སྟོན་ཀའི་གཞས་ཆུང་།

སུམ་རྩེན་ལྷ་ཡི་དགའ་ཚལ་བཀོད་འདྲ་བའི།།
མཛེས་སྡུག་དཔལ་གྱིས་ཕྱུག་པའི་དབྱར་ལྗོངས་དེ།།
གྲང་རེག་རླུང་གིས་སྐུལ་བའི་དུས་ཚིགས་སུ།།
འདས་དོན་དྲན་ཚེ་མི་རྟག་གཞས་ཆུང་ལེན།།

ཡིད་འོང་མེ་ཏོག་སྣ་བརྒྱ་བཞད་པའི་དབུས།།
སྦྲང་ཆུང་གར་ལ་རྩེན་པའི་རྣམ་འགྱུར་དེ།།
མེ་ཏོག་སད་ཀྱིས་ཁྱེར་བའི་ནམ་ཟླ་འདིར།།
ཡུད་ཅིག་ཡལ་བ་འཇའ་ཚོན་རི་མོ་ལྟར།།

རྩི་ཤིང་ལོ་འདབ་རྒྱས་པའི་སྐྱེད་ཚལ་དུ།།
སྔོ་ལྗང་གཡུ་ལོ་ལྡེམ་པའི་ལྟད་མོ་དེ།།
སྡོང་ལོ་སེར་པོར་གྱུར་བའི་སྟོན་གཞུང་དུ།།
ཁུ་བྱུག་ལྷོ་ལ་ཕུར་བའི་སྐྱོ་གླུ་ཡིན།།

མཚོ་དང་མཚེའུ་རྒྱན་དུ་ཕུལ་བས་གནས།།
ངང་ཆུང་གཤོག་རྩལ་ངོམ་པའི་རྩེ་དགའ་དེ།།
མཚོ་ཁ་གྲང་དར་ཆགས་པའི་དུས་སླེབ་ཚེ།།
འདུ་འབྲལ་སྐྱོ་བའི་མིག་ཟུང་རྒྱང་ལ་གཏད།།

དུས་བཞིའི་འགྱུར་ལྡོག་འདི་ཡི་དཔེས་སྐུལ་ཏེ།།
འགྲོ་ཚོགས་སྐྱེ་རྒ་ན་འཆིའི་འཕྲང་ཆེན་དུ།།
མི་འདོད་གཅིག་རྗེས་གཉིས་མཐུད་བརྒྱུད་པའི་ཚེ།།
སེམས་གསོ་མཐར་ཐུག་དམ་པའི་ལྷ་ཆོས་ལགས།།

དབྱར་གྱི་འདུ་འཛོམས་ཐམས་ཅད་ཡུད་ཙམ་གྱིས།།
སོ་སོར་བྲལ་བའི་སྣང་ཚུལ་སྐྱོ་བོ་དེ།།
སྟོན་འཇུག་གྲང་རླུང་རྩུབ་མོའི་རེག་བྱ་ཡིས།།
མནར་གཅོད་འཁུར་བའི་ལོ་མ་འཐོར་བོ་བཞིན།།

བོད་ཟླ། ༩ / ༢ གཟའ་ཕུར་བུ།

࿑བཟོད་པ་ཚིག་ངན་བྱུང་དུས་སྒོམས།།
སྦྱིན་པ་ཟས་ནོར་ཡོད་དུས་ཐོངས།།
ཕྱག་སྐོར་སྒྱུ་ལུས་བདེ་དུས་གྱིས།།
གདམས་ངག་བློ་རིག་གསལ་དུས་སྒོམས།།
___ཞབས་དཀར་ཚོགས་དྲུག་རང་གྲོལ་གྱིས།

#西游记读后感# ནུབ་ཕྱོགས་མྱུལ་བའི་ཟིན་ཐོ་བཀླགས་པ་ལས་བྱུང་བའི་མྱོང་ཚོར་པད་དཀར་འཕྲེང་མཛེས་ཞེས་པ་འདི་ནི་ཐང་ཟན་བླ་མ་དང་སྤྲེའུ་མགོ་ཅན་སོགས་ཀྱི་གཏམ་རྒྱུད་ལྷ་སྒྲུང་བཀླགས་པའི་མྱོང་ཚོར་རྒྱས་པ་ཞིག་སྟེ། ལྷ་སྒྲུང་དེ་ལ་ཡང་དག་པའི་གོ་བ་ལེན་ཚུལ་དང་། ལྷ་སྒྲུང་ཁྲོད་ཀྱི་མི་སྣ་རེ་རེའི་མཚོན་དོན་ལས་འཕྲོས་ཏེ་སློབ་དཔོན་རྨད་བྱུང་གཟི་བརྗིད་དམ་ཐང་ཟན་བླ་མ་ཁོང་གི་རྣམ་ཐར་དངོས་ཞིབ་ཅིང་རྒྱས་པར་བཀོད་པ་ཞིག་ཡིན། འདི་ནི་ད་སྔ་བོད་ཡིག་ཏུ་བཀོད་པའི་སློབ་དཔོན་ཁོང་གི་རྣམ་ཐར་ཆེས་ཆ་ཚང་ཤོས་དང་རྒྱས་ཤོས་དེ་ཡིན། ད་ཐེངས་དགེ་རྒན་རིན་པོ་ཆེ་བཛྲ་ཚུལ་ཁྲིམས་རྒྱ་མཚོ་མཆོག་གིས་བརྩམས་པའི་ཐང་ཟན་བླ་མའི་རྣམ་ཐར་འདི་ཉིད་བཛྲ་འོད་ཟེར་ལགས་ཀྱིས་ཀློག་འདོན་ཞུས་ཏེ་ཀུན་གྱི་སྙན་ལམ་དུ་མུ་འགོད་བྱ་རྩིས་ཡོད་པས། ཡི་གེ་མི་ཤེས་པའམ། ཤེས་ཀྱང་ཀློག་ཁོམ་མེད་པ་དག་གིས་འགྲོ་འདུག་གི་བར་ནས་ཉན་ན་ཧ་ཅང་སྟབས་བདེ་བར་མ་ཟད། དུས་ཡུན་ཐུང་ཐུང་གི་ནང་དུ་ལྟ་རྒྱ་དང་ཐོས་རྒྱ་བསྐྱེད་ཐུབ་པས། འདི་ནི་དུས་རབས་གསར་བའི་གློག་རྡུལ་ཡོ་བྱད་བཀོལ་ནས་སློབ་སྦྱོང་བྱ་བའི་གོ་སྐབས་ཆེས་ལེགས་པ་དེ་ཡིན་པར་ཡིད་ཆེས་ཡོད།

--- གྱི་ལིང་འཇིགས་མེད་ཀྱིས། https://t.cn/R2WxDcG