་དང་།

མི་ཚེ་ནི་ཁྱོད་ཀྱིས་བསམ་པ་ལས་ཀྱང་རིན་ཐང་ལྡན་པ་ཞིག་ཏུ་འགྱུར་སྲིད།

མི་ཚེ་ནི་རྨི་ལམ་ཐང་གཅིག་ཡིན།

སེང་ཉིན་ནི་ང་ཚོས་སྒྲོ་བཏགས་ཀྱི་སྣང་བརྙན་ཞིག་ལས་རྟོགས་ཡུལ་ན་ཡོད་པ་མིན། མ་འོངས་བ་ནི་ཡིད་གཉིས་ལ་འཆར་བའི་བདེན་རྫུན་འབྱེད་དཀའ་ཡང་མི་ཚེ་འདུན་ཕྱོགས་ལ་སྐྱོད་པའི་ནུས་ཤུགས་ཀྱི་མཚན་མ་ཞིག་ཡིན་ཆོག

འདས་པ་ནི་ཕྱི་དྲན་གྱི་རྣམ་རྟོག་ལ་འཆར་བའི་མེ་ལོང་ཆག་པོ་ཙམ་ལས་ཁ་གསབ་དུ་མེད།

ཁྱོད་དང་ང་ལ་དབང་བ་ནི་ད་ལྟའི་སྐྱིད་སྡིག་བར་མ་གསུམ་གྱི་གྲུབ་གཟུགས་དེ་ཡིན་སྲིད་པས་དེ་བདེན་པར་སྣང་ཆོག།

བདག་གི་མཆེད་གྲོགས་མཚུངས་མེད་ལྷ་བཟོ་ཤེས་རབ་སྨོན་ལམ་ལགས་ཀྱིས་ངོ་སྤྲོད་དང་སྣེ་ཁྲིད་འོག་ཨ་རིའི་ཁེ་ལི་ཧྥོར་ནི་ཡའི་(California)མངའ་སྡེའི་ལྟེ་བ་སན་ཧྥ་རན་སིའི་སི་ཁོ་(San Francisco)རྒྱལ་སའི་ནང་ཡོད་པའི་ཤར་ཨེ་ཤི་ཡའི་སྒྱུ་རྩལ་དངོས་མང་བཤམས་སྟོན་ཁང་(Asian art museum. chong-moon lee center for Asian art and culture.)དུ་ལྟ་སྐོར་འགྲོ་རྒྱུའི་གོ་སྐབས་བྱུང་། བཤམས་སྟོན་ཁང་གི་ཧི་མ་ལ་ཡའི་སྡེ་ཚན་དུ་བོན་གྱི་སྐུ་རྙིང་རྩ་ཆེན་གཉིས་ཡོད་པ་ནི། ཞི་བ་རྒྱལ་བ་འདུས་པ་དང་། ཀུན་བཟང་ཨ་སྐོར་གྱི་སྐུ་གཉིས་རེད་འདུག འགྲེལ་བཤད་ནང་གསལ་ལྟར་ན་རྒྱལ་བ་འདུས་པ་སྤྱི་ལོ་ 1300 ལོ་དང་། ཀུན་བཟང་ཨ་སྐོར་ནི་སྤྱི་ལོ་ 1300 ནས་ 1400 བར་གྱི་སྐུ་ཡིན་པར་བཤད་འདུག དེ་ལྟར་ན་ད་བར་མི་ལོ་ 700 ལྷག་ཕྱིན་འདུག རྒྱལ་བ་འདུས་པའི་ཕྱག་རྒྱ་དང་། ལྷག་པར་དུ་<<ཨ་གསལ་>>ལས། “གཡས་གཡོན་ཕྱག་མཐིལ་ཉི་ཟླའི་འཁོར་ལ། །ཐབས་དང་ཤེས་རབ་ཨ་དང་མ་ཡིས་མཚོན།” །ཞེས་པ་དེ་འདི་ལྟར་བཞེངས་དགོས་པར་སྣང་ངོ་།
              དཔོན་རྒོད་དགེ་བཤེས་ཀྱིས། ༡༠། ༡༠། ༢༠༢༢